| e-texts navigator |
| Wylie |
86b1 ཕུལ་ནས་འོ་མ་དང་ནས་ཟན་ཟ་བས་པདྨའི་སྦྱིན་སྲེག་སྟོང་བྱ་སྟེ་གསེར་སྟོང་རྙེད་དོ། །འདིས་མེ་ཏོག་གི་སྦྱིན་སྲེག་སྟོང་ཕྲག་བརྒྱ་བྱས་ན་གང་ཡིད་ལ་སེམས་པ་དེ་སྦྱིན་ནོ། །རས་རིས་ཀྱི་སྤྱན་སྔར་སྦྱིན་སྲེག་སྟོང་བྱས་ན་གཏེར་མཐོང་ངོ་། །པྲི་ཡང་ཀུ་ལ་ཞོ་དང་སྦྲང་རྩི་དང་མར
86b2 གྱིས་བཏགས་པའི་འོ་མ་དང་། ནས་ཟན་ཟ་བས་ཕྱོགས་གཙང་མར་སྦྱིན་སྲེག་སྟོང་ཕྲག་བརྒྱ་བྱས་ན་གསེར་བརྒྱ་རྙེད་དོ། །རྣམ་པ་སྣ་ཚོགས་པའི་ཕྲེང་བའོ། །དེ་ནས་མཚན་མོ་གསུམ་དུ་གཡུལ་དུ་སྨྱུང་བར་གནས་པས་ཨ་ག་རུའི་ཡམ་ཤིང་གིས་ཐུན་མཚམས་གསུམ་དུ་སྦྱིན་སྲེག
86b3 སྟོང་ཕྲག་བརྒྱད་བྱའོ། །དེ་ནས་མཚན་ཐོག་ཐག་ཏུ་བཟླས་པས་རས་རིས་རབ་ཏུ་འགུལ་བའམ་ཕྲེང་བའི་ཆུན་པོ་གཡོ་བར་གྱུར་ན་དེ་ནས་འགྲུབ་པར་འགྱུར་ཏེ་རྒྱལ་སྲིད་སྦྱིན་པར་བྱེད་དོ། །གང་ཡིད་ལ་སེམས་པར་བྱེད་པ་དེ་སྟེར་བར་བྱེད་དེ། ནད་ཐམས་ཅད་གསོ་བ་དང་། ཤི་བ་དང
86b4 འཆིང་བ་གྲོལ་བ་དང་། སེལ་བ་དང་། དཀྱིལ་འཁོར་བཅིང་བའོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་མེ་ཏོག་གིས་སྦྱིན་སྲེག་སྟོང་བྱའོ། །དབང་དུ་བྱེད་དོ། །ཡང་ན་རས་རིས་གཅིག་བྱང་ཆུབ་ཀྱི་རྩ་བར་བཞག་ནས་ཆོ་ག་འདི་ཉིད་ཀྱིས་ནས་ཟན་ཟ
86b5 བས་བཟླས་པ་སྟོང་ཕྲག་བརྒྱ་བྱ། ཟས་གཅིག་པས་ཡན་ལག་བརྒྱད་པའི་གསོ་སྦྱོང་ལ་གནས་པས་འཕགས་པ་སྤྱན་རས་གཟིགས་དབང་ཕྱུག་གི་ཟས་ཀྱི་ལས་རྣམས་འགྲུབ་པར་འགྱུར་རོ། །ཡང་ན་ཟླ་བ་དང་ཉི་མ་གཟས་བཟུང་བའི་དུས་སུ་འཕགས་པ་སྤྱན་རས་གཟིགས
86b6 དབང་ཕྱུག་སྟོན་ཀའི་སྤྲིན་ལྟར་དཀར་བ་བླ་གོས་དཀར་པོ་མནབས་པ་འདྲིར་གཞུག་པར་བྱའོ། །གཞོགས་གཅིག་ཏུ་ལྷ་མོ་སྒྲོལ་མ་གསེར་མདོག་པདྨ་ལ་གནས་པ་རྒྱན་ཐམས་ཅད་ཀྱིས་རྣམ་པར་བརྒྱན་པ་སྒྲུབ་པ་པོ་ལ་ཀུན་ནས་གཟིགས་པར་བྱེད་པ་འདྲིར་གཞུག་པར་བྱའོ། །
86b7 དྲི་དང་། མེ་ཏོག་དང་། བདུག་པ་དང་། གཏོར་མའི་མཆོད་པ་རྒྱ་ཆེན་པོ་བྱས་ནས་ཟླ་བ་ལ་མིག་ལྟ་བར་ཇི་སྲིད་ཟླ་བ་གྲོལ་གྱི་བར་དུ་བཟླས་པ་དབུལ་བར་བྱའོ། །ལྷ་མོ་སྒྲོལ་མ་རང་གི་གཟུགས་ཀྱིས་འབར་བ་ཉི་མ་འཆར་ཀའི་མདོག་ལྟ་བུ་པདྨ་ཁ་བྱེ་བ་ཕྱག་ན་བསྣམས་པ། འབྱོན
iiif viewer powered by OpenSeadragon
