| e-texts navigator |
| Wylie |
91b1 ནས་ལན་གསུམ་བཟླས་པའི་ཏིལ་མར་གྱིས་རྐང་པ་གཡས་པ་ལ་བསྐུས་ནས་ལྕགས་དེས་རྐང་པ་ལ་གདུང་བར་བྱ་ཞིང་གྲི་དྷ་ཤཱི་ཆོད་ཅིག་ཅེས་བརྗོད་པར་བྱའོ། །འབུམ་ཕྲག་གཉིས་བཟླས་པས་རྒྱལ་པོའི་བཙུན་མོ་དབང་དུ་བྱེད་དོ། །ཡུངས་ཀར་རྒྱལ་པོའི་སྲེག་བླུགས་བྱས་པས་དབང་དུ
91b2 འགྱུར་ཞིང་མཚན་མོ་བདུན་གྱིས་ནོར་གྱི་བདག་པོར་འགྱུར་ཏེ་འདོད་པས་ཉེ་བར་བཞག་པ་མ་གཏོགས་སོ། །མཱརྒ་ལ་འབུམ་བཟླས་ཏེ་བསྐུས་ན་བཟའ་བཏུང་གང་བླངས་པ་དེ་རྙེད་དོ། །རྒའི་ཡམ་ཤིང་གིས་སྦྱིན་སྲེག་བྱས་ན་གསེར་སྲང་བརྒྱ་རྙེད་དོ། །ཤིང་བི་ཎྱ་ཀཾ་གིས་སྦྱིན་སྲེག
91b3 བྱ་སྟེ་སྐྱེ་བོ་ཐམས་ཅད་དགའ་བར་འགྱུར་རོ། །ཏཱ་མཱུ་ལའི་ཕྱེ་མས་སྦྱིན་སྲེག་སྟོང་ཕྲག་བརྒྱ་བྱ་སྟེ་ཅོད་པན་འཆིང་བར་འགྱུར་རོ། །བྱེ་བ་བཟླས་པར་བྱ་སྟེ་འཁོར་བརྒྱས་བསྐོར་བའི་རིག་པ་འཛིན་པར་འགྱུར་རོ། །འབྲས་ཡོས་ཀྱི་སྲེག་བླུགས་སྟོང་ཕྲག་བརྒྱད་ཀྱིས་སྦྱིན་སྲེག་བྱ་སྟེ་ཉི་མ
91b4 བདུན་གྱིས་བགེགས་རྣམས་མེད་པར་འགྱུར་རོ། །འབུམ་ཕྲག་བཅུ་གཉིས་བཟླས་པར་བྱ་སྟེ། བ་ལྕི་སྐམ་པོ་ཧྭགས་ཀྱིས་བཙོ་བར་འགྱུར་རོ། །རྩ་བ་མེད་པའམ། དུག་མེད་པར་བརྗོད་པས་བསྐུས་ན་དྲི་བཟང་པོར་འགྱུར་རོ། །ཏཱམྦུ་ལ་ཐམས་ཅད་ཡང་དག་པར་སྦྱར་ཏེ
91b5 འབུམ་གྱིས་སྦྱིན་སྲེག་བྱའོ། །ཏཱམྦུ་ལ་མ་ཚང་བ་ཉིད་མེད་པར་འགྱུར་རོ། ། བཱ་མརྒས་མིག་ནད་སེལ་བར་བྱེད་དོ། །རིམས་ཀྱིས་བཏབ་པ་ལ་ཀུ་ཤས་བྱབས་པས་སོ། །སྲད་བུ་ལ་བརྒྱད་བརྒྱ་བཟླས་ནས་བཅིང་བར་བྱ་སྟེ་སྐལ་བ་བཟང་པོར་འགྱུར་རོ། །ཟན་དང་ཞོ
91b6 ལྷན་ཅིག་པ་འབུམ་གྱིས་སྦྱིན་སྲེག་བྱས་ན་ཇི་སྲིད་འདོད་པའི་ཟས་མ་ཚང་བ་མེད་པར་འགྱུར་རོ། །མར་གྱི་སྲེག་བླུགས་སྟོང་གིས་སྦྱིན་སྲེག་བྱས་ན་ཡུལ་གྲུ་གསུམ་རྙེད་དོ། །བསོད་ནམས་ཆུང་བའི་སེམས་ཅན་རྣམས་ཀྱིས་སྒྲུབ་པ་ལན་གསུམ་གྱིས་བསྒྲུབ་པར་བྱའོ་ཞེས་སོ། །གུ
91b7 གུལ་གྱི་རིལ་བུ་ཀ་པར་ཥའི་རུས་པའི་ཚད་ཀྱིས་སྦྱིན་སྲེག་སྟོང་ཕྲག་བརྒྱ་བྱ། ཉི་མ་རེ་རེ་ལ་པ་ཎ་བཅུ་དྲུག་རྙེད་དོ། །ལྷག་མ་མེད་པ་ཟད་པར་བྱའོ། །དོང་ཀའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱ་བྱ་སྟེ་མ་བཏགས་པའི་གོས་སྣ་ཚོགས་པ་བྱེ་བ་ཕྲག་བཅུ་གཉིས་རྙེད་དོ། །སྙིང་རྗེས་སྦྱིན
iiif viewer powered by OpenSeadragon
