| e-texts navigator |
| Wylie |
88b1 པས། བྲཧྨ་དཱ་རིའམ་ཛི་ཏེནྟྲ་ཡ་དང་། ཨ་ག་རུ་དང་། ཏུ་རུཥྐ་འབུམ་ཕྲག་གཅིག་སྦྱིན་སྲེག་བྱ་སྟེ་དེ་བཞིན་དུ་ཡང་འགྲུབ་པར་འགྱུར་རོ། །ཏིལ་ནག་པོ་ལ་ཞོ་དང་། སྦྲང་རྩི་དང་། མར་གྱིས་བཏགས་པ་དང་། ཙནྡན་གྱི་ཕྱེ་མ་འམ་ཞོགས་མ་དང་བསྲེས་པའི་སྦྱིན་སྲེག་སྟོང་ཕྲག་བརྒྱད
88b2 བྱ་སྟེ་གྲུབ་པར་འགྱུར་རོ། །ཆོ་ག་གཞན་ནི་ཙནྡན་གྱི་ཡམ་ཤིང་སོར་བཞི་པའི་ཚད་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་འབུམ་བྱས་ཏེ་གྲུབ་པར་འགྱུར་རོ། །དཀར་པོའི་ཚེས་གཅིག་ནས་བརྩམས་ཏེ་བིལ་བའི་ཤིང་གི་འོག་ཏུ་མེ་ཉེ་བར་སྦར་ནས་བིལ་བའི་འབྲས་བུ་ལ་ཞོ
88b3 དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་འབུམ་ཕྲག་བརྒྱད་ཅུ་བྱ་སྟེ། རང་གི་གཟུགས་ཀྱིས་ལྷ་མོ་མཐོང་ཞིང་རྒྱལ་སྲིད་ཆེན་པོ་གནང་བར་བྱེད་ཅིང་གཞན་ཡང་གང་ཞུས་པ་དེ་གནང་བར་བྱེད་དོ། །འབྱུང་པོའི་གདོན་གྲོལ་བར་བྱེད་པ་ལ་པདྨའི་ཕྱག་རྒྱས་རེག་པར་བྱ་སྟེ་འབྲོས
88b4 པར་བྱེད་དོ། །བསྒྲུབ་པར་བྱ་བཞིན་པ་མ་ཡིན་པའི་འོ་མའི་ཤིང་གིས་མེ་སྦར་ནས་ཞོ་དང་སྦྲང་རྩི་དང་། མར་གྱིས་བཏགས་པའི་པདྨའི་སྦྱིན་སྲེག་སྟོང་ཕྲག་བརྒྱ་བྱའོ། །དེ་བཞིན་དུ་ཨུཏྤལ་དམར་པོ་དང་། སྔོན་པོ་འབུམ་ཕྲག་གཅིག་སྦྱིན་སྲེག་བྱ་ཞིང་ཡང་ན་སྣ་མའི་མེ་ཏོག་གིས
88b5 སྦྱིན་སྲེག་གོ། །རས་རིས་ཀྱི་སྤྱན་སྔར་འོ་མ་དང་ནས་ཟན་ཟ་ཞིང་འཕེལ་བཞིན་པའི་མཆོད་པ་བྱ་སྟེ་སློང་མོའི་ཟས་བཟའ་བར་བྱའོ། །དྲི་དང་མེ་ཏོག་དང་བདུག་པས་མཆོད་པ་རྒྱ་ཆེན་པོ་བྱས་ནས་ཉིན་མཚན་དུ་སྨྱུང་བར་གནས་པའི་མཐར་དྲི་ཞིམ་པོའི་མེ་ཏོག་གིས་སྦྱིན་སྲེག་བྱའོ། །སྒྲུབ
88b6 བཞིན་པ་མ་ཡིན་པ་འདིས་ས་རྣམས་ཚུལ་ཁྲིམས་མཆོག་ཏུ་འཆལ་པས་ཀྱང་གྲུབ་པར་བྱེད་དོ། །ཡང་ན་ཡུངས་ཀར་ཏིལ་ནག་པོ་དང་བསྲེས་པ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །དེ་བཞིན་དུ་འགྲུབ་པར་འགྱུར་རོ། །ནོར་འདོད་པས་ཨ་པཱ
88b7 མརྒའི་ཡམ་ཤིང་གིས་ཡུངས་ཀར་རྒྱལ་པོ་འམ་སྐེ་ཚེའི་སྦྱིན་སྲེག་གོ། །ཡང་ན་བློན་པོ་དབང་དུ་བྱེད་པ་ལ་ཏིལ་མར་གྱིས་སྦྱིན་སྲེག་སྟེ། ལས་ཐམས་ཅད་ལ་ཡང་སྦྱར་བར་བྱའོ། །བུ་མོ་དབང་དུ་བྱེད་པ་ལ་སྔར་གྱི་སྦྱིན་སྲེག་ཞོ་དང་། སྦྲང་རྩི་དང་། མར་གྱིས་བཏགས་པས་སོ། །རྒྱལ
iiif viewer powered by OpenSeadragon
