| e-texts navigator |
| Wylie |
8a1 ཆེན་པོ་ཐམས་ཅད་མེད་པར་འགྱུར་རོ། །གང་ཡང་ཉིན་མཚན་གསུམ་དུ་འདི་བྱས་ནས་དེ་ཡུན་རིང་པོ་ནས་མཚམས་མེད་པ་ལྔ་བྱས་པ་ཐམས་ཅད་ཡོངས་སུ་སྦྱོང་བར་འགྱུར་རོ། །རྣམ་པ་སྣ་ཚོགས་པའི་རྨི་ལམ་མཐོང་བར་འགྱུར་རོ། །སྒྲུབ
8a2 ཐབས་ཀྱི་ཆོ་ག་ནི་རིང་བསྲེལ་དང་བཅས་པའི་མཆོད་རྟེན་ལ་དྲི་དང་བདུག་པ་ལ་སོགས་པ་ཕུལ་ནས་འབུམ་ཕྲག་གསུམ་བཟླས་པར་བྱའོ། །མཐར་མཚན་མོ་སྨྱུང་བར་གནས་པས་ཟླ་བ་བཅུ་གཉིས་སུ་འོ་མ་བཅུ་གཉིས་དང་། ཞོ་བཅུ་གཉིས་དང་། བུམ་པ་གང་བ་བཅུ
8a3 གཉིས་དང་། སྦྲང་རྩིའི་བུམ་པ་བཅུ་གཉིས་དང་། ཏིལ་དང་ཐུག་པའི་བུམ་པ་བཅུ་གཉིས་དང་། ཀུཥྨཱ་ཎྜའི་ཁམ་ཕོར་བཅུ་གཉིས་སུ་བདུག་པ་དང་། ཁམ་ཕོར་བཅུ་གཉིས་སུ་པདྨ་དང་། སློང་མོའི་ཟས་བཅུ་གཉིས་བཟའ་བར་བྱའོ། །དེ་ནས་སྲོད་དེར་དེ་ལྟ་བུ་ལ་སོགས
8a4 པའི་མཆོད་པའི་ཆོ་ག་བྱས་ནས་དེ་ནས་གུར་གུམ་བྱུགས་ལ་དེར་ཨུཏྤལ་སྔོན་པོའི་ཁ་དོག་དང་མཚུངས་པའི་སྣ་མའི་མེ་ཏོག་གི་ཕྲེང་བ་ཕུལ་ནས་མཆོད་རྟེན་གྱི་སྤྱན་སྔར་ནག་པོའི་བཅུ་བཞིའམ། ཟླ་བ་ཉ་བ་ལ་ལག་པ་གཡས་པས་རལ་གྲི་བཟུང་ནས་ཀུ་ཤའི་ཁྲེས་ལ་ཉེ་བར
8a5 འདུག་སྟེ་སྟོང་ཕྲག་བརྒྱད་བཟླས་པར་བྱའོ། །མཐར་གྲུབ་པའི་མཚན་མ་ནམ་མཁའ་ནས་ལེགས་སོ་ལེགས་སོ་ཞེས་བྱ་བའི་ཚིག་ཐོས་པར་འགྱུར་རོ། །དེ་ནས་རལ་གྲི་འབར་བར་འགྱུར་ཏེ་སྐད་ཅིག་དེ་ཉིད་ལ་ལྷའི་ལུས་འཁོར་དང་བཅས་པར་འགྱུར་རོ། །བསྐལ་པ་ཆེན
8a6 པོར་གནས་སོ། །དེ་ནས་རལ་གྲི་འགུལ་ལམ། མཆོད་རྟེན་གཡོ་བར་བྱེད་ན་མིའི་རྒྱལ་པོར་འགྱུར་རོ། །ཡང་ན་གང་འདོད་ཅིང་དོན་དུ་གཉེར་བ་དེ་འགྲུབ་སྟེ། དངོས་གྲུབ་ཀྱི་ཡུལ་རྙེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན
8a7 བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་ལས་ངེས་པར་སྐྱེས་པ་པདྨ་ཀུན་ཏུ་སྣང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ། ། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང
iiif viewer powered by OpenSeadragon
