| e-texts navigator |
| Wylie |
92b1 དེ་ནས་སེམས་དཔའ་ཆེན་པོ་ཕྱག་རྒྱ་ཡང་དག་པར་མགུ་བར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས་དཀྱིལ་འཁོར་ཐམས་ཅད་ཀྱི་ཆོ་ག་ཐུན་མོང་བ་རྒྱུད་ཐམས་ཅད་ཀྱི་ནང་དུ་གཏོགས་པ་ཕྱག་རྒྱའི་རི་མོའི་ཆོ་ག་།རབ་ཏུ་འཛུམ་པའི་བཞིན་དུ་གྱུར་པས་དེའི་འོག་ཏུ་ཕྱག་རྒྱའི་མཚན
92b2 ཉིད་གསུངས་པར་གྱུར་ཏོ། །བཅིང་བ་རྣམས་ཀྱི་མཚན་ཉིད་ནི། །ཤེས་ནས་རབ་ཏུ་བཞག་པའོ། །དེ་བཞིན་གཤེགས་པ་ཐམས་ཅད་ཀྱི། །རིགས་ཀྱི་ཕྱག་རྒྱ་ཆ་གསུམ་རྣམས། །ཉི་མའི་དཀྱིལ་འཁོར་ཀུན་ནས་འབར། །གཙུག་ཏོར་ཕྱག་རྒྱ་རྫོགས་པ་ཡི། །ཉི་མའི
92b3 དཀྱིལ་འཁོར་འཆར་བ་ནི། །འཁོར་ལོས་སྒྱུར་བའི་ཕྱག་རྒྱའོ། །གཙུག་ཏོར་དེ་ཉིད་ཅུང་ཟད་བཏེག་།གཙུག་ཏོར་སྟེང་འགྲོའི་ཕྱག་རྒྱའོ། །ཀུན་ཏུ་དཀར་བ་གདུགས་དཀར་ཅན། །འཁོར་ལོ་འབར་བ་རྣམ་པར་འཕྲོ། །གཟི་བརྗིད་ཕུང་པོ་རྡོ་རྗེ་སྙིང་། །གཞན་གྱིས་མི
92b4 ཐུབ་ལན་གསུམ་དཀྲིས། །རྒྱལ་བའི་གཙུག་ཏོར་ཕྱག་རྒྱའོ། །འཁོར་ལོ་རྩིབས་བརྒྱད་ལྟེ་བར་བཅས། །ཆོས་ཀྱི་འཁོར་ལོའི་མཚན་ཉིད་དོ། །པདྨ་རིན་ཆེན་ནོར་བུ་ནི། །རིན་ཆེན་སྙིང་པོའི་ཕྱག་རྒྱའོ། །དེ་ཉིད་དཀྱིལ་འཁོར་སོ་སོར་གནས། །ལས་ཀུན་བྱེད་པའི་གདུ
92b5 བུ་ཅན། །དེ་དབུས་སོན་པ་དབུས་མ་ཡིན། །སྤྱན་དེ་དེ་བཞིན་གཤེགས་པའི་སྤྱན། །དེ་ཉིད་རྩ་བ་ཅན་གྱིས་དམན། །དེ་བཞིན་གཤེགས་པའི་མཛོད་སྤུའོ། །རྩེ་མོའི་སྟེང་འོག་ནུས་པའི་མཚན། །དེ་བཞིན་གཤེགས་པའི་ནུས་པའོ། །འབར་བའི་ཚོགས་པ་གཞན
92b6 མི་ཐུབ། །འབར་བའི་སྙིང་པོའི་དཀྱིལ་འཁོར་ནི། །ཐམས་ཅད་ལྷུང་བཟེད་སོགས་ཕྱག་རྒྱ། །སྔགས་སམ་ཡིད་ཀྱི་བྱེ་བྲག་ལས། །དེ་བཞིན་གཤེགས་རིགས་ཕྱག་རྒྱའོ། །པདྨ་འདབ་བརྒྱད་ཕྱི་མ་ལ། །འདབ་མ་ཅན་རྫོགས་གང་བ་ཡི། །ཟླ་བའི་རྣམ་པ་ཆ་དང་བཅས། །
92b7 རྩ་བའི་ཕྱག་རྒྱ་པདྨ་ཅན། །པདྨ་གཡོ་བའི་སྟེང་དུ་ནི། །ངེས་ཞུགས་ནོར་བུ་འདོད་པ་ནི། །ཕུན་ཚོགས་བྱེད་པའི་ཕྱག་རྒྱའོ། །རྟ་མགྲིན་དང་ནི་སྔོན་ཕྱོགས་ཀྱི། །པདྨ་ཡི་ནི་ཟེ་འབྲུའོ། །པདྨ་དཀར་པོ་གོས་དཀར་ཅན། །ཟེ་འབྲུ་དེ་ཉིད་གྲགས་ལྡན་མའི། །ུཏྤལ་དེ་ཉིད
iiif viewer powered by OpenSeadragon
