| e-texts navigator |
| Wylie |
4b1 བདུག་པ་དབུལ་ལོ། །གང་དཀའ་ཐུབ་པ་རྣམས་ཀྱིས་ཇི་ལྟར་བྱུང་བ་ཟོས་ནས་ཡོན་དབུལ་བར་བྱའོ། །དེ་ནས་ཐམས་ཅད་བྱེད་དོ། །མེ་ཏོག་གམ། འབྲས་བུའམ། དྲི་དང་། གོས་ལ་སོགས་པ་ལ་མངོན་པར་བསྔགས་ནས་གང་ལ་བྱིན་པ་དེ་བྲན་ཉིད་དུ་ཉེ་བར
4b2 གནས་སོ། །རྒྱལ་སྲིད་ཀྱི་ལོངས་སྤྱོད་འདོད་ན་རས་རིས་ཀྱི་སྤྱན་སྔར་ཞོ་དང་མར་དང་འོ་ཐུག་གིས་སྦྱིན་སྲེག་བྱ་སྟེ། འབུམ་ཕྲག་གཅིག་གི་མཐར་རིག་པ་འཛིན་པའི་གཙུག་ཕུད་འབར་བར་འགྱུར་རོ། །ཆད་པ་དབང་དུ་བྱ་བར་འདོད་ན་རས་རིས་ཀྱི་སྤྱན་སྔར་མཚན
4b3 མོ་གསུམ་ཐུན་གསུམ་དུ་ཏིལ་དང་། ཏིལ་གྱི་ཐུག་པའི་སྦྱིན་སྲེག་བྱས་ན་དབང་དུ་འགྱུར་རོ། །བུ་མོ་དབང་དུ་བྱ་བར་འདོད་ན་རས་རིས་ཀྱི་སྤྱན་སྔར་མཚན་མོ་གསུམ་ཐུན་གསུམ་དུ་དང་པོ་བཙས་པའི་འོ་མའི་སྦྱིན་སྲེག་སྟོང་ཕྲག་བརྒྱད་བྱས་ན་རྙེད་དོ། །ཕྱུགས་ཀྱི་བདག
4b4 པོ་རྣམས་དབང་དུ་བྱ་བར་འདོད་ན་ཐལ་བའི་སྦྱིན་སྲེག་བྱས་ན་དབང་དུ་འགྱུར་ཏེ། ཞག་བདུན་ཐུན་གསུམ་དུ་སྟོང་ཕྲག་བརྒྱད་བཟླས་ན་དེ་ཇི་སྲིད་འཇིག་རྟེན་པའི་ལས་ལས་འདས་པ་རྣམ་པ་སྣ་ཚོགས་པའི་སའི་སྟེང་གི་མི་རྣམས་ཀྱི་ཏིང་ངེ་འཛིན་ཐམས་ཅད་བྱེད་དེ། སྔགས་འདི
4b5 ལ་ཐེ་ཚོམ་མེད་དོ། །འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི་ཏིང་ངེ་འཛིན་ལས་ངེས་པར་སྐྱེས་པ་དབང་ལྡན་གྱི་རིགས་ཀུན་ཏུ་འོང་བའི་རིག་པའི་རྒྱལ་པོ་ཆེན་པོ་རྫོགས་སོ།། །།དེ་ནས་བྱང་ཆུབ་སེམས
4b6 ད་པའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་སླར་ཡང་ཡངས་པ་དང་ལྡན་པའི་ཏིང་ངེ་འཛིན་གྱི་རྒྱལ་པོ་སྒོམ་བཞིན་དུ་སེམས་ཅན་ལ་རྗེས་སུ་བརྩེ་བས་བཅོམ་ལྡན་འདས་མ་རྟོག་པའི་རྒྱལ་པོ་ཆེན་པོར་འཇུག་པར་བྱེད་བཞིན་པ་ཞེས་བྱ་བའི་རིག་པའི་རྒྱལ་པོ་རྗེས
4b7 སུ་དྲན་ནས་གསུངས་པ། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བིདྱཱ་རཱ་ཛཱ་ཡ། ཏདྱ་ཐཱ། བི་ཤུདྡྷ་པྲ་བ། ཀཪྵ་ཀརྵ་བྷ་ཤི་ཥེ་བི་དྱཱ་དྷ་ར་གུ་ཧྱེ་ཀ་མ་ནུ་སྨཱ་ར་བུདྡྷ་སཏྱེ་ན་དྷརྨ་སཏྭཱ་ན། སཾ་གྷ་སཏྱེ་ན། ཨཱརྱ་ཨ་བ
iiif viewer powered by OpenSeadragon
