| e-texts navigator |
| Wylie |
43a1 སྤྱན་རས་གཟིགས་དབང་ཕྱུག་མཐོང་ངོ་། །གང་འདོད་པ་དེ་རྙེད་དོ། །ཡིད་ཀྱིས་འབུམ་ཕྲག་བརྒྱད་ཅུ་རྣམས་ཀྱིས་མི་སྣང་བར་འགྱུར་རོ། །དཔག་ཚད་བརྒྱད་དུ་འཕུར་བར་བྱེད་དོ། །འོག་ཏུ་ཡང་དཔག་ཚད་བརྒྱར་འགྲོ་བར་བྱེད་དོ། །ས་ལ་ཡང་སྟེང
43a2 དུ་འབྱིན་པར་བྱེད་དོ། །གཏེར་ཐམས་ཅད་མཐོང་བར་བྱེད་དོ། །གནོད་སྦྱིན་མོ་རྣམས་དབང་དུ་བྱ་བར་འདོད་པས་མྱ་ངན་མེད་པའི་ཤིང་གི་འོག་ཏུ་དཀྱིལ་འཁོར་ཉེ་བར་བྱུགས་པ་བྱས་ནས་འདི་གསོལ་ཅིག་ཅེས་བརྗོད་པར་བྱའོ། །གཞན་ཡང་འཇིག་རྟེན་གསུམ་ལས་རྣམ་པར
43a3 རྒྱལ་བའི་ཆོ་གར་འགྱུར་ཏེ་སྔོན་སྤྱད་པ་བྱ་ཞིང་གསོ་སྦྱོང་ལ་གནས་པས་དུས་གསུམ་དུ་ཁྲུས་བྱ་ཞིང་། དེ་བཞིན་གཤེགས་པ་དགྲ་བཅོམ་པ་ལ་དཀྱིལ་འཁོར་བྱས་ནས་འབུམ་ཕྲག་གསུམ་བཟླས་པར་བྱའོ། །བཟླས་པ་ཡོངས་སུ་རྫོགས་པ་ན་གསོ་སྦྱོང་ལ་གནས་པ་ཉིད་ཀྱིས
43a4 ཇི་ལྟར་ནུས་པའི་མཆོད་པ་བྱས་ནས་ཆུ་སྟོད་ཅན་གྱི་ཟླ་བ་ཉ་ལ་དགེ་འདུན་གྱིས་བསྟན་པའི་བསོད་སྙོམས་ཀྱི་ཟས་བཟའ་བར་བྱ་ཞིང་ཤ་དང་བྲལ་བའི་ཤིན་ཏུ་གྱ་ནོམ་པས་དྲི་གཙང་ཁང་དུ་དཀྱིལ་འཁོར་ཉེ་བར་བྱུགས་པ་བྱས་ནས་རིང་བསྲེལ་དང་བཅས་པའི་སྐུ་འམ། གཟུགས་བརྙན
43a5 ལ་དྲི་དང་། མེ་ཏོག་དང་། བདུག་པ་རྣམས་ཀྱིས་མཆོད་པ་བྱས་ནས་ཀུ་ཤ་བཏིང་བ་ལ་སྐྱིལ་ཀྲུང་བཅིངས་ཏེ་བསོད་སྙོམས་ཀྱི་ཟས་ཀྱིས་ལས་ཀྱི་དཔག་ཏུ་མེད་པའི་བཟླས་པ་དབུལ་བར་བྱའོ། །ཇི་སྲིད་སྒྲུབ་པ་གཉིས་པའོ། །ཞེས་པ་དེའི་ཚེ་བཅོམ་ལྡན་འདས་མཐོང་བར་བྱེད
43a6 དོ། །གང་འདོད་ཅིང་འདོད་པ་རྙེད་དོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་འཇིག་རྟེན་གསུམ་ལས་རྣམ་པར་རྒྱལ་བ་རིག་པའི་རྒྱལ་པོ་ཆེན་པོའི་རྟོག་པ་རྫོགས་སོ།། །།
43a7 དེ་ནས་ཡང་སེམས་དཔའ་ཆེན་པོས་སླར་ཡང་རིག་པ་ཐམས་ཅད་ཡང་དག་པར་སྐུལ་བར་བྱེད་པའི་ཏིང་ངེ་འཛིན་ལ་སྙོམས་པར་ཞུགས་ནས་སྒྲུབ་ཐབས་ཀྱི་ཆོ་ག་རིག་པའི་ལེའུ་གསུངས་པར་གྱུར་ཏོ། །བཀླགས་པས་གྲུབ་པ་མྱུར་དུ་གྲུབ་ཅིང་རང་གིས་བདག་ཉིད་གྲུབ་པ་གཡེང་བའི
iiif viewer powered by OpenSeadragon
