| e-texts navigator |
| Wylie |
52a1 བསྒྲུབ་པར་བྱའོ། །ཟླ་བ་གཟས་བཟུང་བ་ན་ཆུ་ཀླུང་གི་འགྲམ་དུ་སོང་ནས་བིལ་བའི་ཡམ་ཤིང་གིས་མེ་སྦར་ནས་བིལ་བའི་མེ་ཏོག་ལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱས་ན་གནོད་སྦྱིན་གཞོན་ནུ་འོང་བར་འགྱུར་རོ། །མཚན་མོ་ཕྱེད་ན་རིག་པ
52a2 སྟོང་ཕྲག་བཟླས་ནས་དེ་ནས་གཅིག་འོང་བར་བྱེད་དེ། གཏེར་རྣམས་སམ། ནོར་གྱི་བདག་པོ་གང་ཚིག་གིས་བརྗོད་དེ་བྱེད་དོ། །ནག་པོའི་བརྒྱད་པ་ལ་བཅོམ་ལྡན་འདས་ལ་དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་པ་བྱས་ནས་ནག་པོའི་བཅུ་བཞི་པ་ལ་གཏོར་མའི་ཆོ
52a3 ག་བྱ་སྟེ་རིག་པ་སྟོང་ཕྲག་བརྒྱད་བཟླས་པར་བྱའོ། །ཤ་ཟ་རྣམས་འོང་བར་བྱེད་དོ། །གཏེར་རྐོས་ཤིག་ཅེས་བརྗོད་པར་བྱའོ། །དེ་ནས་གཏེར་སྩོལ་བར་བྱེད་དེ་བླངས་ནས་བདག་ཉིད་དཀོན་མཆོག་གསུམ་པོ་རྣམས་ལ་དབུལ་བར་བྱའོ། །དེ་བཞིན་དུ་རས་རིས་བཅིང་བའི་ལས
52a4 ཀྱང་བཅོམ་ལྡན་འདས་ཀྱི་སྤྱན་སྔར་བ་རུ་རའི་ཤིང་གིས་མེ་སྦར་ནས། ཉི་མ་སོ་སོར་ཏིལ་དང་འབྲས་ཐུག་པོ་ཆེའི་སྦྱིན་སྲེག་སྟོང་བྱའོ། །བློན་པོ་དབང་དུ་བྱེད་པ་ལ་ཡུངས་ཀར་དཀར་པོའི་སྦྱིན་སྲེག་གིས་དབང་དུ་འགྱུར་རོ། །སྲ་རྩི་པོག་གི་སྦྱིན་སྲེག་གིས་རྒྱལ་པོ་དབང་དུ་འགྱུར
52a5 རོ། །བུད་མེད་དང་སྐྱེས་པ་དབང་དུ་བྱེད་པ་ལ་ཕུབ་མའི་སྦྱིན་སྲེག་སྟོང་ཕྲག་བརྒྱད་བྱའོ། ། རུ་རའི་ཤིང་གིས་མེ་སྦར་ནས་བཅོམ་ལྡན་འདས་ཀྱི་སྤྱན་སྔར་ཉི་མ་སོ་སོར་སྒྲོན་ཤིང་གིས་སྦྱིན་སྲེག་སྟོང་བྱ་སྟེ་དོང་ཙེ་བརྒྱ་རྙེད་དོ། །སློང་མོ་ཟ་བས་ཉི་མ་སོ་སོར་དུས་གསུམ་དུ་པ
52a6 ལཱ་ཤའི་སྦྱིན་སྲེག་བྱ་སྟེ། གསེར་བརྒྱ་སོ་སོར་རྙེད་དོ། །རྒྱ་མཚོར་སོང་ནས་རིག་པ་སྟོང་ཕྲག་བརྒྱ་བཟླ་སྟེ། ཇི་སྲིད་རིན་པོ་ཆེ་རྣམས་སྦྱིན་པར་བྱེད་དོ། །བླང་བར་བྱ་སྟེ་དཀོན་མཆོག་གསུམ་ལ་ངེས་པར་སྦྱར་བར་བྱའོ། །སྔགས་འདི་ཉིད་ཀྱིས་ས་གའི་ཟླ་བ་ཉ་བ་ལ་མཚན
52a7 ཐོག་ཐག་ཏུ་བཟླས་པ་བར་མ་ཆད་པ་བརྗོད་པར་བྱའོ། །བྱང་ཆུབ་ཀྱི་ཤིང་དྲུང་དུ་བཅོམ་ལྡན་འདས་ལ་མཆོད་པ་བྱས་ནས་ཨ་པཱ་མརྒའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །བདག་ཉིད་སྟོན་པ་ཡུངས་ཀར་གྱིས་གྲོལ་བར་འགྱུར་རོ། །
iiif viewer powered by OpenSeadragon
