| e-texts navigator |
| Wylie |
90a1 བུམ་པ་བཞི་ཆུ་དང་བཅས་པ་ཨ་མྲའི་ཡལ་འདབ་ཀྱིས་ཁ་གཡོགས་པ། རྩ་བ་དང་ནག་པོ་མེད་པ་གཞག་པར་བྱའོ། །གཡས་ཀྱི་གཞོགས་སུ་ས་ལས་བྱུང་བའམ། གསེར་ལས་བྱུང་བ་རིན་པོ་ཆེ་དང་། ས་བོན་ཐམས་ཅད་ཀྱིས་ཡོངས་སུ་གང་བ། སྨན་ཐམས
90a2 ཅད་དང་། རྩ་བ་དང་། རིན་པོ་ཆེའི་སྙིང་པོ་པདྨ་དྲ་བའི་མེ་ཏོག་གིས་ཁ་གཡོགས་པ། དུ་གུ་ལའི་རས་མ་ཉམས་པས་མགྲིན་པ་བཅིངས་པ། རྣམ་པར་རྒྱལ་བ་ཞེས་བྱ་བའི་བུམ་པ་དབུས་སུ་གཞག་པར་བྱའོ། །དེ་བཞིན་དུ་ཤར་གྱི་ཕྱོགས་སུ་འཆར་བ་ཞེས་བྱ་བའི་བུམ་པའོ། །ནུབ
90a3 ཀྱི་ཕྱོགས་སུ་ཧ་ཞེས་བྱ་བའི་བུམ་པའོ། །དེ་ལྟ་བུ་ལ་སོགས་པ་བུམ་པ་རྣམས་ཀྱི་མིང་སྨོས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་བཞིན་གཞུག་པར་བྱའོ། །དྲི་བཟང་པོའི་མེ་ཏོག་དང་། གཏོར་མ་དང་། ཕྲེང་བ་ཉི་ཤུ་དབུལ་བར་བྱ་ཞིང་། དྲིས་བཀང་བའི་ཁམ་པོར་ཉི་ཤུ
90a4 ཕྱོགས་བཞིར་དབུལ་བར་བྱའོ། །འོ་མས་བཀང་བའི་ཁམ་ཕོར་ཉི་ཤུ་ཕྱོགས་བཞིར་གཞག་པར་བྱའོ། །མར་གྱི་མར་མེ་བརྒྱ་དབུལ་བར་བྱའོ། །བུམ་པའི་སྒྲོན་མ་བཞི་རབ་ཏུ་སྦར་བར་བྱའོ། །འོ་ཐུག་གིས་བཀང་བའི་ཁམ་ཕོར་བཅུ་གཉིས་ཀླུ་རྣམས་ལ་དབུལ་བར་བྱའོ། །
90a5 ཏིལ་གྱི་ཐུག་པའི་ཁམ་ཕོར་བཅུ་གཉིས་སྲིན་པོ་རྣམས་ལ་གཏོར་མ་མཆོད་པར་བྱའོ། །ཟན་དྲོན་གྱི་ཁམ་ཕོར་བརྒྱད་འབྱུང་པོ་རྣམས་ལ་གཏོར་མར་སྦྱིན་ནོ། །ཧྭགས་ཀྱི་བཅའ་བ་ལ་སོགས་པའི་གཏོར་མ་འཕགས་པ་སྤྱན་རས་གཟིགས་དབང་ཕྱུག་ལ་དབུལ་བར་བྱའོ། །གཞན
90a6 རྣམས་ལ་མར་སར་དང་། ཞོས་བཀང་བ་དང་། ཇི་ལྟར་འོས་པ་དང་། ཇི་ལྟར་མཚུངས་པའི་ཁམ་ཕོར་རྣམས་ཕྱོགས་བཞིར་གཞག་པར་བྱའོ། ། ག་རུ་ནག་པོའི་བདུག་སྤོས་དབུལ་བར་བྱའོ། །ག་བུར་དང་། ཙནྡན་དཀར་པོ་དང་། ཀུན་དུ་རུ་ཀ་དང་། ཤྲི་བཱ་ས་ཅན་གྱི
90a7 བདུག་པའི་ཁམ་ཕོར་ཕྱོགས་བཞིར་གཞག་པར་བྱའོ། །དེ་ནས་སྲོད་ལ་ལས་བརྩམས་པར་བྱས་ཏེ་ཉིན་མཚན་དུ་སྨྱུང་བར་གནས་པས་ཨརྒའི་ཡམ་ཤིང་ངམ། སེང་ལྡེང་གི་ཤིང་གིས་མེ་རབ་ཏུ་སྦར་ནས་ལས་འདི་ལ་སྔགས་འདིས་སྤྱན་དྲང་བ་བྱས་པར་འགྱུར་རོ། །སྔགས་ནི། ན
iiif viewer powered by OpenSeadragon
