| e-texts navigator |
| Wylie |
51b1 དང་བཅས་པའི་མཆོད་རྟེན་ལ་མཆོད་པ་བྱས་ནས་སྟོང་ཕྲག་བརྒྱ་བཟླས་པར་བྱས་ཏེ་དངུལ་སྟོང་རྙེད་དོ། །རིང་བསྲེལ་དང་བཅས་པའི་མཆོད་རྟེན་ལ་སྟོང་ཕྲག་བརྒྱ་བཟླས་པར་བྱའོ། །འདོད་པ་ཐམས་ཅད་རབ་ཏུ་སྦྱིན་པར་འགྱུར་རོ། །ནད་ཐམས་ཅད་རབ་ཏུ་ཞི་བར་འདོད་པས་གཞོན་ནུ
51b2 མས་བཀལ་བའི་སྲད་བུ་ལ་སྟོང་ཕྲག་བརྒྱད་མངོན་པར་བསྔགས་པར་བྱས་ནས་བླངས་ནས་བསྐོར་བར་བྱ་སྟེ། སྐལ་བ་བཟང་པོ་ཉིད་རྙེད་དོ། །རྒྱ་མཚོར་འགྲོ་བའི་ཆུ་ཀླུང་དུ་ཞུགས་ནས་ཏིལ་ནག་པོ་ལ་སྟོང་ཕྲག་བརྒྱད་བཟླས་པར་བྱ་སྟེ་སྲད་བུ་ཅན་དང་ཏིལ་དང་སོལ་བ་ཉིད་དོ། །རིང་བསྲེལ
51b3 དང་བཅས་པའི་མཆོད་རྟེན་དུ་དཀར་པོའི་ཚེས་གཅིག་ནས་བརྩམས་ནས་ལྔ་ལ་མཚན་མོ་གསུམ་དུ་སྨྱུང་བར་གནས་པས་ཨུ་དུམ་བཱ་རའི་ཤིང་གིས་མེ་སྦར་ནས་ཡུངས་ཀར་དཀར་པོ་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །ཡུལ་གྲུ་ལྔའི་དཔོན
51b4 པོར་འགྱུར་རོ། །བྱང་ཆུབ་ཤིང་གི་ཡམ་ཤིང་གིས་མེ་སྦར་ནས། ཏིལ་ལ་ཞོ་དང་མར་དང་སྦྲང་རྩིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །ལྔ་ལ་མཚན་མོ་གསུམ་དུ་སྨྱུང་བར་གནས་པ་བྱས་ནས་གལ་ཏེ་ཏིལ་དེ་རྣམས་ཕྱོགས་དང་ཕྱོགས་བྲལ་དུ་སོང་ན་དེའི་ཚེ་གྲུབ་པ
51b5 ཡིན་ཏེ་སེམས་ཅན་ཐམས་ཅད་དབང་དུ་བྱེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་སྔོན་དུ་སྟོང་ཕྲག་བརྒྱ་བཟླས་ཏེ་ཟླ་བ་གཟས་བཟུང་བ་ན་ཏིལ་མར་ལན་བདུན་ཅུ་ཕུལ་ནས་ཇི་སྲིད་ལྦུ་བ་འབྱུང་བ་དེ་སྲིད་དུ་བཟླས་པར་བྱའོ། །འཐུངས་ན་ཐོས་པ
51b6 འཛིན་པར་འགྱུར་རོ། །ཀུན་ཏུ་རུ་ཀ་ལ་སྟོང་ཕྲག་བརྒྱད་བཟླས་ནས་བླངས་ན་གྲོང་གཅིག་རྙེད་དོ། །འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཉི་མ་སོ་སོར་བརྒྱད་བརྒྱར་བཟླས་པར་བྱ་སྟེ་དཔལ་དང་ལྡན་པར་འགྱུར་རོ། ། པཱ་མརྒའི་ཡམ་ཤིང་ལ་ཞོ་དང་སྦྲང་རྩི་དང
51b7 མར་གྱིས་བཏགས་ཏེ་ཉི་མ་སོ་སོར་སྦྱིན་སྲེག་སྟོང་ཕྲག་བརྒྱད་བྱས་ན་གྲོང་རྙེད་དོ། །བུ་མང་པོ་ཅན་གྱི་ཡམ་ཤིང་ལ་མེ་སྦར་ནས་ཤུ་དག་སྟོང་ཕྲག་བརྒྱད་དུ་སྦྱིན་སྲེག་བྱའོ། །ཐལ་བ་དེས་ཐིག་ལེ་བྱའོ། །མི་སྣང་བར་འགྱུར་རོ། །གལ་ཏེ་མ་གྱུར་ན་ལན་གསུམ་དུ་ཡང
iiif viewer powered by OpenSeadragon
