| e-texts navigator |
| Wylie |
50b1 ལ་སངས་རྒྱས་བཅོམ་ལྡན་འདས་ལ་མཆོད་པ་བྱས་ལ་འཕགས་པ་སྤྱན་རས་གཟིགས་དབང་ཕྱུག་ལ་དྲི་དང་མེ་ཏོག་དང་བདུག་པ་ལ་སོགས་པ་དེ་བཞིན་དུ་ཕུལ་ནས་དུང་གི་མེ་ཏོག་ཅན་གྱི་མེ་ཏོག་སྟོང་ཕྲག་བརྒྱ་ལ་ཨི་གུ་ཏའི་ཏིལ་མར་གྱིས་བཏགས་པའི་སྦྱིན་སྲེག་བྱ་སྟེ། གྲོང་དང་། གྲོང
50b2 ཁྱེར་དང་། ལྗོངས་དང་། གླང་པོ་ཆེ་དང་། རྟ་དང་། བ་ལང་དང་། མ་ཧེ་རྣམས་དབང་དུ་འགྱུར་རོ། །དེ་ནས་ཡང་པྲ་དབབ་པར་བྱེད་པར་འདོད་ན་མཚན་མོ་བདུན་དུ་འོ་མ་དང་ནས་ཟན་བཟའ་ཞིང་མཚན་མོ་གཅིག་ཏུ་གསོ་སྦྱོང་དང་ལྡན་པས་དྲི་མ་མེད་པའི་མར་གྱིས་ལྷུད་དེ་བཀང་ནས་དཀར
50b3 པོའི་མར་སར་གྱིས་མར་མེ་སྦར་ནས་གཞོན་ནུ་འམ་གཞོན་ནུ་མ་ལ་བསྟན་པར་བྱའོ། །དེ་ཉིད་དུ་རས་རིས་བཞུགས་ནས་ཀུ་ཤ་བཏིང་བ་ལ་ཉལ་བར་བྱའོ། །རྨི་ལམ་དུ་རྫས་སྟོང་ཕྲག་ཉི་ཤུ་མཐོང་ངོ་། །ཆ་ཕྱེད་དཀོན་མཆོག་གསུམ་ལ་སྦྱར་བར་བྱའོ་ཞེས་སོ། །རས་རིས
50b4 ཀྱི་སྤྱན་སྔར་དཀར་པོའི་ཚེས་གཅིག་ནས་བརྩམས་ཏེ་ཇི་སྲིད་ཟླ་བ་ཉའི་བར་དུ་ཉི་མ་རེ་རེ་ལ་སྦྱིན་སྲེག་སྟོང་ཕྲག་བརྒྱད་བྱའོ། །དྲི་དང་མེ་ཏོག་དང་བདུག་པ་ལ་སོགས་པ་རྣམས་ཀྱིས་མཆོད་པར་བྱའོ། །མཐར་མཚན་མོ་གསུམ་དུ་སྨྱུང་བར་གནས་པས་མི་སྨྲ་བའི་བརྟུལ་ཞུགས
50b5 སྤྱད་དེ་རིག་པ་བཟླས་པར་བྱས་ལ། ཆོ་འཕྲུལ་གྱི་ཕྱོགས་ནས་ལམ་པོ་ཆེར་སོང་ལ་འབྱུང་པོའི་བྲང་དུ་གནས་པར་བྱའོ། །རབ་ཏུ་སྩོལ་ཅིག་ཅེས་བརྗོད་པར་བྱའོ། །ཡུངས་ཀར་བྲེ་རུ་བླངས་ནས་ལན་ཉི་ཤུ་རྩ་གཅིག་ཏུ་མངོན་པར་བསྔགས་ནས་ཕྱོགས་བཅུ་དང་འོག་ཏུ་གཏོར་བར་བྱའོ། །
50b6 མཆོག་བདག་ཉིད་ལ་སྟོན་པར་བྱེད་དེ། དེ་བཞིན་དུ་ནག་པོའི་བརྒྱད་པ་ལ་དྲི་གཙང་ཁང་དུ་ཞུགས་ནས་བཅོམ་ལྡན་འདས་ཀྱི་སྤྱན་སྔར་རིག་པ་སྟོང་དུ་བཟླས་པར་བྱའོ། །དྲི་དང་མེ་ཏོག་ལ་སོགས་པ་དང་། གཏོར་མའི་ཆོ་ག་བྱས་ནས་དེ་ནས་རྨི་ལམ་དུ་བཅོམ་ལྡན་འདས་རལ་པའི་ཅོད
50b7 པན་བྱས་པ་མཐོང་བར་བྱེད་དོ། །ས་གའི་ཟླ་བ་དཀར་པོའི་ཕྱོགས་ལ་འོ་མ་དང་ནས་ཟན་ཟ་ཞིང་རིང་བསྲེལ་དང་བཅས་པའི་མཆོད་རྟེན་ལ་དྲི་དང་མེ་ཏོག་ལ་སོགས་པས་མཆོད་པ་བྱས་ནས་ཉི་མ་རེ་རེ་ལ་སྟོན་མོ་བྱའོ། །ཆུས་གང་བའི་བུམ་པ་བཞི་སྨན་དང་ས་བོན་ཐམས་ཅད་ཀྱིས་ཡོངས
iiif viewer powered by OpenSeadragon
