| e-texts navigator |
| Wylie |
41b1 མིག་སྨན་སྒྲུབ་པར་འདོད་ན་རྣ་བའི་མིག་སྨན་ཨ་ཤྭཏྠའི་འདབ་མའི་ནང་དུ་བཏུམ་པར་བྱས་ནས་ཇི་སྲིད་དངོས་གྲུབ་རྣམ་པ་གསུམ་དུ་གྱུར་པ་དེ་སྲིད་དུ་བཟླས་པར་བྱའོ། །ཙནྡན་དམར་པོ་ལས་བྱུང་བའི་སོར་བཅུ་དྲུག་པའམ། སོར་བཅུ་པའི་དབྱུག་པའི་ཤིང་བྱེད་དུ་གཞུག་གོ། །
41b2 འཕགས་པ་སྤྱན་རས་གཟིགས་དབང་ཕྱུག་གི་དྲུང་དུ་ཇི་སྲིད་དངོས་གྲུབ་རྣམ་པ་གསུམ་དུ་གྱུར་གྱི་བར་དུ་འབུམ་ཕྲག་གསུམ་བཟླས་པར་བྱའོ། །གང་བྱེད་པ་དེ་ཐམས་ཅད་དེ་བྱེད་དུ་གཞུག་པར་བྱའོ། །ཆོ་འཕྲུལ་གྱི་ཕྱོགས་ནས་བརྩམས་ནས་གསོ་སྦྱོང་ཅན་གྱིས་དུས་གསུམ་དུ
41b3 ཁྲུས་བྱ་ཞིང་གོས་ལན་གསུམ་དུ་བརྗེས་ལ་འབུམ་བཟླས་པར་བྱའོ། །བསྙམས་པའི་རས་ལ་ལྷ་འདྲིར་གཞུག་པར་བྱ་སྟེ། སྟོན་ཀའི་སྤྲིན་ལྟར་དཀར་བ། ཕྱག་ན་པདྨ་བསྣམས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། རིང་བསྲེལ་དང་བཅས་པའི་མཆོད་རྟེན་དུ་དབུགས
41b4 རྔུབ་བཞིན་པས་ལག་པ་གཉིས་སུ་ཛཱི་པས་བཀང་ལ་རལ་པའི་ཅོད་པན་འཛིན་ཅིང་མཆོད་ཕྱིར་ཐོགས་དཀར་པོ་ཅན་པདྨའི་ཕྲེང་བ་འཆང་བའོ། །དེ་ནས་དཀར་པོའི་བརྒྱད་ནས་བརྩམས་ནས་རིང་བསྲེལ་དང་བཅས་པའི་མཆོད་རྟེན་དང་། རས་རིས་ལ་པདྨ་དཀར་པོའི་སྦྱིན་སྲེག་བྱ་ཞིང
41b5 འབུམ་ཕྲག་བཅུ་གཉིས་བཟླས་པར་བྱའོ། །ཆོ་ག་གཞན་ནི་རིག་པ་འཛིན་པས་སྒྲུབ་པ་བྱེད་པར་འདོད་པས་ལོག་འདྲེན་རྣམ་པར་འཇོམས་པའི་ཆོ་གའི་རྒྱལ་པོ་ནི་ཡུངས་ཀར་ལ་ཚ་བའི་ཏིལ་མར་གྱིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱ་སྟེ་དཔག་ཚད་སྟོང་དུ་འབྲོས་པར་བྱེད
41b6 དོ། །དེ་ནས་རིག་པ་བསྒྲུབ་པར་བྱའོ། །རྣམ་པ་གཞན་དུ་དུག་འཇོམས་པར་བྱེད་དོ། །ཕ་རོལ་གྱི་རིག་པ་བཅིང་བར་འདོད་ན། མིང་ནས་སྨོས་ཏེ་རས་ཀྱི་ཁ་ཚར་ལ་བརྒྱད་བརྒྱར་མངོན་པར་བསྔགས་ནས་མདུད་པ་བཅིང་བར་བྱའོ། །གལ་ཏེ་སངས་རྒྱས་བཅོམ་ལྡན་འདས
41b7 རང་བྱུང་དུ་བྱོན་ཡང་། དེས་ཀྱང་ཇི་སྲིད་རིག་པ་འཛིན་པས་བཀྲོལ་གྱི་བར་དུ་དགྲོལ་བར་མི་ནུས་སོ། །ཞི་བར་འདོད་པས་སྣ་མའི་མེ་ཏོག་སྟོང་ཕྲག་བརྒྱད་དབུལ་བར་བྱ་སྟེ། ཞི་བར་འགྱུར་རོ། །སློང་མོ་ཟ་བས་བྱེ་བ་ཡོངས་སུ་བཟླས་པར་བྱ་སྟེ། མངོན་སུམ་དུ་བཅོམ་ལྡན
iiif viewer powered by OpenSeadragon
