| e-texts navigator |
| Wylie |
84a1 རང་ཉིད་ཁྱད་པར་དུ་དཀར་པོའི་བཅོ་ལྔ་ལ་པདྨའི་སྐུད་པ་ལ་བཞག་ནས་འཕགས་པ་སྤྱན་རས་གཟིགས་དབང་ཕྱུག་གི་ཞབས་ཀྱི་དྲུང་དུ་ལག་པ་ཁ་སྦྱར་ནས་བླངས་ནས་ཇི་སྲིད་དྲོ་བ་དང་། དུ་བ་འཐུལ་བ་དང་། འབར་བར་གྱུར་པ་དེ་སྲིད་དུ་བཟླས་པ་བྱའོ། །འདི་ཉིད་ལ
84a2 མངོན་པ་རྣམ་པ་གསུམ་མོ། །ལྕགས་ལྔས་པདྨ་བྱེད་དུ་བཅུག་ནས་གུར་གུམ་དང་། གི་ཝང་དང་། ག་པུར་ནམ་མཁའི་ཆུས་བཏགས་ནས་པདྨར་བཅུག་སྟེ། དེ་ནས་དཀར་པོའི་བརྒྱད་པ་ལ་གསོ་སྦྱོང་ཅན་གྱིས་དུས་གསུམ་དུ་ཁྲུས་བྱས་ནས་གོས་གཙང་མ་བགོས་ཏེ་རིང་བསྲེལ
84a3 དང་བཅས་པའི་མཆོད་རྟེན་ནམ། འཕགས་པ་སྤྱན་རས་གཟིགས་དབང་ཕྱུག་གི་ཞབས་ཀྱི་དྲུང་དུ་ལག་པ་གཡས་པས་པདྨ་བླངས་ནས་ཇི་སྲིད་དུ་འབར་བར་བྱེད་པ་དེ་སྲིད་དུ་བཟླས་པར་བྱའོ། །དེ་ནས་བླངས་པ་དེས་རིག་པ་འཛིན་པར་འགྱུར་ཏེ། ལོ་སྟོང་ཕྲག་བཅུར་འཚོ་བར་བྱེད་དོ། །
84a4 དེ་བཞིན་དུ་གདུ་བུ་དང་། ཅོད་པན་དང་། ལྕགས་སྒྲོག་རྣམས་ཀྱང་ངོ་། །དེ་བཞིན་དུ་རིའི་ཙནྡན་དམར་པོ་དང་། གུ་གུལ་དང་། དགའ་བ་འཁྱིལ་བའི་རྩ་བ་དང་། ལྕགས་ལྔ་དང་། གི་རི་ཀརྞི་ཀ་དང་། འབྲུའི་ཕུབ་མ་དང་། རུ་རྟ་དང་། རྒྱ་སྤོས་དང་། སྦྲང་རྩི་དང་། པི་པི་ལིང་དང་།
84a5 ཏུ་རུཥྐ་རྣམས་ཆ་མཉམ་པ་གཅིག་ཏུ་བྱས་ནས་ཕྱེ་མ་ཞིབ་མོ་བྱེད་དུ་གཞུག་གོ། །དེ་ནས་སེར་སྐྱ་རྒྱུད་མཚུངས་བར་བའི་འོ་མ་བླངས་ནས་གཞོན་ནུ་མས་བསྲུབས་པའི་མར་སར་དང་གཅིག་ཏུ་བྱས་ནས་ཕྱེ་མ་ལ་རིལ་བུ་བྱེད་དུ་གཞུག་གོ། །རྒའི་ཏིལ་མར་གྱི་ཕྱེ་མས་མར་མེ་དབུལ
84a6 བར་བྱའོ། །དེ་ནས་དཀར་པོའི་བཅུ་བཞི་ལ་ཉིན་མཚན་དུ་སྨྱུང་བར་གནས་པས་གསོ་སྦྱོང་ཅན་གྱིས་ཨ་ཤྭཏྛའི་འདབ་མ་བདུན་གྱི་ནང་དུ་བཅུག་པར་བྱས་ནས་འཕགས་པ་སྤྱན་རས་གཟིགས་ཀྱི་སྤྱན་སྔར་ཇི་སྲིད་དུ་དྲོ་བར་གྱུར་པ་དེ་སྲིད་དུ་བཟླས་པར་བྱའོ། །དེ་ཁར་བཅུག་པས་མི་སྣང་བར
84a7 འགྱུར་རོ། །དེ་ནས་འབར་བར་བྱེད་པས་ནི་ནམ་མཁའ་ལ་འགྲོ་བར་བྱེད་དོ། །དེ་ནས་ཆོ་ག་གཞན་ནི་རིང་བསྲེལ་དང་བཅས་པའི་མཆོད་རྟེན་དུ་སྐུ་གཟུགས་ཀྱི་སྤྱན་སྔར་གསོ་སྦྱོང་ཅན་གྱིས་མཆོད་པ་རྒྱ་ཆེན་པོ་བྱས་ནས་མེའི་ཡམ་ཤིང་གིས་མེ་སྦར་ནས་ཞོ་དང་སྦྲང་རྩི་དང་མར་གྱིས
iiif viewer powered by OpenSeadragon
