| e-texts navigator |
| Wylie |
37b1 བར་འགྱུར་རོ། །དོགས་པ་མེད་པར་རབ་ཏུ་འཇུག་པར་བྱ་སྟེ། ལྷ་མ་ཡིན་སེལ་བ་ཞེས་བྱ་བའི་རིག་པ་དྲན་བཞིན་པས་རབ་ཏུ་བླང་བར་བྱའོ། །བུད་མེད་ལ་དགའ་བ་དང་བཅས་པས་ཡོངས་སུ་བཟླས་ནས་གཏོགས་པར་བྱ་སྟེ་དབང་དུ་འགྱུར་རོ། །དེ་ནས་སྒྲུབ་པ་པོས
37b2 གསུམ་པོས་འདི་བྱེད་པར་འདོད་པས་རིའི་རྩེ་མོར་འཛེགས་ཏེ་སྙིང་པོ་མཉམ་པར་འགྲོ་མ་འབུམ་ཕྲག་གསུམ་བཟླས་པར་བྱའོ། །དེ་ནས་བ་ལང་གི་པགས་པའི་ཚད་ཙམ་གྱི་དཀྱིལ་འཁོར་ལ་ཙནྡན་དམར་པོས་ཉེ་བར་བྱུགས་ཏེ་སྲུང་བ་བྱས་ནས་ཀུ་ཤའི་ཁྲེས་ལ་ཉེ་བར་འདུག་སྟེ་ཕུག་གི་སྒོ
37b3 ལ་མངོན་པར་ཕྱོགས་པས་རིག་པ་སྙིང་པོ་མཉམ་པར་འགྲོ་མས་ཨ་པཱ་མརྒའི་ཡམ་ཤིང་ལ་དུག་དང་ཁྲག་གིས་བཏགས་པའི་སྦྱིན་སྲེག་སྟོང་ཕྲག་བཅུ་བྱའོ། །དེ་ནས་སྦྱིན་སྲེག་ཡོངས་སུ་རྫོགས་པ་ནས་ཐལ་བ་ལ་ཡོངས་སུ་བཟླས་ནས་གཏོར་བར་བྱའོ། །གསུམ་པོ་འདིར་འགྱུར
37b4 ཏེ་དོགས་པ་མེད་པར་རབ་ཏུ་འཇུག་པར་བྱ་ཞིང་ལྷ་མ་ཡིན་གྱི་བུ་མོ་དེས་མཐོང་ནས་དབང་དུ་འགྱུར་རོ། །དེ་ནས་སྒྲུབ་པའི་རྫས་ཏེ་བླང་བར་བྱ་སྟེ། གང་འདོད་པ་དེ་རིག་པས་མངོན་པར་བསྔགས་ནས་བླང་བར་བྱའོ། །འཁོར་ལོས་སེམས་ཅན་ཐམས་ཅད་དང་རིག
37b5 པ་འཛིན་པ་ཐམས་ཅད་ཀྱི་འཁོར་ལོས་སྒྱུར་བར་འགྱུར་རོ། །ཉི་མ་ཟླ་བ་དང་སྐར་མ་གནས་ཀྱི་བར་དུ་འགྱུར་རོ། །དེ་བཞིན་དུ་ལྡོང་རོས་དང་། བེ་ད་དང་། དགྲ་སྟ་དང་། པཊྚ་ཀ་དང་། ཤཀྟི་སྟེ་མདུང་ཐུང་དང་། རལ་གྲི་དང་། རལ་གྲིའི་ཡུ་བ་དང་། མཆིལ་ལྷམ་དང་།
37b6 གྲི་དང་། སྲད་བུ་དང་། མཆོད་ཕྱིར་ཐོགས་དང་། བགྲང་ཕྲེང་དང་། ཆོས་ཀྱི་ཕྱག་རྒྱ་ལ་སོགས་པ་རྣམས་ཀྱིས་ཟླ་བ་ཉི་མ་དང་། སྐར་མའི་བར་དུ་འཚོ་བར་བྱེད་དོ། །བཅོམ་ལྡན་འདས་མ་དང་། དེ་བཞིན་གཤེགས་པ་དང་། ས་བཅུ་ལ་གནས་པའི་བྱང་ཆུབ་སེམས་དཔའ
37b7 དང་། བཅོམ་ལྡན་འདས་ཀྱི་ཉན་ཐོས་ཀྱི་དགེ་འདུན་རྣམས་སུ་ལ་ཡང་ཕྱག་འཚལ་བར་མི་བྱེད་པ་མ་གཏོགས་ལྷའི་འཁོར་ལོས་སྒྱུར་བར་འགྱུར་རོ། །དེ་ནས་རྣམ་པ་གཞན་ནི་བཅོམ་ལྡན་འདས་མའི་སྔགས་འདི་རྣམས་ཐམས་ཅད་བགགས་པར་བྱེད་པ་ནི་ཡུངས་ཀར་གྱིས་སོ། །
iiif viewer powered by OpenSeadragon
