| e-texts navigator |
| Wylie |
42b1 བྱ་སྟེ། ཀླུའི་གནས་ཐམས་ཅད་དུ་ཇི་ལྟར་འདོད་པ་བཞིན་རང་གི་ཁྱིམ་བཞིན་དུ་རྣམ་པར་རྒྱུ་བར་བྱེད་དོ། །ཀླུའི་གནས་སུ་སོང་ནས་འོ་ཐུག་གིས་ལྷུང་བཟེད་བཀང་ནས་ཇི་སྲིད་ཀླུ་མགོ་བོ་བདུན་པ་འོང་བར་བྱེད་པ་དེ་སྲིད་དུ་རིག་པ་བཟླས་པར་བྱའོ། །རིན་པོ་ཆེ་རྣམས་ཀྱང
42b2 སྦྱིན་པར་བྱེད་དོ། །ས་ལ་རྒྱལ་པོའི་གཏེར་འདོན་པ་འམ་འཆིང་བར་བྱེད་དོ། །དེ་ནས་གཅིག་ཏུ་ཡང་དག་པར་བླང་བར་བྱ་སྟེ། མ་བླངས་ན་ཀླུའི་འཆིང་བ་ལྔ་འོང་བར་བྱེད་དོ། །སྔགས་འདི་ཉིད་ཀྱིས་སྟོང་ཕྲག་ཉི་ཤུ་རྩ་གཅིག་ཏུ་ཆུ་ཀླུང་གི་འགྲམ་དུ་བཟླས་པ་དབུལ་བར་བྱའོ། །
42b3 རྒྱུན་འབབ་པའི་ཆུ་ཀླུང་ཆེན་པོའི་མེ་ཏོག་རྣམས་གཡས་སུ་འཁོར་བར་བྱེད་ན། རིག་པ་འཛིན་པས་གྲུབ་བོ་ཞེས་ཤེས་པར་བྱའོ། །དེ་ནས་ཆུའི་ནང་དུ་འོང་བ་དང་འགྲོ་བར་བྱེད་དོ། །རིང་བསྲེལ་དང་བཅས་པའི་མཆོད་རྟེན་ནམ། བྱང་ཆུབ་ཀྱི་ཤིང་དྲུང་དུ་བྱེ་བ་བཟླས་པར་བྱའོ། །
42b4 ཚུལ་ཁྲིམས་དང་ལྡན་པ་སྤོབས་པ་ཕུན་སུམ་ཚོགས་པའི་རྒྱལ་པོར་འགྱུར་ཏེ། འཛམ་བུའི་གླིང་གི་དབང་ཕྱུག་།རིག་པ་འཛིན་པའི་འཁོར་ལོས་སྒྱུར་བ་རྫུ་འཕྲུལ་ཆེན་པོ་དང་མཐུ་ཆེན་པོ་ཅན་ཇི་སྲིད་དུ་བསྒྲུབས་པ་གཉིས་པའོ། །ཞེས་པ་གཉིས་པ་སངས་རྒྱས་བཅོམ་ལྡན་འདས
42b5 ཀྱི་ཞལ་གྱི་སྒོ་ནས་པདྨ་འབྱུང་སྟེ་འདབ་མ་དགའ་བ་དང་བཅས་པ་དྲི་ཡིད་དུ་འོང་བའི་པདྨ་དེ་བླངས་པས་ཟས་སུ་དགའ་བ་ཟ་བའི་ལང་ཚོ་དང་ལྡན་པ་སྐྲ་ལི་ཞིང་འཁྱིལ་པ་ལོ་བརྒྱད་གཉིས་ལོན་པའི་རྣམ་པ་ལྷ་གཞོན་ནུ་རྣམས་ལས་ལྷག་པའི་གཟི་བརྗིད་དང་། བདེ་བ་དང་། ཡིད་བདེ་བ
42b6 མང་བར་འགྱུར་རོ། །ལོ་བྱེ་བ་བརྒྱ་སྟོང་ཕྲག་ཏུ་འཚོ་ཞིང་འཕུར་བར་བྱེད་དོ། །བཱ་ཤ་ཀའི་མེ་ཏོག་སྟོང་ཕྲག་བརྒྱར་སྦྱིན་སྲེག་བྱ་སྟེ། གསེར་སྟོང་རྙེད་དོ། །སེང་ལྡེང་གི་ཤིང་གི་མེ་སྦར་ནས་མྱ་ངན་མེད་པའི་མེ་ཏོག་མར་ལ་བཏགས་པའི་སྦྱིན་སྲེག་སྟོང་ཕྲག་བརྒྱད་བྱས་ན
42b7 གནོད་སྦྱིན་དབང་དུ་འགྱུར་རོ། །ཟློས་བཞིན་པས་ནི་ཡིད་ཀྱིས་སྟོང་ཕྲག་བརྒྱད་ཅུ་སྦྱིན་སྲེག་བྱས་ན་ཡིད་རྩེ་གཅིག་པ་ཉིད་ལུས་མེ་དང་མཚུངས་པ་སྟོབས་དང་ཕ་རོལ་གནོན་པ་ཐོགས་པ་མེད་པའི་རིག་པ་འཛིན་པར་འགྱུར་རོ། །སླར་ཡང་བྱེ་བ་བཟླས་པར་བྱ་སྟེ། མངོན་སུམ་དུ
iiif viewer powered by OpenSeadragon
