| e-texts navigator |
| Wylie |
43b1 དོན་གྲུབ་པ། མདོར་ན་ཇི་ལྟ་ཇི་ལྟར་རབ་ཏུ་སྦྱར་བ། དེ་ལྟ་དེ་ལྟར་འགྲུབ་པར་འགྱུར་ཏེ། དེ་ཇི་ལྟ་བ་བཞིན་རྟོག་པར་བྱ་བར་འགྱུར་རོ། །ཡང་འདིར་རིག་པ་ནི། ན་མོ་རཏྣ་ཏྲ་ཡཱ་ཡ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ན་མོ་བིདྱཱ་དེ་བ་ཏཱ་ཡ།
43b2 ན་མོ་བིདྱཱ་དེ་བ་ཏཱ་ནཱཾ་ན་མ། སརྦ་སྱཻ་བ། བཱི་དྱཱ་ཀུ་ལ་བཾ་ཤ་སྱེ། ཏདྱ་ཐཱ། སརྦ་ཨཪྠ་བི་གྷྣ་བི་ནཱ་ཤ་ཡ་ཨཱ་ཧ་རི། ཧ་རེ་ཧ་རེ། བི་ཧ་རེ། པི་ཧཱ་ཏེ་ཛ་བི་མ་ལེ། ཨ་བྷ་ཡེ། ཙ་ལོ། སྟམྦྷ་ནི། པུཥྐ་རེ། ཤུདྡྷེ་མུཀྐེ་མུཀྐེ། བི་ཀུར་བི་ཏེ། པྲ་བྷཱ་སྭ་རེ་ཨཱ་ལོ་ཀི་ཏེ་བྷྱཿ། བི་ལཱ་ཀ་ལ། སརྦ
43b3 སཏྭ། ཨ་བ་ལོ་ཀ་ནི་སྭཱ་ཧཱ། རིག་པ་འདིས་ལས་འདི་རྣམས་སུ་འགྱུར་ཏེ་བསྙེན་པའི་དུས་དང་སྒྲུབ་པའི་དུས་སུ་ཡང་དང་པོ་ཉིད་དུ་བདག་ཉིད་བསྲུང་བར་བྱའོ། །བསླབ་པས་བཅིང་བའི་གྲོགས་རྣམས་ཀྱང་ལན་བདུན་ནས་ལན་གསུམ་བཟླས་པའི་ཆུ་སྤྱི་བོར་བླུགས་པས་ཐམས་ཅད་དུ
43b4 བསྲུང་བ་བྱས་པར་འགྱུར་རོ། །དྲི་དང་། མེ་ཏོག་དང་། བདུག་པ་དང་། བསྔགས་པ་ལ་སོགས་པ་ཡང་འདི་ཉིད་ཀྱིས་བྱའོ། །རས་རིས་བླངས་ཏེ་ལྷ་རྣམས་དང་རས་རིས་ལ་ཀུན་ཏུ་བསྲུང་བ་དང་། རས་རིས་ཀྱི་གནས་སུ་ཚོན་གཞན་དང་མ་འདྲེས་པ་དང་། སྤྱན་དྲངས་པའི
43b5 ལྷ་རྣམས་ལ་མཆོད་ཡོན་དབུལ་བ་དང་། ཡང་དག་པར་གནས་པ་དང་། བདག་ཉིད་དང་གྲོགས་བྱེད་པ་རྣམས་ཀྱང་འདི་ཉིད་ཀྱིས་ཁུ་བ་བཅིང་བར་བྱའོ། །ཁུ་བ་བཅིངས་པས་ལོག་འདྲེན་ཐམས་ཅད་འཇོམས་པ་དང་། གནས་ཀུན་ཏུ་བསྲུང་བའོ། །འདི་ཉིད་ཀྱིས་ཚ་བའི
43b6 ཏིལ་མར་གྱིས་བཏགས་པའི་ཡུངས་ཀར་དཀར་པོའི་སྦྱིན་སྲེག་སྟོང་ཕྲག་བརྒྱད་བྱའོ། །བདག་ཉིད་དང་གྲོགས་བྱེད་པ་རྣམས་ཀྱང་རུང་སྟེ་ལན་ཉི་ཤུ་རྩ་གཅིག་ཏུ་ཕྱོགས་གང་དུ་སྔོན་དུ་བསྙེན་པ་དང་། སྒྲུབ་པ་དང་། ཞི་བ་ཅན་དང་། རྒྱས་པ་ཅན་དང་། མངོན་སྤྱོད་ཅན་ཅི་ཡིན
43b7 པ་དེ་ཉིད་དུ་གདོན་མི་ཟ་བར་བྱའོ། །ཡང་ན་གཞན་དུ་ཐང་གི་ཕྱོགས་སམ། སའི་གནས་བཅོམ་ལྡན་འདས་བསྒྲུབ་པར་བྱ་བའམ། གཞན་ལས་བྱ་བ་དེར་བྱི་དོར་དང་པོར་བྱའོ། །རྣམ་པ་འདིས་གཏོར་མ་སྦྱོང་བ་དང་། བདག་ཉིད་སྲུང་བ་དང་། གཞན་སྲུང་བ་དང་། ཆུ་བླུགས
iiif viewer powered by OpenSeadragon
