| e-texts navigator |
| Wylie |
3a1 ཞོ་དང་འོ་མའི་ཟན་གྱི་གཏོར་མ་དབུལ་བར་བྱའོ། །གཡས་ཀྱི་གཞོགས་སུ་གནས་པའི་གནོད་སྦྱིན་གྱི་སྡེ་དཔོན་ཆེན་པོ་རྣམས་ལ་ཞོ་དང་བུ་རམ་དབུལ་བར་བྱའོ། །གཡོན་གྱི་གཞོགས་སུ་བྲིས་པ་རྣམས་ལ་ཏིལ་དང་ཏིལ་གྱི་ཐུག་པ་དབུལ
3a2 བར་བྱའོ། །སྤྱན་རས་གཟིགས་དབང་ཕྱུག་ལ་ཨ་ག་རུའི་བདུག་པ་དབུལ་ལོ། །དྲི་ཙནྡན་དབུལ་ལོ། །ཕྲེང་བ་སྣ་མའི་མེ་ཏོག་དབུལ་བར་བྱའོ། །གཡས་ཀྱི་གཞོགས་སུ་གནས་པའི་སྡེ་དཔོན་རྣམས་ལ་ཐང་ཆུ་ལྔའི་བདུག་པ་དང་། ཀ་ར་བཱི་ར་དཀར་པོའི
3a3 མེ་ཏོག་གོ། །གཡོན་གྱི་གཞོགས་སུ་སྲ་རྩི་པོག་གི་བདུག་པ་དང་། ཨ་ཏི་མུཀྟ་ཀའི་མེ་ཏོག་དབུལ་བར་བྱའོ། །དེ་ལྟར་ཇི་ལྟར་ནུས་པའི་མཆོད་པ་བྱས་ནས་སྟོང་ཕྲག་བརྒྱད་བཟླས་པར་བྱའོ། །དེ་ནས་དུས་གསུམ་དུ་དེ་བཞིན་དུ་མཆོད་པ་བྱ་ཞིང་འོ་མ་དང་།
3a4 ནས་ཟན་བཟའ་ཞིང་པདྨ་དཀར་པོ་རེ་རེ་ལ་ཡོངས་སུ་བཟླས་ནས་རས་རིས་ཀྱི་སྤྱན་སྔར་བཅོམ་ལྡན་འདས་ལ་དབུལ་བར་བྱའོ། །དེ་ལྟར་ཇི་སྲིད་འབུམ་ཕྲག་གཅིག་གི་མཐར་བྲིས་པའི་གནོད་སྦྱིན་ཐམས་ཅད་རྫུ་འཕྲུལ་སྟོན་པར་བྱེད་དོ། །རས་རིས་འགུལ་བ་དང་།
3a5 མེ་ཏོག་གཡོ་བ་ཐུན་མཚམས་སུ་མཐོང་ངོ་། །དེ་ནས་གྲུབ་པར་འགྱུར་ཏེ་གནོད་སྦྱིན་ཐམས་ཅད་དབང་དུ་འགྱུར་རོ། །ནམ་མཁའ་ལ་ཡང་གྲུབ་བོ་ཞེས་པའི་སྒྲ་ཐོས་སོ། །རིག་པ་འཛིན་པའི་མཆོག་སྩོལ་བར་བྱེད་དོ། །ཚོལ་བ་དེ་གནོད་སྦྱིན་གྱི་བཀའ་བྱེད་པར
3a6 འགྱུར་རོ། །མ་གྲུབ་ན་ལས་ཐམས་ཅད་ཀྱི་རྒྱལ་པོར་འགྱུར་རོ། །རྟག་ཏུ་རྨི་ལམ་དུ་གནོད་སྦྱིན་རྣམས་དགེ་བ་དང་མི་དགེ་བ་མཐོང་བ་སྦྱིན་པར་བྱེད་དོ། །བཅོམ་ལྡན་འདས་མ་འཕགས་མ་སྒྲོལ་མ་རལ་པ་གྱེན་བརྫེས་ཀྱི་རྩ་བའི་རྟོག་པ་ཡངས་པ་དང་ལྡན་པའི
3a7 ཏིང་ངེ་འཛིན་ལས་ངེས་པར་སྐྱེས་པ་གནོད་སྦྱིན་ཐམས་ཅད་ཀུན་ཏུ་འོང་བ་ཞེས་བྱ་བའི་རིག་པའི་རྒྱལ་པོ་ཆེན་པོ་ཡོངས་སུ་རྫོགས་སོ། ། །།དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་འབྱུང
iiif viewer powered by OpenSeadragon
