| e-texts navigator |
| Wylie |
89b1 བུམ་དུ་གྱུར་པ་དེ་སྲིད་དུ་བཟླས་པ་བྱའོ། །སྐད་ཅིག་ལ་བཅག་པ་ཙམ་གྱིས་རྣམ་པར་ཞིག་པར་འགྱུར་རོ། །འདི་བྱུགས་པས་གཟི་བརྗིད་དང་ལྡན་ཞིང་ཅོད་པན་དང་རྣ་རྒྱན་འཆང་བ་པདྨའི་ཕྲེང་བས་རྣམ་པར་བརྒྱན་པའི་ལུས་རིག་པ་འཛིན་པ་ཐམས་ཅད་ཀྱི་མཐར་ཐུག་པར་ཡང་རབ་ཏུ་སྨོན་པར་འགྲོའོ། །
89b2 འཁོར་དང་བཅས་པ་ལོ་སྟོང་ཕྲག་ལྔར་འཚོ་བར་བྱེད་དོ། །རླུང་ལྟར་འགྲོ་ཞིང་ཡིད་ལྟར་མགྱོགས་པར་འགྲོ་བའི་རིག་པ་འཛིན་པར་འགྱུར་རོ། །པདྨ་དང་ཨུཏྤ་ལ་སྟོང་ཕྲག་བརྒྱའི་སྦྱིན་སྲེག་གིས་གསེར་སྟོང་རྙེད་དོ། །པ་ལཱ་ཤའི་ལས་ནི་འདི་ཁོ་ནའོ། །ཡང་འདིར་ལས་ཆེན་པོའི
89b3 སྒྲུབ་ཐབས་སུ་འགྱུར་བ་ནི་རྒྱལ་བའི་ཞབས་དྲུང་ངམ། རས་རིས་ཀྱི་སྤྱན་སྔར་རམ། རྟོག་པ་གཞན་ལས་གསུངས་པའི་ཆོ་གས་ཀྱང་རུང་སྟེ། རིག་པ་འདི་རྣམས་ཀྱི་མིང་གསུམ་གསུམ་བརྗོད་པའི་རས་རིས་ཀྱི་ཆོ་ག་དེའམ། རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ་ཕྱོགས་གཙང་མར་འོ
89b4 མ་དང་ནས་ཟན་ཟ་བས་དཀར་པོའི་ཚེས་གཅིག་ནས་བརྩམས་ཏེ་མེ་ཏོག་དང་། འབྲས་བུ་དང་། ཙཱ་རུ་དང་། རྩ་བ་དང་། ཞོའི་བཟའ་བའམ། ཆུ་དང་། ཕྱེ་དང་། ཟན་དང་། དྲིའི་བཟའ་བའམ། ཝ་ཀྲའི་བཟའ་བའམ། མར་གྱི་བཟའ་བས་ཀྱང་རུང་སྟེ། ཡང་ན་མི་སྨྲ་བའི་བརྟུལ
89b5 ཞུགས་སྤྱད་པར་བྱའོ། །ཐོག་མར་སྔོན་དུ་བསྙེན་པ་བྱའོ། །ཡན་ལག་བརྒྱད་པའི་གསོ་སྦྱོང་དང་ཡང་དག་པར་ལྡན་པས་ཉི་མ་སོ་སོར་མངོན་པར་བརྗོད་བཞིན་པའི་མཆོད་པ་བྱའོ། །གསུང་རབ་ཇི་ལྟ་བ་བཞིན་དུ་སློང་མོའི་ཟས་བཟའ་བར་བྱའོ། །བྱང་ཆུབ་ཀྱི་སེམས་ཡོངས་སུ་གཟུང
89b6 ཞིང་སྡུག་བསྔལ་གྱིས་གདུངས་པས་བཟའ་བར་བྱའོ། །སྒྲུབ་པ་པོས་དུས་གསུམ་དུ་ཁྲུས་བྱས་པའི་འོག་ཏུ་ཤིས་པའི་ཀུ་ཤའི་ཁྲེས་ལ་འདུག་སྟེ་སྦྱངས་པ་ལས་བྱུང་བའི་གོས་བགོ་ཞིང་འབུམ་ཕྲག་གཅིག་ཏུ་བཟླས་པར་བྱའོ། །མཐར་ཉིན་མཚན་དུ་སྨྱུང་བར་གནས་པས་སེང་ལྡེང་གི
89b7 ཤིང་གིས་མེ་སྦར་ནས་འོ་མ་དང་བཅས་པའི་ཤིང་ངམ། ཨ་ག་རུ་ནག་པོའི་ཡམ་ཤིང་སོར་བཞི་པའི་ཚད་དམ་མཛུབ་མོའི་ཚད་ལ་ཏུ་རུཥྐའི་ཏིལ་མར་གྱིས་བཏགས་པ་དུས་གསུམ་དུ་སྟོང་ཕྲག་བརྒྱད་སྦྱིན་སྲེག་བྱའོ། །དེ་ནས་གྲུབ་པར་འགྱུར་ཏེ་ལྔ་ལ་ཕྱོགས་བཞི་རས་ལས་བྱུང་བའི
iiif viewer powered by OpenSeadragon
