| e-texts navigator |
| Wylie |
88a1 མེ་རབ་ཏུ་སྦར་ནས་པདྨ་སྟོང་ཕྲག་བརྒྱ་སྦྱིན་སྲེག་བྱ་སྟེ་སྟོབས་ཀྱི་འཁོར་ལོས་སྒྱུར་བར་འགྱུར་རོ། །སླར་ཡང་པདྨ་སྟོང་ཕྲག་བཅུས་རྒྱལ་སྲིད་རྙེད་དོ། །པདྨ་སྟོང་ཕྲག་བརྒྱའི་སྦྱིན་སྲེག་གིས་ལོངས་སྤྱོད་ཆེན་པོ་རྙེད་དོ། །སྦྱིན་སྲེག་འདི་རྣམས་ཐམས་ཅད་ལ་དྲི་དང་མེ་ཏོག
88a2 དང་བདུག་པས་མཆོད་པ་བྱས་ནས་འོ་མ་དང་ནས་ཟན་ཟ་བས་སྣ་མའི་མེ་ཏོག་གིས་གང་གི་མིང་ནས་འབོད་པ་དེ་དབང་དུ་འགྱུར་རོ། །བིལ་བའི་ཡམ་ཤིང་གིས་བརྒྱད་བརྒྱས་མེ་རབ་ཏུ་སྦར་ནས་པདྨ་སྟོང་ཕྲག་བརྒྱ་སྦྱིན་སྲེག་བྱའོ། །གང་གི་མིང་ནས་འབོད་པ་དེ་དབང་དུ་འགྱུར་རོ། །གི
88a3 ཝང་གི་བྱུག་པ་ལ་ལན་ཉི་ཤུ་རྩ་གཅིག་ཡོངས་སུ་བཟླས་ཏེ་མགོ་བོ་ལ་བྱུག་པར་བྱའོ། །ཡང་ན་གདོང་ལ་ཐིག་ལེ་བྱའོ། །སྐྱེ་བོ་ཐམས་ཅད་དགའ་བར་འགྱུར་རོ། །པདྨའི་ས་བོན་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །མིང་སྨོས་པ་དེ
88a4 དབང་དུ་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་དྲིན་ལས་གཞན་དུ་འགྱུར་རོ། །པདྨ་མ་རྙེད་ན་ཨུཏྤལ་སྔོན་པོ་སྟོང་ཕྲག་བརྒྱད་ཀྱི་སྦྱིན་སྲེག་བྱའོ། །དྲིའམ་མེ་ཏོག་གི་སྦྱིན་སྲེག་བྱ་སྟེ་འབུམ་ཕྲག་གཅིག་གིས་ལྷ་རྣམས་གྲུབ་པར་འགྱུར་རོ། །ཁྲུས
88a5 ལ་སྨན་ཐམས་ཅད་དང་། ས་བོན་ཐམས་ཅད་རྩ་བ་ནག་པོ་མེད་པའི་བུམ་པར་བཅུག་ནས་སྟོང་ཕྲག་བརྒྱད་མངོན་པར་བསྔགས་པའི་ཆུས་ཁྲུས་བྱའོ། །བགེགས་ཀྱིས་བཏབ་པ་འམ་བདག་ཉིད་ཞི་བར་འགྱུར་རོ། །ུཏྤ་ལ་དང་། རུ་རྟ་དང་། ཨ་ག་རུའི་ཆ་དང་། སྟག་སེན།
88a6 རྒྱ་སྤོས་བཞི་འགྱུར་གྱི་ཆ་རྣམས་རས་རིས་ཀྱི་སྤྱན་སྔར་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་རྒྱ་ཆེན་པོ་བྱས་ཏེ་བའི་མར་མེ་རབ་ཏུ་སྦར་ནས་རྫས་རྣམས་ཐམས་ཅད་མེ་ཏོག་གིས་སྦྱོར་བས་དུས་མ་ཡིན་པ་གང་གི་རྒྱལ་པོ་འམ། རྒྱལ་པོའི་བློན་པོའམ། རྒྱལ་པོའི
88a7 བཙུན་མོའམ། སྒྲུབ་པ་པོའམ། ཚེ་སོང་བ་རྣམས་འཁྲུར་གཞུག་པར་བྱའོ། །ཚེ་རིང་བར་འགྱུར་རོ། །སྐལ་བ་བཟང་པོ་བགེགས་ཀྱིས་བཏབ་པ་རྣམས་བགེགས་ལས་གྲོལ་བར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ཉིན་མཚན་དུ་སྨྱུང་བར་གནས
iiif viewer powered by OpenSeadragon
