| e-texts navigator |
| Wylie |
38a1 དེ་ནས་ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་དམ་པ་མཆོག་ཏུ་གསང་བ་གསུངས་པ། ལྷ་མ་ཡིན་གྱི་བུ་གའི་སྒོར་སོང་ནས་འོ་མ་དང་ནས་ཟན་ཟ་བས་བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་འབུམ་བཟླས་པར་བྱའོ། །ལྷ་མ་ཡིན
38a2 གྱི་བུ་མོ་མཐོང་བར་འགྱུར་རོ། །དེ་རྣམས་རལ་གྲི་སྦྱིན་པའམ། གྲུབ་པའི་རྫས་གཞན་སྣང་བར་བྱེད་དེ། དེ་བླངས་པས་རིག་པ་འཛིན་པ་ཇི་ལྟར་འདོད་པ་བཞིན་དུ་འགྱུར་རོ། །ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་བཤད་པའི་བཅོམ་ལྡན་འདས་མ་རིག་པའི་རྒྱལ
38a3 མོ་ཆེན་མོའི་ལེའུ་བཅུ་གཉིས་པའོ། ། །།བྱང་ཆུབ་སེམས་དཔའི་སྡེ་སྣོད་ཕལ་པོ་ཆེ་ལས་བཅོམ་ལྡན་འདས་མ་རིག་པའི་རྒྱལ་མོའི་སྐྱེད་པར་བྱེད་པའི་གསང་ཆེན་ཞེས་པའོ། །དེ་ནས་ཡང་སེམས་དཔའ་ཆེན་པོས་ཐམས་ཅད་དང་ལྡན་པའི་འཁོར་གྱི་དཀྱིལ
38a4 འཁོར་ལ་གཟིགས་ནས་བསམ་པ་རྣམ་པར་དག་པས་འདིར་བཅོམ་ལྡན་འདས་མ་འཕགས་མ་སྒྲོལ་མ་སྒྲུབ་པའི་དོན་དུ་རྟོག་པའི་རྒྱལ་པོས་རིག་པའི་སྔགས་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བའི་སྔགས་ཀྱི་རྒྱལ་པོ་ཆེན་པོ་གསུངས་སོ། །བར་སྐབས
38a5 འདིར་བྱང་ཆུབ་སེམས་དཔའ་ཆེན་པོའི་ཐུགས་ཀའི་ཕྱོགས་ནས་བདུད་རྩི་ཐམས་ཅད་ཡང་དག་པར་སྦྱོར་བ་ཞེས་བྱ་བའི་འོད་ཟེར་བྱུང་བར་གྱུར་ཏོ། །འོད་ཟེར་དེས་ཐམས་ཅད་དང་ལྡན་པའི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཕྲག་ཡོངས་སུ་བསྐོར་ནས་སེམས
38a6 ཅན་རྣམས་སྣང་བར་བྱས་ཏེ་སླར་ཡང་བྱང་ཆུབ་སེམས་དཔའ་ཆེན་པོའི་ལུས་སུ་ནུབ་པར་གྱུར་ཏོ། །བར་སྐབས་འདིར་གསུངས་པར་གྱུར་པ་དེ་གང་ཞེ་ན། ན་མོ་རཏྣ་ཏྲ་ཡཱ་ཡ་ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ་ཨཱ་རོ་ལི་ཀ་།འདི་ནི
38a7 མཆོག་གི་སྙིང་པོ་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བ་དེ་ཡིན་ཏེ། བཅོམ་ལྡན་འདས་མ་འཕགས་མ་སྒྲོལ་མ་སྒྲུབ་པའི་ཆོ་ག་གདོན་མི་ཟ་བར་ཁོ་ནར་སྒྲུབ་པ་པོ་རབ་ཏུ་སྦྱར་བར་བྱའོ། །དོན་མེད་པ་ཐམས་ཅད་ཟློག་པར་བྱེད་པ། སྡིག་པ་ཐམས་ཅད་ཟད་པར
iiif viewer powered by OpenSeadragon
