| e-texts navigator |
| Wylie |
50a1 བ་ཞི་ནས་ཇི་སྲིད་ལྔའི་བར་དུ་ཞག་གཅིག་སྨྱུང་བར་གནས་པས་པ་ཊའི་ཤིང་གི་འོག་ཏུ་དཀྱིལ་འཁོར་གྲུ་བཞི་པ་ཉེ་བར་བྱུགས་ཏེ་དྲི་དང་བདུག་པ་ཕུལ་ནས་འཕགས་པ་སྤྱན་རས་གཟིགས་དབང་ཕྱུག་ལ་མཆོད་པ་བྱ་ཞིང་གནོད་སྦྱིན་རྣམས་ལ་གཏོར་མ་ཕུལ་ཏེ
50a2 མིའི་རུས་པ་བླངས་ནས་རྩེ་གསུམ་བྱེད་དུ་གཞུག་གོ། །ལག་པ་གཡོན་པས་ལན་བདུན་འཕངས་པ་མཚན་མོ་གསུམ་དུ་སྨྱུང་བར་གནས་པས་སྣ་མའི་མེ་ཏོག་གི་སྦྱིན་སྲེག་སྟོང་ཕྲག་བརྒྱད་བྱས་ན་རྩེ་གསུམ་འབར་བར་འགྱུར་རོ། །དེ་ནས་གྲུབ་པར་འགྱུར་ཏེ་འདོད་པས་གང་སྤྲུལ་པ་དེར
50a3 འགྱུར་རོ། །ལྷའི་ཁང་པར་ཟླ་བ་དང་ཉི་མ་གཟས་བཟུང་བ་ན་རིང་བསྲེལ་དང་བཅས་པའི་མཆོད་རྟེན་ནམ་སྐུ་གཟུགས་ཀྱི་ཁང་པར་སེར་སྐྱར་རྒྱུད་མཚུངས་པའི་མར་སྲང་གཅིག་བླངས་ནས་རིང་བསྲེལ་དང་བཅས་པའི་མཆོད་རྟེན་དུ་གསེར་གྱི་སྣོད་དུ་བཞག་ནས་བཅོམ་ལྡན་འདས་ལ་མཆོད
50a4 པ་བྱས་ཏེ་ཟླ་བ་མི་ལྟ་བ་ཉིད་དུ་ཀུ་ཤས་སྟེང་ནས་གཡོགས་ཏེ་བཟླས་པར་བྱའོ། །དྲོ་བཞིན་པ་ན་བཏུང་བར་བྱ། སེམས་ཅན་ཐམས་ཅད་དབང་དུ་བྱེད་དོ། །ལྕི་བ་བྱུང་བ་ན་བཏུང་བར་བྱ་སྟེ་མི་སྣང་བར་འགྱུར་རོ། །འབར་བཞིན་པ་ནི་བཏུང་བར་བྱ་སྟེ་ནམ་མཁའ་ལ་འགྲོའོ། །ཟླ
50a5 བ་དྲུག་ཏུ་སྔོན་སྤྱད་པ་བྱས་པ་བའི་གཅིན་དང་ནས་ཟན་བཟའ་ཞིང་མི་སྨྲ་བའི་བརྟུལ་ཞུགས་སྤྱད་པར་བྱའོ། །བཅོམ་ལྡན་འདས་མ་རྟག་ཏུ་བཟླས་པས་མ་བླངས་པར་གསེར་བརྒྱ་རྙེད་དོ། །ཆོ་འཕྲུལ་གྱི་ཕྱོགས་ཀྱི་ལོར་བརྩམ་པར་བྱ་སྟེ། འཕགས་པ་སྤྱན་རས་གཟིགས་དབང་ཕྱུག
50a6 གི་སྤྱན་སྔར་མཆོད་པ་བྱས་ནས་དྲི་དང་མེ་ཏོག་དང་བདུག་པ་ལགས་པ་དེ་བཞིན་དུ་ཕུལ་ཏེ་ཡན་ལག་བརྒྱད་ཀྱི་གསོ་སྦྱོང་དང་ཡང་དག་པར་ལྡན་པས་ལོ་རྫོགས་པ་ན་འགྲུབ་པར་འགྱུར་རོ། །བཅོམ་ལྡན་འདས་ཀྱིས་རས་རིས་འཆིང་བར་བྱེད་དོ། །བཅོམ་ལྡན་འདས་ལ་མཆོད་པ
50a7 བྱས་ནས་ཚེས་གཅིག་ནས་བརྩམས་ཏེ། ཇི་སྲིད་ཟླ་བ་ཉ་བའི་བར་ཆེས་ལྷག་པའི་མཆོད་པ་དང་། སློང་མོ་བཟའ་བར་བྱ་སྟེ་གྲུབ་བོ་ཞེས་པའི་ཚིག་འདོན་པར་བྱེད་དོ། །མར་གྱི་སྲེག་བླུགས་སྟོང་ཕྲག་བརྒྱད་སྦྱིན་སྲེག་བྱས་པས་ཕ་རོལ་ཞི་བར་འགྱུར་རོ། །ཆོ་འཕྲུལ་གྱི་ཕྱོགས
iiif viewer powered by OpenSeadragon
