| e-texts navigator |
| Wylie |
46b1 མ་ཧཱ་ཀཱ་རུ་ཎི་ཀཱ་ཡ། ཨེ་ཧི་བྷ་ག་བ་ཏེ་མ་ཧཱ་རཀྵ་སི་ཙ་སེ་ཊི། ཨཱི་ཊི་མིཥྚི། ཨ་སུ་ར་པྲ་མརྡ་ནི། ཨེ་ཀ་ཛ་ཊི། ཏི་རཱཀྵ་སི། ས་ཧི་ཏ་དེ་བི་མ་ཙ་མ་སཱ། བི་ཧེ་ཐི་ཡ། ཀི་རི་སི་ཏི། རཱ་ཀ་པཱ་ལི། ཀ་ར་པ་རི། ཀཱ་མཱ་རི་ཀཾ་པ་ར་ཀཱ་ལིཙྪ་ཊ་པྲི་ཡེ། མ་ཧཱ་ཀ་པཱ་ལི་ཙཎྜ་ལི། མ་ཧཱ་ཙཎྜ་ལི། མ་ཧཱ་ཙཎྜ་ལི། སིདྡྷི་སརྦ
46b2 ཨརྠ། སཱ་དྷ་ནི། སརྦ་བི་གྷྣ། པྲ་ཎཱ་ས་ནི་སྭཱ་ཧཱ། འདི་ནི་སྲིན་མོ་རལ་པ་གཅིག་མ་ཞེས་བྱ་བ་སྟེ། དེའི་སྤྱན་སྔར་དཀྱིལ་འཁོར་ཉེ་བར་བྱུགས་ཏེ་རིག་པ་འདིས་དྲི་དང་མེ་ཏོག་དང་གཏོར་མ་དང་བདུག་པ་ལ་ཉི་མ་སོ་སོར་མངོན་པར་བསྔགས་ནས་མཆོད་པར་བྱའོ། །འདི་སྐད་ཅེས
46b3 བརྗོད་པར་བྱ་ཞིང་། བདག་ལ་བགེགས་ཐམས་ཅད་མི་གཡོ་བར་གྱུར་ཅིག་།དེ་ཡང་བདག་ལ་བགེགས་གྱིས་ཤིག་།དེ་ལྟ་བུའི་སྒྲུབ་པ་པོ་ལ་བགེགས་མེད་པར་འགྱུར་རོ། །སྒྲུབ་པ་པོ་གང་ཅུང་ཟད་སྒྲུབ་པ་རྩོམ་པ་ན་བགེགས་མེད་པར་འགྱུར་རོ། །རྣམ་པ་གཞན་དུ
46b4 རྣམ་པར་འཇོམས་པར་བྱེད་དོ། །ཞེས་པ་སྒྲུབ་པའི་ཐབས་ཀྱི་ཆོ་གའི་རིག་པ་འདི་རྣམས་རྟོག་པའི་རྒྱལ་པོ་བཀླགས་པས་གྲུབ་པ། འདིར་ཇི་ལྟར་རབ་ཏུ་སྦྱར་བ་དེ་ལྟར་སྒྲུབ་པ་པོའི་ལས་ཐམས་ཅད་འགྲུབ་པར་བྱེད་དོ། །ཞེས་པ་དེ་བཞིན་དུ་རྟོགས་པར་བྱའོ། །བཅོམ
46b5 ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་སྒྲུབ་ཐབས་ཀྱི་ཆོ་གའི་རིམ་པའི་ལེའུ་ཡོངས་སུ་རྫོགས་སོ། ། །།དེ་ནས་ཡང་སེམས་དཔའ་ཆེན་པོས་སེམས་ཅན་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་སེམས
46b6 ཅན་ཐམས་ཅད་ཀུན་ཏུ་སྣང་བར་གྱུར་པས། རིག་པ་ཐམས་ཅད་བསྐུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་སེམས་དཔའ་ཆེན་པོའི་སྒྲུབ་ཐབས་ཀྱི་རིག་པ་གསུངས་སོ། །ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ།
46b7 ཧཱ་རེ་སྭཱ་ཧཱ། རིག་པ་འདིས་རིའི་རྩེ་མོར་སློང་མོ་ཟ་བས་མཆོད་རྟེན་དང་། ཁྱིམ་དུ་ཐུན་གསུམ་དུ་རིག་པ་སྟོང་ཕྲག་བརྒྱད་བཟླས་པར་བྱའོ། །མི་སྨྲ་བས་འོ་མ་དང་ནས་ཟན་ཟ་བའམ་སློང་མོ་ཟ་བས་ཀུ་ཤ་བཏིང་པ་ལ་ཉལ་ཏེ་ཟླ་བ་གསུམ་མ་མ་ཟླ་བ་གཅིག་གིས་འཕགས་པ
iiif viewer powered by OpenSeadragon
