| e-texts navigator |
| Wylie |
40a1 འགྱུར་རོ། །རྒྱལ་པོའི་སྒོར་སྲུང་བ་བྱས་ན་དགྲ་རྣམས་ལ་མཚམས་བཅད་པར་འགྱུར་རོ། །རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ་འབུམ་ཕྲག་དྲུག་བཟླས་པར་བྱའོ། །རས་དཀར་པོས་བགོ་བར་བྱས་ནས་ཇི་སྲིད་དུ་འབར་བ་དེ་སྲིད་དུ་བཟླས
40a2 པར་བྱའོ། །འཁོར་སྟོང་དང་བཅས་པར་འཕུར་བར་འགྱུར་རོ། །རྣམ་པ་སྣ་ཚོགས་པའི་ལས་རྣམས་བྱའོ། །སྟོན་ཀའི་སྤྲིན་ལྟར་དཀར་བ། རྒྱན་ཐམས་ཅད་ཀྱིས་རྣམ་པར་བརྒྱན་པ། རལ་པའི་ཅོད་པན་འཆང་བ། མཆོད་ཕྱིར་ཐོགས་དཀར་པོ་ཅན་འཕགས་པ་སྤྱན
40a3 རས་གཟིགས་དབང་ཕྱུག་ལ་ཕྱག་འཚལ་བར་བྱེད་བཞིན་པ་འདི་ལ་མཆོད་པ་ཆེན་པོ་བྱས་ནས་འབུམ་ཕྲག་གསུམ་བཟླས་པར་བྱའོ། །ཡིད་ཀྱིས་འགྲུབ་བོ། །གཙང་མའི་ཕྱོགས་སུ་ཆུ་ཀླུང་འགྲམ་དུ་གསོ་སྦྱོང་ལ་གནས་པས་མཆོད་རྟེན་རྟེན་ཅིང་འབྲེལ་པར་འབྱུང་བའི
40a4 སྙིང་པོ་ཅན་བྱས་ནས་དེ་ལ་མཆོད་པ་བྱས་ཏེ་སྙིང་པོ་བཟླས་པར་བྱའོ། །བར་མ་སླར་ཡང་མཆོད་རྟེན་བྱས་ནས་ཉི་མ་ནུབ་པ་ནས་ཇི་སྲིད་སྟོང་ཕྲག་བརྒྱད་དེ་སྲིད་དུ་བཟླས་སོ། །དེ་ནས་ཆོ་ག་འདིས་རིག་པ་འཛིན་པའི་འཁོར་ལོས་སྒྱུར་བར་འགྱུར་རོ། །འཕགས་པ་སྤྱན
40a5 རས་གཟིགས་དབང་ཕྱུག་དང་ཐབས་ཅིག་ཏུ་བདེ་བ་ཅན་དུ་འགྲོ་བར་བྱེད་ཅིང་སངས་རྒྱས་མཐོང་ངོ་། །བསྐལ་པར་གནས་པར་འགྱུར་རོ། །རིག་པ་འཛིན་པ་རྒྱལ་པོའམ། རྒྱལ་པོའི་བློན་པོ་དབང་དུ་བྱེད་ན་ཨ་པ་མརྒའི་ཡམ་ཤིང་ལ་མར་དང་སྦྲང་རྩིས་བཏགས་པའི
40a6 སྦྱིན་སྲེག་སྟོང་ཕྲག་བརྒྱད་བྱས་ན་རྒྱལ་པོ་དབང་དུ་འགྱུར་རོ། །བུད་མེད་དང་སྐྱེས་པ་དབང་དུ་བྱེད་པ་ལ་ཐུན་གསུམ་དུ་གུ་གུལ་གྱི་རིལ་བུའི་སྦྱིན་སྲེག་སྟོང་ཕྲག་བརྒྱད་བྱ་སྟེ་དབང་དུ་འགྱུར་རོ། ། ག་རུའི་རིལ་བུས་སྟོང་ཕྲག་བརྒྱད་སྦྱིན་སྲེག་བྱ་སྟེ། སྐྱེ་བོ་ཐམས་ཅད
40a7 དགའ་བར་འགྱུར་རོ། །རྒྱལ་པོའི་ཁབ་ཏུ་ཡང་སྨྲ་བའི་མཆོག་ཏུ་འགྱུར་རོ། །ཤུ་དག་ཁར་བཅུག་ནས་ཇི་སྲིད་དངོས་གྲུབ་རྣམ་པ་གསུམ་དུ་གྱུར་གྱི་བར་དུ་བཟླས་པར་བྱའོ། །དྲོ་བཞིན་པས་ནི་ཡིད་གཞུངས་ཤིང་དཔའ་བར་བྱེད་དོ། །དུ་བ་འཐུལ་བས་ནི་མི་སྣང་བ
iiif viewer powered by OpenSeadragon
