| e-texts navigator |
| Wylie |
84b1 བཏགས་པའི་སེང་ལྡེང་གི་ཡམ་ཤིང་གིས་སྦྱིན་སྲེག་སྟོང་ཕྲག་བརྒྱད་བྱའོ། །དཀར་པོའི་བཅུ་བཞི་ནས་བརྩམས་ཏེ་ཇི་སྲིད་ལྔའི་བར་དུའོ། །དེ་ནས་གྲུབ་པར་འགྱུར་རོ། །དེ་བཞིན་དུ་གསོ་སྦྱོང་ཅན་གྱིས་རྟག་ཏུ་བཟླས་པ་སྟོང་ཕྲག་གསུམ་བྱའོ། །ཕྱི་ནས་ལས་ཐམས་ཅད་དུ
84b2 འགྱུར་རོ། །ཡང་ན་རྒྱལ་པོའམ་བློན་པོ་དབང་དུ་བྱེད་པར་འདོད་ན་བཅོམ་ལྡན་འདས་ལ་མཆོད་པ་བྱས་ནས་ཤིང་གི་རྒྱལ་པོའི་ཡམ་ཤིང་ལ་ཨི་རྒུ་དའི་ཏིལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །བཅུ་བཞི་ནས་བརྩམས་ཏེ་ཇི་སྲིད་ལྔའི་བར་དུའོ། །ལས་འདིས
84b3 ཚུལ་ཁྲིམས་འཆལ་བ་ཡིན་ཡང་དེ་བཞིན་ཁོ་ནར་གསོད་པ་དང་། བསྐྲད་པ་ལ་ནི་མྦའི་ཡམ་ཤིང་ལ་ཚ་བའི་ཏིལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱ་སྟེ་མཚན་མོ་བདུན་གྱིས་སྐྲོད་པར་བྱེད་དོ། །རིགས་བཞི་དབང་དུ་བྱེད་པར་འདོད་པས་ཙཱ་རུ་དང་བཅས་པའི་ཆུ་དང་།
84b4 གནོད་སྦྱིན་གྱི་ཁམ་ཕོར་ཞེས་པའི་སྦྱིན་སྲེག་བྱ་སྟེ་དབང་དུ་འགྱུར་རོ། །མཚན་མོ་པུ་ཙི་ར་ཛ་ཏའི་སྦྱིན་སྲེག་སྟོང་ཕྲག་བརྒྱད་བྱའོ། །བཟླས་པས་འཆིང་བ་ལས་གྲོལ་བར་བྱེད་དོ། །བགེགས་ལ་ཕུབ་མ་དང་ཏིལ་གྱི་སྦྱིན་སྲེག་གིས་གཞན་གང་ཡང་རུང་བས་རབ་ཏུ་ཞི་བར
84b5 འགྱུར་རོ། །ལན་ཉི་ཤུ་རྩ་གཅིག་ཡོངས་སུ་བཟླས་ནས་རིགས་ཀྱི་བུ་མོ་དབང་དུ་བྱེད་པ་ལ་ཏིལ་གྱི་སྦྱིན་སྲེག་བྱའོ། །གོས་འདོད་པས་དཱུར་བ་དང་། ཚེར་མ་ཅན་གྱི་སྦྱིན་སྲེག་བྱའོ། །སྟོང་ཕྲག་བརྒྱད་དམ་མཚན་མོ་བདུན་དུའོ། །ཤུ་དག་ལ་སྟོང་ཕྲག་བརྒྱད་ལན་བདུན
84b6 དུ་མངོན་པར་བསྔགས་པ་བྱས་ནས་ལག་པ་ལའོ། །ནོར་འདོད་པས་གུ་གུལ་གྱི་རིལ་བུའམ་སྦྱིན་སྲེག་སྟོང་ཕྲག་བརྒྱད་མཚན་མོ་བདུན་དུ་བྱའོ། །ཁྱིམ་གྱི་བདག་པོ་འདོད་པས་དྲིའི་སྦྱིན་སྲེག་མཚན་མོ་བདུན་དུ་བྱའོ། །མར་གྱི་སྦྱིན་སྲེག་སྟོང་ཕྲག་བརྒྱད་བྱ་སྟེ་གྲོང་རྙེད་དོ། །སྐྲོད་པ་ལ
84b7 ཚ་བའི་ཏིལ་མར་གྱིས་བཏགས་པའི་ནིམ་པའི་འདབ་མའི་སྦྱིན་སྲེག་བྱའོ། །སྐྱེས་བུའི་ཤ་ནི་སྐྲོད་པར་བྱེད་པ་ལས་སོ། །ཕུབ་མ་ནི་སྡང་བར་བྱེད་པ་ལས་སོ། །སྤྱོད་པར་བྱེད་པ་ལ་སྦྲུལ་གྱི་ཤུན་ལྤགས་དང་ཐལ་བས་སོ། །སྐྱེས་བུ་མ་ཡིན་པར་བྱེད་པ་ལ་གོ་མ་ཨིནྟྲའོ། །ཕུབ་མ
iiif viewer powered by OpenSeadragon
