| e-texts navigator |
| Wylie |
90b1 མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཧི་རི་ཧི་རི། སུ་རུ་སུ་རུ། མ་ཧཱ་ཀཱ་རུ་ཎི་ཀཱ་ཨཱ་གཙྪ་ཨཱ་གཙྪ། ཨཱརྱ་ཨ་བ་ལོ་ཀི་ཏེ་ཤྭ་རཱ་དྷི་རི་དྷི་རི་ཎི། ཡ་ཐཱ་ས་མ་ཡ་མ་ནུ་སྨ་ར་སཱ་ཧཱ། གཤེགས་སུ་གསོལ་བའི་དུས་སུ་དྲི་ཞིམ་པོའི་མེ་ཏོག་གིས་བསྐུལ
90b2 བས་སོ། །དངུལ་ལས་བྱུང་བའི་སྣོད་དམ། ས་ལས་བྱུང་བར་མཆོད་ཡོན་ཕུལ་ནས་དེ་ནས་ཨ་ག་རུ་ནག་པོའི་ཡམ་ཤིང་ཇི་སྐད་གསུངས་པའི་ཚད། གཞན་གསུངས་པ་ལ་ཏིལ་མར་གྱིས་བཏགས་པ་རྣམས་ཟླ་བ་གཟས་བཟུང་བའམ། ཉི་མ་གཟས་བཟུང་བ་ན་སྟོང་ཕྲག་བརྒྱད་སྦྱིན
90b3 སྲེག་བྱའོ། །དེ་ནས་ཤར་ལ་སོགས་པའི་ཕྱོགས་སུ་འཕགས་པ་སྤྱན་རས་གཟིགས་དབང་ཕྱུག་མཆོག་ཏུ་ཐུགས་བརྩེ་བ་ཕྱག་ན་རིལ་བ་སྤྱི་བླུགས་དང་། དབྱུག་པ་བསྣམས་པ། རལ་པའི་ཅོད་པན་འཕྱང་བ་འབྱོན་པར་འགྱུར་རོ། །དེ་ནས་ཇི་སྐད་གསུངས་པའི་སྣོད་དུ་དྲི་ཞིམ
90b4 པོའི་མེ་ཏོག་དཀར་པོ་རྣམས་སྙིམ་པས་བླངས་ནས་ཆུའི་མཆོད་ཡོན་དབུལ་བར་བྱའོ། །དེ་ནས་འཕགས་པ་སྤྱན་རས་གཟིགས་དབང་ཕྱུག་ཅི་ཡིན་པའི་མཆོག་སྟེ་སྦྱིན་པར་བྱའོ་ཞེས་གསུང་བར་བྱེད་དོ། །གང་མཆོག་བླངས་པ་དེ་སྟེར་རོ། །ནམ་མཁའ་ལ་འགྲོ་བའམ། མི་སྣང
90b5 བའམ། རྒྱལ་པོ་ཉིད་དམ། རིག་པའི་དངོས་གྲུབ་ཐམས་ཅད་དམ། རིག་པ་འཛིན་པའི་རྒྱལ་པོ་ཉིད་དམ། མཚོན་ཆའམ། ཚེ་རིང་པོ་ཉིད་དམ། སེམས་ཅན་ཐམས་ཅད་དབང་དུ་བྱེད་པའམ། གི་ཝང་སྒྲུབ་པའམ། མིག་སྨན་སྒྲུབ་པའམ། གཏེར་འཕོ་བའམ། ཕུག་ཏུ་འཇུག
90b6 པའམ། བཅུད་ལེན་ནམ། ལྡོང་རོས་སྒྲུབ་པའམ། མངོན་པར་ཤེས་པ་ལྔ་ཉིད་དམ། རང་གི་ལུས་ལ་རྗེས་སུ་འདོད་པའི་ཆོ་གའམ། ལྷའི་མིག་གམ། ནད་འཇོམས་པའམ། ལྷའི་ཤེས་པའམ། ལག་པ་དང་རྐང་པའམ། མིག་ཆ་དང་བྲལ་བ་ཉིད་དམ། ལྷའི་དབང་པོ་སྦས་པ་ཉིད
90b7 དམ། ནད་འཇོམས་པ་ཉིད་དམ། མཛེའམ་ལུས་ལ་གང་ཅུང་ཟད་བསྒྲུབ་བྱ་མིན་པའི་ནད་དེ་དང་དེ་རྣམས་ལ་དེ་ལས་ཐར་བ་དང་། ཐོས་པ་འཛིན་པ་དང་། ནོར་སྒྲུབ་པ་ཉིད་དམ། གང་བླངས་པའི་མཆོག་དེ་སྦྱིན་པར་མཛད་དོ། །འཕགས་པ་སྤྱན་རས་གཟིགས་དབང་ཕྱུག་གི་གནས
iiif viewer powered by OpenSeadragon
