| e-texts navigator |
| Wylie |
49b1 ཉི་མ་སོ་སོར་གྲོང་རེ་རེ་རྙེད་དོ། །དགོན་པར་སོང་ནས་རིག་པ་བྱེ་བ་བཟླས་པར་བྱའོ། །སློང་མོ་བཟའ་ཞིང་ཞོ་དང་། སྦྲང་རྩི་དང་། མར་གྱིས་བཏགས་པའི་དགོན་པའི་བ་ལང་གི་ལྕི་བས་སྦྱིན་སྲེག་སྟོང་ཕྲག་ཉི་ཤུ་བྱའོ། །ཇི་སྲིད་ལྷ་རྣམས་མོའི་གཟུགས་སུ་བྱས་ནས་འོང
49b2 བར་འགྱུར་ཏེ་དེ་ལ་འཇིགས་པར་མི་བྱའོ། །དེ་ཡང་གཏེར་སྩོལ་བར་བྱེད་དེ་བླང་བར་བྱའོ། །རང་ཉིད་ལོངས་ཤིག་ཅེས་བརྗོད་པར་བྱའོ། །རྒྱལ་སྲིད་དང་། ནོར་དང་། འབྲུ་དང་། རིན་པོ་ཆེ་རྣམས་སྟེར་བར་བྱེད་དེ། རྟག་ཏུ་དཀོན་མཆོག་གསུམ་ལ་སྦྱར་ཞིང་། བཅོམ་ལྡན་འདས
49b3 ལ་དབུལ་བར་བྱའོ། །དགོན་པར་ཞུགས་ནས་རིག་པ་སྟོང་ཕྲག་བརྒྱ་བཟླས་པར་བྱ་ཞིང་། ཨ་ག་རུའི་ཤིང་ལ་རབ་ཏུ་གནས་པའི་སྤྱན་སྔར་བཅོམ་ལྡན་འདས་ལ་ཤིང་པཏྶ་ལཎྜི་ཀ་ལ་ཞོ་དང་། སྦྲང་རྩི་དང་། མར་གྱིས་བཏགས་པའི་སྦྱིན་སྲེག་སྟོང་བྱས་ན་འདོད་འཇོའི་བ་སེར
49b4 སྐྱར་འོང་ངོ་། །སླར་ཡང་པཏྶ་ལཎྜི་ཀའི་སྦྱིན་སྲེག་སྟོང་ཕྲག་ཉི་ཤུ་བྱའོ། །འོངས་ནས་ཀྱང་གྲུབ་པར་འགྱུར་ཏེ་ལོ་སྟོང་དུ་འོ་མ་སྦྱིན་པར་བྱེད་དོ། །སྔར་བརྗོད་པའི་རས་རིས་ཀྱི་སྤྱན་སྔར་མར་དང་། སྦྲང་རྩིས་བཏགས་པའི་སྣ་མའི་མེ་ཏོག་གི་སྦྱིན་སྲེག་སྟོང་ཕྲག་བརྒྱད་བྱའོ། །
49b5 ཟླ་བ་དྲུག་ཏུ་དོང་ཙེ་སྟོང་རྙེད་དོ། །ཡང་ན་པ་ཎ་སྟོང་ལྷག་པ་དང་བཅས་པའོ། །ཀུ་མུ་དའི་སྦྱིན་སྲེག་སྟོང་ཕྲག་བརྒྱད་བྱའོ། །རིང་བསྲེལ་དང་བཅས་པའི་མཆོད་རྟེན་དང་། སངས་རྒྱས་ལ་མངོན་པར་དང་བས་ལྷ་རྣམས་མཆོག་སྦྱིན་པར་བྱེད་དོ། །འཕགས་པ་སྤྱན་རས་གཟིགས
49b6 དབང་ཕྱུག་ལ་མཆོད་པ་བྱས་ནས་ཡུངས་ཀར་དཀར་པོ་ལ་ལན་བདུན་མངོན་པར་བསྔགས་པར་བྱས་ནས་གཡུལ་དུ་གཏོར་བར་བྱས་ཏེ་འདི་ཉིད་སྟོང་ཕྲག་བཟླས་པས་སེམས་ཅན་ཐམས་ཅད་དབང་དུ་བྱེད་ནུས་པར་འགྱུར་རོ། །ཆོ་འཕྲུལ་གྱི་ཕྱོགས་ཀྱི་དཀར་པོའི་བཅུ་གསུམ་ལ་དྲི་དང
49b7 མེ་ཏོག་དང་བདུག་པས་མཆོད་པ་བྱས་ནས་མེ་ཏོག་ཁ་བྱེ་བ་དང་མར་གྱི་སྲེག་བླུགས་ཀྱིས་སྦྱིན་སྲེག་སྟོང་ཕྲག་བརྒྱད་བྱའོ། །ཐལ་བ་བླངས་ནས་གཞན་གྱི་དཔྲལ་བར་ཐིག་ལེ་བྱས་ཏེ། གྲོང་དང་གྲོང་ཁྱེར་དུ་རབ་ཏུ་འཇུག་པར་བྱེད་དེ། ཐམས་ཅད་དབང་དུ་འགྱུར་རོ། །ནག་པོའི་བཅུ
iiif viewer powered by OpenSeadragon
