| e-texts navigator |
| Wylie |
48a1 མར་ལ་བརྒྱ་ཕྲག་བཅུར་ཡོངས་སུ་བཟླས་ནས་སྦྱིན་དུ་གཞུག་པར་བྱ་སྟེ། གཟིར་བ་དང་། མདོམས་ཀྱི་ནད་དང་། གཅིན་སྲི་བ་དང་། རྐེད་པ་བསྡམས་པ་ལ་བྱིན་ན་ནད་མེད་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ།
48a2 མ་ཧཱ་སཏྭཱ་ཡ། ཏདྱ་ཐཱ། ཏུ་རེ་སྭཱ་ཧཱ། རིག་པ་འདིས་ཤ་ཟའི་རིམས་དང་། འབྱུང་པོའི་རིམས་དང་། གདོན་རྣམ་པར་འཇོམས་པ་ལ་སྲད་བུས་ཐར་བར་བྱེད་དོ། །མི་མོ་རབ་ཏུ་བཙའ་བཞིན་པ་ལ་ཏིལ་མར་ལ་བརྒྱད་བརྒྱར་ཡོངས་སུ་བཟླས་ནས་ལྟེ་བ་འམ་རྐེད་པར་བསྐུས་ན
48a3 ཟུག་རྔུ་མེད་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ་མུཿསྭཱ་ཧཱ། རིག་པ་འདིས་བརྒྱད་བརྒྱར་མངོན་པར་བསྔགས་པ་བྱས་ནས། ཀུམྦྷི་ར་དང་བཱ་ར་ཎི་དང་། ཨ་ནནྟ་དང་། བེ་ཏ་ཤི་དང་།
48a4 ཚངས་མ་དང་། ཤུ་དག་དང་། བྲི་ཧ་ཏི་རྣམས་སྦྲང་རྩི་དང་ཡང་དག་པར་ལྡན་པ་ཟངས་ཀྱི་སྣོད་དུ་བཞག་ནས་ཟླ་བ་མཐོང་བ་ནས་ཇི་སྲིད་གྲོལ་བ་དེ་སྲིད་དུ་བཟླས་པར་བྱའོ། །དེ་ཟོས་པས་མཆོག་ཏུ་ཡིད་གཞུངས་པར་འགྱུར་རོ། །རིག་པ་འདིས་གཡུལ་ངོར་འཇུག་པ་ལ་བརྒྱད
48a5 བརྒྱ་མངོན་པར་བཟླས་ནས་ལག་པ་ལ་ཆིངས་ཤིག་། སྟོབས་ཆེན་པོར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཏཱ་རེ་ཏཱ་རེ་མུ་ལུ་མུ་ལུ་སྭཱ་ཧཱ། རིག་པ་འདིས་དཀར་པོའི་ཚེས་གཅིག་ནས་བརྩམས
48a6 ཏེ་མཚན་མོ་གསུམ་དུ་སྨྱུང་བར་གནས་པས་ཨ་ཤྭཏྠའི་ཤིང་གི་འོག་ཏུ་མེ་ཏོག་ཡུ་ཏི་ཀ་དང་། ཀཪྞི་ཀ་ར་རྣམས་འོ་མ་དང་། ཞོ་དང་། མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱ་བྱའོ། །དངུལ་བརྒྱ་རྙེད་པའམ། ཡང་ན་མཐོང་ངོ་། །ཟླ་བ་ཉ་ལ་མཚན་མོ་གསུམ་སྨྱུང་བར
48a7 གནས་ཏེ། མཚན་ཕྱེད་ནས་ཆུ་ཀླུང་དུ་ཕྱིན་ནས་དྲི་ཞིམ་པོའི་མེ་ཏོག་གིས་སྦྱིན་སྲེག་སྟོང་ཕྲག་བརྒྱ་བྱ་སྟེ་དོང་ཙེ་ལྔ་བརྒྱ་རྙེད་པའམ། ཡང་ན་མཐོང་ངོ་། །འདིས་ཟླ་བ་གཟས་བཟུང་བའི་དུས་སུ་རིང་བསྲེལ་དང་བཅས་པའི་མཆོད་རྟེན་དུ་སོ་མ་རཱ་ཛའི་འབྲས་བུ་རྣམས་ཕྱེ་མ་ཞིབ་མོར་བྱས
iiif viewer powered by OpenSeadragon
