| e-texts navigator |
| Wylie |
41a1 ཡོངས་སུ་བཟླས་པས་རྒྱལ་བར་འགྱུར་རོ། །ཁྲོས་པའི་མདུན་དུ་ཡོངས་སུ་བཟླས་ན་རབ་ཏུ་ཞུམ་པར་འགྱུར་རོ། །ཡུགས་ས་མོ་དབང་དུ་བྱ་བར་འདོད་ན་ནག་པོའི་བརྒྱད་པ་ལ་མཚན་མོ་གསུམ་དུ་སྨྱུང་བར་གནས་ཏེ་འཕགས་པ་སྤྱན་རས་གཟིགས་དབང་ཕྱུག
41a2 གི་སྤྱན་སྔར་མེ་ཏོག་དཀར་པོའི་སྦྱིན་སྲེག་སྟོང་ཕྲག་བརྒྱད་བྱ་སྟེ་གང་དོན་དུ་གཉེར་བ་དེ་ལ་མཆོག་སྦྱིན་པར་བྱེད་དོ། །ཡུངས་ཀར་དཀར་པོས་མཆེ་བ་ཅན་ཐམས་ཅད་ཀྱི་དཀྱིལ་འཁོར་འཆིང་བ་ནི། སེང་གེ་དང་། སྟག་དང་། ཆོམ་རྐུན་དང་། གླང་པོ་ཆེའི་ནང་དུ་སོང་བས་དྲན་པར
41a3 བྱ་ཞིང་གསོ་སྦྱོང་ལ་གནས་པས་དུས་གསུམ་དུ་ཁྲུས་བྱ་ཞིང་བྱང་ཆུབ་ཏུ་སེམས་བསྐྱེད་ཅིང་བྱམས་པ་ལ་གནས་པས་སེམས་ཅན་ཐམས་ཅད་ལ་ཕན་པར་འདོད་པས་རིང་བསྲེལ་དང་བཅས་པའི་མཆོད་རྟེན་དང་གཟུགས་བརྙན་གྱི་སྤྱན་སྔར་འབུམ་ཕྲག་གསུམ་བཟླས་སོ། །དེ་ནས་འཕགས
41a4 པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། མ་ཉམས་པའི་རས་མཉེན་པ་ལ་སྟོན་ཁའི་སྤྲིན་ལྟར་དཀར་བ་པདྨ་ལ་གནས་པ། པདྨ་ཕྱག་ན་བསྣམས་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། རལ་པའི་ཅོད་པན་འཆང་བ། དར་དང་རས་ཀྱི་ཤམ་ཐབས
41a5 ཅན་ནོ། །རིང་བསྲེལ་དང་བཅས་པའི་མཆོད་རྟེན་དང་། གཟུགས་བརྙན་གྱི་སྤྱན་སྔར་རས་རིས་བཞུགས་སུ་གསོལ་ནས་འབུམ་ཕྲག་གསུམ་བཟླས་པར་བྱའོ། །དེ་ནས་ཟླ་བ་ཉ་ལ་སངས་རྒྱས་བཅོམ་ལྡན་འདས་ལ་མཆོད་པ་ཆེན་པོ་བྱས་ནས། དེ་ནས་མཚན་མོ་གསུམ་དུ་སྨྱུང
41a6 བར་གནས་ཏེ། ཨ་རིཥྚའི་ཡམ་ཤིང་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་སྟོང་ཕྲག་ཉི་ཤུ་རྩ་བཞི་བྱའོ། །འཕགས་པ་སྤྱན་རས་གཟིགས་དབང་ཕྱུག་ལས་འོད་ཟེར་འབྱུང་སྟེ། ས་གཡོ་བར་འབྱུང་ཞིང་རྔ་བོ་ཆེའི་སྒྲ་སྒྲོགས་བར་བྱེད་པ་དང་། མར་མེའི་རྩེ་མོ
41a7 འཕེལ་བ་དང་། མེ་ཏོག་གི་ཆུན་པོ་གཡོ་བ་དང་། རས་རིས་འགུལ་བར་བྱེད་དེ། དེ་ནས་གྲུབ་པར་འགྱུར་རོ། །དེ་ནས་ལས་རྣམས་དགེ་བར་འགྱུར་རོ། །ནོར་སྦྱིན་པར་བྱེད་དོ། །དངོས་གྲུབ་ཐམས་ཅད་ཀྱིས་དགའ་བར་འགྱུར་རོ། །དབང་དུ་གྱུར་ནས་གནས་སོ། །དེ་ནས
iiif viewer powered by OpenSeadragon
