| e-texts navigator |
| Wylie |
91a1 སུའང་འགྲོའོ། །ཚེ་བསྐལ་བར་འགྱུར་རོ། །བཅོམ་ལྡན་འདས་མ་འཕགས་མ་སྒྲོལ་མའི་སྒྲུབ་པོས་ཀུ་ཤའི་ཁྲེས་ཡོད་པས་ཨུ་དུམ་བཱ་རའི་ཆོ་ག་ཤེས་པར་བྱ་སྟེ། ཨུ་དུམ་བཱ་རའི་ཤིང་གི་ཤིང་ལྷམ་གཉིས་སམ། རྫ་མཁན་གྱི་ས་ལ། དེ་ནས་ཐམས་ཅད་མཉམ་པ་ཉིད་དོ། །
91a2 སྒྲོལ་མའི་མཆོག་ཏུ་གསང་བའི་ཉེ་བའི་སྙིང་པོའི་ཆོ་གར་འགྱུར་ཏེ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཨོཾ་ཀུ་རུ་ཀུ་རུ་ཀུལླེ་སྭཱ་ཧཱ། འདི་ནི་རིག་པ་འདི་ཐམས་ཅད་ཀྱི་མཆོག་ཏུ་གསང་བའི་ཉེ་བའི་སྙིང་པོ་སྟེ་བཟླས་པ་ཙམ་གྱིས་འཇིགས
91a3 པ་ཐམས་ཅད་གནོན་པར་བྱེད་དོ། །ནད་ཐམས་ཅད་ཟད་ཅིང་འཇོམས་སོ། །འཇིགས་པ་ཐམས་ཅད་འཇོམས་པར་བྱེད་དོ། །ལས་ཕྲན་ཚེགས་རྣམས་ཀྱང་བཀླགས་པས་འགྲུབ་བོ། །འབུམ་ཕྲག་ཉི་ཤུ་རྩ་གཅིག་ཏུ་ཟློས་པར་བྱེད་པ་ནི་ནམ་མཁའ་ལ་འགྲོ་བར་བྱེད་པའོ། །དེ་ནས
91a4 མིག་སྨན་ལྡོང་རོས་ཨ་ཤྭཏྠའི་འདབ་མ་བདུན་གྱི་ནང་དུ་ཇི་སྲིད་དྲོ་བར་གྱུར་པ་དེ་སྲིད་དུ་བཟླས་པར་བྱའོ། །དྲོ་བར་བྱེད་བཞིན་པས་ནི་དབང་དུ་བྱེད་དོ། །དུ་བ་འཐུལ་བས་ནི་མི་སྣང་བའོ། །འབར་བས་ནི་ནམ་མཁའ་ལ་འགྲོའོ། །ཏིལ་གྱི་སྲེག་བླུགས་འབུམ་གྱིས་སྦྱིན་སྲེག་བྱའོ། །
91a5 གང་འདོད་པ་དེ་སྟེར་བར་བྱེད་དོ། །འབུམ་ཕྲག་བཅུ་གཅིག་བཟླས་པར་བྱ་སྟེ་ཇི་སྲིད་དུ་འཕགས་པ་སྤྱན་རས་གཟིགས་དབང་ཕྱུག་མཐོང་བར་བྱེད་དོ། །དེ་མཐོང་ན་གང་བརྩམས་པ་དེ་འགྲུབ་པར་བྱེད་དོ། །ཙནྡན་དཀར་པོའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱ་བྱ་སྟེ་ཉི་མ་སོ
91a6 སོ་ལ་དོང་ཙེ་རྙེད་དོ། །ཙནྡན་དམར་པོའི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱ་བྱ་སྟེ། ཉི་མ་རེ་རེ་ལ་ཀཱ་ར་ཥཱ་པ་ཎ་དྲུག་རྙེད་དོ། །འབུམ་ཕྲག་བདུན་བདུན་བཟླས་པར་བྱ་སྟེ་མི་སྣང་བར་འགྱུར་རོ། །འབུམ་ཕྲག་ལྔ་བཟླས་པར་བྱ་སྟེ། ནད་འཇོམས་པར་བྱེད་དོ། །མཚན་མོ་བརྒྱད་དུ
91a7 ལན་གསུམ་ཡོངས་སུ་བཟླས་པས་ནད་འཇོམས་པར་བྱེད་དོ། །འབུམ་ཕྲག་བཅུ་གཉིས་བཟླས་པར་བྱ་སྟེ་བཅུད་ལེན་དང་བཅུད་རྙེད་དོ། །དེ་ཟོས་པས་གཉེར་མ་དང་སྐྲ་དཀར་སྤངས་པར་འགྱུར་རོ། །འབུམ་ཕྲག་གསུམ་གྱིས་གྲི་དྷ་ཤཱི་སེལ་བར་བྱེད་དོ། །ལྕགས་བསྲེགས
iiif viewer powered by OpenSeadragon
