| e-texts navigator |
| Wylie |
5a1 ལོ་ཀི་ཏེ་ཤྭ་ར་སཏྭེ་ན། སིདྷྱ་ནྟཱ་མེ་མནྟྲ་པ་དཱ་ཕཊ་ཕཊ་ཡཱ། །མུ་ནི་མུ་ནཱ་ཡ། ས་མ་ཐ་ས་མཱ་ཡ། ཨུདྡྷ་རཾ་ཏེ་ཀོ་ཀ་རཱ་ནྟེ་མ་ནུ་སྨཱ་ར་ཊ། ཧྲྀ་ད་ཏ་ས་ཀཱ་རཱ་ཊོ་ཊཾ། ཀ་ཊ་ཊེ་སྭཱ་ཧཱ། འདི་ནི་མཐུ་ཆེན་པོ་ཐོབ་པ་འཇུག་པར་བྱེད་བཞིན་པ་ཞེས་བྱ་བའི་རིག་པའི་རྒྱལ
5a2 པོ་ཆེན་པོ་བཟླས་པས་གདུག་པ་དེ་ཐམས་ཅད་འཇིགས་པར་བྱེད་པ། གདོན་དང་རིག་པ་ཐམས་ཅད་ཟློག་པར་བྱེད་པ། མདོར་ན་རེ་བ་ཐམས་ཅད་ཡོངས་སུ་རྫོགས་པར་བྱེད་པའོ། །དེ་ནས་འདིའི་སྒྲུབ་པ་འབྱུང་བར་འགྱུར་ཏེ། བཅོམ་ལྡན་འདས་སྤྱན་རས་གཟིགས
5a3 དབང་ཕྱུག་འདྲིར་གཞུག་པར་བྱ་སྟེ། སྐུ་མདོག་དཀར་པོ། རལ་པ་དུད་ཁ། བཞིན་རབ་ཏུ་འཛུམ་པ། ཕྱག་གཡས་པས་མཆོག་སྦྱིན་པ། ཕྱག་གཡོན་པས་པདྨ་བསྣམས་པ། གསེར་གྱི་ཐེམ་སྐས་བཟང་པོ་ལ་འཇུག་བཞིན་པ་བྲི་བར་བྱའོ། །ངང་པ་དང་།
5a4 བྱ་ཀུ་ར་བ་དང་། ངུར་པ་དང་། ཤང་ཤང་ཏེའུ་དང་། ནེ་ཙོ་ལ་སོགས་པ་རབ་ཏུ་བསྔགས་པའི་བྱ་རྣམས་གཡས་ཀྱི་གཡས་སུ་འཇུག་པ་སྐོར་བ་བྱེད་པ་བྲི་བར་བྱའོ། །མིའམ་ཅི་གཉིས་གླུ་ལེན་བཞིན་པ་བྲི་བར་བྱ་སྟེ། གཡོན་པས་རྣ་བ་འགེབས་པ་བྲི་བར་བྱའོ། །
5a5 སྒྲུབ་པ་པོ་ཡང་འོག་ཏུ་ཁ་ཕྱོགས་པ་སྤོས་ཕོར་ལག་ན་ཐོགས་པ། བཅོམ་ལྡན་འདས་འཇུག་པར་བྱེད་བཞིན་པ་ལ་ལྟ་བར་བྱེད་པ། པུས་མོ་བཙུགས་པ། གཡས་ཀྱི་འོག་ཏུ་བྱང་ཆུབ་སེམས་དཔའི་ལུས་ལས་འོད་ཀྱིས་མནན་པ་བྲི་བར་བྱའོ། །རྣམ་པ་དེ
5a6 ལྟ་བུའི་རས་རིས་འདྲིར་བཅུག་ནས། སྔར་བརྗོད་པའི་གནས་སུ་རས་རིས་བཞུགས་སུ་གསོལ་ཏེ། ཡང་དག་པར་བརྩམ་པར་བྱའོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་ར་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་སཏྭཱ་ཡ། ཛཱ་ཏི་ཧུ་ཏི་མ་མ་ཨ་བ་ཏཱ་དྱ་སྭཱ་ཧཱ།
5a7 དཀྱིལ་འཁོར་གྱི་སྔགས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ་མུ་ནེ་མུ་ནེ་སྭཱ་ཧཱ། འདིས་ཐམས་ཅད་བྱེད་པ་སྟེ། འབུམ་ཕྲག་ལྔར་བཟླས་བ་བྱའོ། །སྔོན་དུ་བསྙེན་པ་བྱས་པར་འགྱུར་རོ། །མཐར་ཞོ་དང
iiif viewer powered by OpenSeadragon
