| e-texts navigator |
| Wylie |
4a1 སྔར་བརྗོད་པའི་ཆོ་གས་རས་ལ་བཅོམ་ལྡན་འདས་འཕགས་པ་སྤྱན་རས་གཟིགས་དབང་ཕྱུག་གསེར་གྱི་མདོག་ལྟར་སྣང་བ། ཕྱག་ན་པདྨ་གཡས་ཀྱིས་མཆོག་སྦྱིན་པ། ཕྱག་གཡོན་པས་པདྨ་བསྣམས་པ། རལ་པའི་ཅོད་པན་འཕྱང་བ། སྤྱི་བོར
4a2 བཅོམ་ལྡན་འདས་འོད་དཔག་མེད་བཞུགས་པའོ། །འཕགས་པ་སྤྱན་རས་གཟིགས་དབང་ཕྱུག་གི་གཡས་སུ་ཡངས་པ་དང་ལྡན་པ་ཞེས་བྱ་བའི་ཏིང་ངེ་འཛིན་གྱི་གཟུགས་ཅན་གྱི་བྱང་ཆུབ་སེམས་དཔའ་ལ་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་བ
4a3 བྲི་བར་བྱའོ། །གཡོན་གྱི་གཞོགས་སུ་དབང་ལྡན་ལ་སོགས་པའི་སེམས་དཔའ་ཆེན་པོ་རྣམས་བྲི་བར་བྱའོ། །གང་གི་ཚེ་མིག་གསུམ་པའོ། །སྔར་བརྗོད་པའི་གནས་སུ་རས་རིས་འདིའི་སྟེང་གི་ཕྱོགས་ཀྱི་ཆ་རྣམས་སུ་བཞག་ནས། ནག་པོའི་བཅུ་བཞི་པ་ནས
4a4 བརྩམས་ཏེ་མཆོད་པའི་ཆོ་ག་བྱ་ཞིང་འདི་ཉིད་ཀྱིས་འབུམ་བཟླས་པར་བྱ་སྟེ་སྔོན་དུ་བསྙེན་པ་བྱས་པར་འགྱུར་རོ། །ཉིན་མཚན་དུ་སྨྱུང་བར་གནས་པ་ནག་པོའི་བཅུ་བཞི་པ་ལ་བྱང་ཆུབ་སེམས་དཔའ་ཐམས་ཅད་ལ་དཀར་པོའི་གཏོར་མ་དབུལ་བར་བྱ་ཞིང་ཨ་ག་རུ
4a5 དང་ཏུ་རུཥྐའི་བདུག་པ་དབུལ་བར་བྱའོ། །འཕགས་པ་སྤྱན་རས་གཟིགས་དབང་ཕྱུག་ལ་འོ་མ་དང་ལྷན་ཅིག་པའི་བདུག་པ་དབུལ་བར་བྱ་ཞིང་ཁ་དོག་ཐམས་ཅད་དུ་སྣང་བ་ཐམས་ཅད་འདོད་པའི་རིགས་ལ་ཞོ་དང་བུ་རམ་གྱི་བཟའ་བ་དང་། གུ་གུལ་གྱི་བདུག་པ
4a6 དབུལ་བར་བྱའོ། །རས་རིས་ཀྱི་ཕྱི་རོལ་དུ་འབྱུང་པོ་ཐམས་ཅད་པའི་གཏོར་མ་དབུལ་ཞིང་། དགེ་སློང་རྣམས་ལ་ཡོན་དང་བཅས་པའི་སྟོན་མོ་དབུལ་ལོ། །ཕྱུགས་བདག་རྣམས་ལ་ཞོ་ཟན་དབུལ་ཞིང་དེའི་ཞི་བ་ཐོབ་པར་བྱའོ། །ཇི་སྲིད་དུ་ཟླ་བ་ཉ་བའི་བར་དུ་དུས་གསུམ
4a7 དུ་སྟོང་ཕྲག་བརྒྱད་བཟླས་པར་བྱའོ། །དེ་ནས་སྲོད་ནས་བརྩམས་ནས་ཇི་སྲིད་དངོས་གྲུབ་ཀྱི་མཚན་མ་དབང་ལྡན་གྱི་མིག་འཕྲོ་བར་བྱེད་པ་དེ་སྲིད་དུ་བཟླས་པ་བྱའོ། །འདིར་དངོས་གྲུབ་ཀྱི་མཚན་མ་བྱུང་བ་དེ་ནས་མེ་ཏོག་ཕྲེང་བ་དབུལ་བར་བྱ་ཞིང་། གུ་གུལ་གྱི
iiif viewer powered by OpenSeadragon
