| e-texts navigator |
| Wylie |
39b1 བཅུ་གཉིས་ལ་བཟའ་བ་དང་བགོ་བ་དང་། དོང་ཙེའང་རབ་ཏུ་སྩོལ་བར་བྱེད་དོ། །ལོ་སྟོང་དུ་འཚོ་བར་འགྱུར་རོ། །ཟླ་བ་གཟས་ཟིན་པ་ན་རྒྱུད་མཚུངས་པའི་བའི་མར་སར་བླངས་ནས་སོར་དྲུག་པའི་གཟུགས་བརྙན་བྱས་ཏེ་ཟས་བཞིན་དང་སྨྱུང་བར་གནས་པས་ཨ་ཤྭཏྠའི
39b2 འདབ་མར་བཞག་ནས་ཇི་སྲིད་ཟླ་བ་གྲོལ་གྱི་བར་བཟླས་པར་བྱའོ། །དེ་ལ་དངོས་གྲུབ་རྣམ་པ་གསུམ་སྟེ། དྲོ་བཞིན་པ་ལ་རྐང་པས་རབ་ཏུ་རྒྱུ་བ་དང་། ཚེ་ལོ་ལྔ་བརྒྱ་ཐུབ་པ་དང་། དཔག་ཚད་ལྔ་བརྒྱར་འགྲོ་བར་བྱེད་དོ། །ཐམས་ཅད་དུ་མི་སྣང་བར་གདོན་མི་ཟ་བར་འགྱུར
39b3 རོ། །དུ་བ་འཐུལ་བཞིན་པ་ལ་མི་སྣང་བ་དང་། སོར་མོ་ཉི་ཤུ་རྩ་བཞི་པ་ལ་མི་རེག་པ་དང་། ལོ་སྟོང་དུ་འཚོ་བ་དང་། དཔག་ཚད་སྟོང་དུ་འགྲོ་བར་བྱེད་དོ། །སྐྱེས་བུ་བཅུའི་སྟོབས་འབར་ཏེ་ལོ་སྟོང་ཕྲག་གཉིས་སུ་འཚོ་བར་འགྱུར་རོ། །རིག་པ་འཛིན་པ་རྣམས་ཀྱིས་མི
39b4 ཚུགས་སོ། །ཞོ་དང་སྦྲང་རྩི་དང་མར་གྱིས་བཏགས་པའི་པདྨའི་སྦྱིན་སྲེག་སྟོང་ཕྲག་བཅུ་བྱའོ། །སོལ་བའི་དབུས་སུ་དཔལ་ལྷ་མོའི་གཟུགས་པདྨ་ཕྱག་ན་བསྣམས་པ་ཀུན་ཏུ་བཀོད་དོ། །དེ་མཆོག་སྦྱིན་པར་བྱེད་དེ། མ་འམ་སྲིང་མོ་འམ། གྲོགས་མོ་གྱིས་ཤིག
39b5 ཅེས་བྱ་བར་བརྗོད་པར་བྱའོ། །དེས་དོང་ཙེ་སྟོང་སྩོལ་བར་འགྱུར་རོ། །ནད་ཐམས་ཅད་རབ་ཏུ་ཞི་བར་འགྱུར་རོ། །གསོ་སྦྱོང་ལ་གནས་པས་འོ་མ་དང་ནས་ཟན་བཟའ་ཞིང་དཀར་པོའི་ཕྱོགས་ཀྱི་ཚེས་གཅིག་ནས་བརྩམས་ནས་སྔར་གྱི་ནས་ཡམ་ཤིང་གི་སྦྱིན་སྲེག་སྟོང
39b6 ཕྲག་བརྒྱད་བྱའོ། །ནད་ཐམས་ཅད་ཉེ་བར་ཞི་བར་འགྱུར་རོ། །ལྟེ་བ་ཙམ་གྱི་ཆུར་ཞུགས་ནས་འབུམ་ཕྲག་གསུམ་བཟླས་པར་བྱའོ། །གཏེར་ཐམས་ཅད་མཐོང་བར་བྱེད་དོ། །འཁྲུལ་འཁོར་ཐམས་ཅད་འགེམས་པར་བྱེད་དོ། །རེངས་པར་བྱེད་དོ། །སྲུང་བར
39b7 བྱེད་དོ། །མི་ཡང་འགུགས་པར་བྱེད་དོ། །ཤི་བ་སོས་པར་བྱེད་དོ། །དུག་མེད་པར་བྱེད་དོ། །ཞི་བར་ཡང་བྱེད་དོ། །འགུགས་པར་བྱེད་དོ། །མོ་གཤམ་ལ་བུ་སྟེར་བར་བྱེད་དོ། །སྟོང་ཕྲག་བརྒྱད་དུ་མངོན་པར་བསྔགས་ན་སྡང་བ་གཞན་གྱིས་མི་ཐུབ་པར
iiif viewer powered by OpenSeadragon
