| e-texts navigator |
| Wylie |
86a1 པའི་སྦྱིན་སྲེག་སྟོང་ཕྲག་བརྒྱ་བྱས་ན་གསེར་བྱེ་བ་འབྱུང་ངོ་། །སྔ་བར་ལངས་ནས་ཁྲུས་སྔོན་དུ་འགྲོ་བས་ཚངས་པར་སྤྱོད་ཅིང་མེ་རབ་ཏུ་སྦར་ནས་ནཱ་ག་གེ་སར་དང་། པྲི་ཡང་ཀུའི་སྦྱིན་སྲེག་སྟོང་ཕྲག་བརྒྱད་བྱ་སྟེ། ཟླ་བ་གསུམ་གྱི་ནང་དུ་ཁྱད་པར་དུ་འཕགས་པའི་དངོས
86a2 གྲུབ་ཉམས་སུ་མྱོང་བར་འགྱུར་ཞིང་རྫས་མང་པོ་ཡོང་ངོ་། །བ་ལང་གི་ཤ་དང་ཁཎྜ་ཅན་གྱི་སྦྱིན་སྲེག་བྱས་ན་བ་ལང་གི་གནས་རྙེད་དོ། །དེ་བཞིན་དུ་པྲི་ཡང་ཀུ་དང་ནཱ་ག་གེ་སར་གྱི་ཡམ་ཤིང་གིས་སྦྱིན་སྲེག་བྱས་ན་དབང་དུ་འགྱུར་རོ། །དཀར་པོའི་ཚེས་གཅིག་ནས་བརྩམས་ནས
86a3 བིལ་བའི་འོག་ཏུ་མེ་སྦར་ནས་བིལ་བ་དང་། ཨཱ་ཤི་བིལ་བ་རྣམས་ལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱ་སྟེ། ལྷ་མོ་སྒྲོལ་མ་མཐོང་ངོ་། །གཙང་མར་གྱུར་པས་ཟས་བཞིར་སྨྱུང་བར་གནས་ཏེ། སྟོང་ཕྲག་བཅུར་སྦྱིན་སྲེག་བྱའོ། །གཏེར་ཆེན་པོ་མཐོང་ངོ་། །
86a4 དེ་བཞིན་དུ་མཚན་མོ་ཉི་ཤུར་འོ་མ་དང་ནས་ཟན་ཟ་བས་ཡུངས་ཀར་དཀར་པོའི་སྦྱིན་སྲེག་སྟོང་ཕྲག་བརྒྱ་བྱ་སྟེ། ནོར་གྱི་བདག་པོར་འགྱུར་རོ། །སྔོན་སྤྱད་པ་བྱས་པས་ཉིན་མཚན་དུ་ཡུངས་ཀར་དཀར་པོ་ལ་མར་གྱིས་བཏགས་པའི་སྦྱིན་སྲེག་བྱ་སྟེ། ཟླ་བས་ཆར་རྒྱུན་བཟང
86a5 པོ་ལྟུང་བར་བྱེད་དོ། །ཟས་བཞིར་སྨྱུང་བར་གནས་པས་སྟོང་ཕྲག་བཅུར་སྦྱིན་སྲེག་བྱ་སྟེ་ནོར་རྙེད་དོ། །མཁས་པས་དཀར་པོའི་ཕྱོགས་འབྱུང་འགྱུར་ལ་ལྷ་མོའི་རས་རིས་ཀྱི་སྤྱན་སྔར་མཁས་པས་ཐུན་མཚམས་གསུམ་དུ་བསྣུན་པར་བྱའོ། །དཀར་པོའི་ཕྱོགས་ཀྱི་ནང
86a6 དུ་དེ་ལ་ལྟ་མོ་འདི་མཆོག་སྦྱིན་པར་མཛད་དོ། །རིག་པ་འདིས་ཏིལ་གྱི་སྲེག་བླུགས་སྟོང་གི་སྦྱིན་སྲེག་བྱའོ། །བིལ་བའི་ཤིང་གིས་མེ་སྦར་ན་ལྷ་མོ་མཐོང་སྟེ་ནོར་རམ་འབྲུའི་དབང་ཕྱུག་ཏུ་བྱེད་དོ། །བཅོམ་ལྡན་འདས་ལ་མཆོད་པ་རྒྱ་ཆེན་པོ་བྱས་ནས་མེ་ཏོག་བརྒྱ་པའི
86a7 སྦྱིན་སྲེག་སྟོང་ཕྲག་བརྒྱ་བྱས་ན་ནོར་རྙེད་དོ། །རིང་བསྲེལ་དང་བཅས་པའི་མཆོད་རྟེན་གྱི་མདུན་ཕྱོགས་གཙང་མར་ལྷ་ལ་པ་ལཱ་ཤའི་ཡམ་ཤིང་གིས་མེ་སྦར་ནས་ཨུཏྤ་ལའི་སྦྱིན་སྲེག་སྟོང་ཕྲག་བརྒྱ་བྱས་ན་ཡུལ་གྲུ་དབང་དུ་འགྱུར་རོ། །རིག་པ་འདིས་དྲི་ཞིམ་པོའི་བདུག་པ
iiif viewer powered by OpenSeadragon
