| e-texts navigator |
| Wylie |
37a1 དུ་འཇུག་པར་བྱེད་དོ། ། ག་རུའི་བདུག་པས་འཕྲལ་དུ་བདུག་པ་དང་། བཅོམ་ལྡན་འདས་མའི་ལས་སྟོང་རྩ་བརྒྱད་པོ་འདི་རྣམས་རབ་ཏུ་སྦྱར་བར་བྱ་སྟེ་ཡམ་ཤིང་གི་མཚན་ཉིད་འཆད་པར་འགྱུར་བ་རྩ་བ་དང་། རྐེད་པ་དང་། རྩེ་མོ་ཡང་བསྐྲད་པའི་དོན་གྱིས་སྡོང
37a2 བུ་དང་རྩ་བས་སྦྱིན་སྲེག་བྱའོ། །རྐེད་པས་ནི་ནོར་འདོད་པས་སོ། །རྩེ་མོས་ནི་ཞི་བ་ཅན་དང་རྒྱས་པ་ཅན་ལའོ། །ནོར་འདོད་པས་ཐོ་རངས་ཀྱི་དུས་སུ་གནོད་སྦྱིན་ཡོངས་སུ་རྒྱུ་བར་བྱེད་དོ། །དེས་ན་དེའི་ནོར་སྦྱིན་པའི་ལས་ཀྱི་དངོས་གྲུབ་ཏུ་འགྱུར་རོ། །བསྒྲད་པར་འདོད་པས
37a3 བར་དུ་གནས་པས་མཚན་མོའི་སྔ་མ་ལ་རྩ་བའི་སྦྱིན་སྲེག་བྱའོ། །སྡིགས་མཛུབ་ཀྱི་ཚད་ཙམ་ལ་དུག་དང་ཁྲག་གིས་བཏགས་པས་དུར་ཁྲོད་ཀྱི་མེ་ལ་སྦྱིན་སྲེག་བྱའོ། །མཚན་མོ་ཕྱེད་ནས་རབ་ཏུ་རྒྱུ་སྟེ། དེས་དེ་ལས་མངོན་སྤྱོད་ཀྱི་ལས་རབ་ཏུ་བསྒྲུབ་པར་བྱའོ། །
37a4 སྒྲུབ་པ་ཆེན་པོ་ལ་ཁྲུའི་ཚད་ཀྱི་ཡམ་ཤིང་ལ་ཞོ་དང་སྦྲང་རྩི་དང་། མར་གྱིས་བཏགས་པས་ཁ་ཤར་དུ་ཕྱོགས་པས་སྦྱིན་སྲེག་བྱའོ། །དེས་སྒྲུབ་པ་པོ་དེའི་སྒྲུབ་པ་ཆེན་པོ་སྒྲུབ་པར་བྱེད་དོ། །དབང་དུ་བྱེད་པ་ལ་བྱང་ཆུབ་ཀྱི་ཤིང་གི་ཡམ་ཤིང་གིས་སྦྱིན་སྲེག་བྱའོ། །སྡིགས
37a5 མཛུབ་ཀྱི་ཚད་ཙམ་འདིས་སོ། །ཉིན་ཞག་བདུན་དུ་ཉི་མ་འཆར་ཀར་ཨ་བཱ་མརྒའི་ཡམ་ཤིང་ཁྲག་གིས་བཏགས་པའི་སྦྱིན་སྲེག་བྱས་ན་འཆི་བར་འགྱུར་རོ། །རྣམ་པ་གཞན་དུ་མ་ཡིན་ནོ། །ནད་བསྐྱེད་པར་འདོད་ན་པཱ་ནཱ་ཡའི་རིལ་མའི་སྦྱིན་སྲེག་ཉི་མ་བདུན་དུ་བྱས་ན་ནད་སྐྱེད་པར
37a6 བྱེད་དོ། །མིང་ནས་སྨོས་ནས་སྒྲུབ་པར་འགྱུར་ཏེ། རབ་ཏུ་སྦྱར་བར་བྱའོ། །བཅོམ་ལྡན་འདས་མ་རིག་པའི་རྒྱལ་མོ་ཆེན་མོའི་ལེའུ་བཅུ་གཅིག་པའོ།། །།དེ་ནས་ལྷ་མ་ཡིན་གྱི་དབང་པོ་ཐགས་ཟངས་རིས་ཀྱིས་བཅོམ་ལྡན་འདས་མའི་ཆོ་ག
37a7 གསུངས་སོ། །སྒྲུབ་པ་པོས་ཕུག་གི་སྒོ་རུ་དུར་ཁྲོད་དུ་གོས་གཙང་མ་བགོས་པས་ཀུ་ཤའི་ཁྲེས་ལ་ཉེ་བར་འདུག་སྟེ་ཕུག་གི་སྒོ་ལ་མངོན་པར་ཕྱོགས་ནས་བཅོམ་ལྡན་འདས་མའི་སྙིང་པོ་མཉམ་པར་འགྲོ་མ་སྟོང་ཕྲག་བརྒྱད་བཟླས་པར་བྱ་སྟེ། ཐམས་ཅད་གནས་ནས་འབྱེར
iiif viewer powered by OpenSeadragon
