| e-texts navigator |
| Wylie |
51a1 སུ་བཀང་བ་བྱས་ནས་གཞག་པར་བྱའོ། །མཚན་མོ་རེ་རེ་ལ་སྟོང་ཕྲག་བརྒྱད་དུ་མངོན་པར་བསྔགས་པར་བྱས་ནས་བྱ་རོག་གི་ཚང་དུ་བུ་བྱུང་གི་བར་ཁྱེའུ་དང་བུ་མོ་བཀྲུ་བར་བྱའོ། །རྒྱལ་སྲིད་ཀྱི་དོན་ནམ། ལོངས་སྤྱོད་ཀྱི་དོན་ཟླ་བ་ཕྱེད་ཀྱི་ནང་དུ་འགྲུབ་བོ། །
51a2 ནག་པོའི་བརྒྱད་པ་ལ་བཅོམ་ལྡན་འདས་མ་མཆོད་པ་བྱས་ནས་དྲི་དང་མེ་ཏོག་དང་བདུག་པ་ལ་སོགས་པ་དབུལ་བར་བྱས་ནས་འོ་མ་ཅན་གྱི་ཤིང་གི་ཡམ་ཤིང་གིས་མེ་སྦར་ཏེ་མེ་ཏོག་བརྒྱ་པའི་སྦྱིན་སྲེག་སྟོང་ཕྲག་བརྒྱད་བྱའོ། །ཟླ་བ་གཅིག་ཏུ་བཟའ་བ་དང་བཏུང་བ་མི་ཟད་པ་འབྱུང་ངོ་། །
51a3 དུར་ཁྲོད་ཀྱི་ཐལ་བ་བླངས་ནས་ལན་བདུན་མངོན་པར་བཟླས་ཏེ་བདག་ཉིད་ཀྱི་དཔྲལ་བའམ། གཞན་གྱི་མགོ་བོར་བཏབ་པར་བྱས་ནས་གྲོང་དུ་ཞུགས་ན་ཐམས་ཅད་དབང་དུ་འགྱུར་རོ། །བཟླས་པས་འཆིང་བ་ལས་གྲོལ་བར་བྱེད་དོ། །གཏན་པ་གཅོག་པར་བྱེད་དོ། །ལྤགས
51a4 བདུན་ཉམས་པར་བྱེད་དོ། །མཱ་ལི་ཀའི་མེ་ཏོག་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །བ་ལང་གི་གཅིན་དང་ནས་ཟན་ཟ་ཞིང་ཟླ་བ་དྲུག་ཏུ་འདོད་པ་བཞིན་དུ་དོང་ཙེ་རྙེད་དོ། །དཀར་པོའི་ཚེས་གཅིག་ནས་བརྩམས་ཏེ་ཨུཏྤལ་སྔོན་པོའི་སྙིང
51a5 པོ་སྦྱིན་སྲེག་སྟོང་བྱ་སྟེ། མིང་ནས་སྨོས་ཏེ་ཉི་མ་བདུན་ལ་དབང་དུ་འགྱུར་རོ། །ཙམ་པ་ཀ་དང་། ཀརྞི་ཀ་ཡིས་དུས་གསུམ་དུ་སྦྱིན་སྲེག་བྱ་ཞིང་། མིང་ནས་སྨོས་ན་གང་འདོད་པ་དེ་དབང་དུ་འགྱུར་རོ། །ཆོ་འཕྲུལ་གྱི་ཕྱོགས་ལ་འོ་མ་དང་ནས་ཟན་ཟ་ཞིང་དུས་གསུམ་དུ་སྟོང་ཕྲག་བརྒྱད
51a6 དུ་བཟླས་པ་དང་། རས་རིས་ཀྱི་སྤྱན་སྔར་ཨ་ག་རུའི་ཡམ་ཤིང་གིས་འབུམ་ཕྲག་གསུམ་དུ་སྦྱིན་སྲེག་བྱའོ། །ལྔ་ལ་སྒྲུབ་པ་ལ་རབ་ཏུ་འཇུག་སྟེ་ཇི་སྲིད་བཅོམ་ལྡན་འདས་བྱོན་པ་དེ་སྲིད་དུ་བཟླས་པར་བྱའོ། །ས་གཡོ་བའམ་མར་མེའི་རྩེ་མོ་འཕེལ་བའམ་རས་རིས་གཡོ་བར་བྱེད
51a7 པ་དང་གྲུབ་བོ། །གྲུབ་བོ་ཞེས་ཚིག་འདོན་པར་བྱེད་ན་རྒྱལ་སྲིད་དམ་ཡུལ་གྱི་བདག་པོ་ཉིད་རྙེད་དོ། །སྔོན་སྤྱད་པ་བྱས་པས་རིང་བསྲེལ་དང་བཅས་པའི་མཆོད་རྟེན་དུ་འཕགས་པ་སྤྱན་རས་གཟིགས་དབང་ཕྱུག་གི་སྤྱན་སྔར་ཟླ་བ་དྲུག་གི་ནང་དུ་སྟོང་ཕྲག་ལྔ་སོ་སོར་རྙེད་དོ། །རིང་བསྲེལ
iiif viewer powered by OpenSeadragon
