| e-texts navigator |
| Wylie |
36b1 པ་ཕུལ་ཏེ་བ་ལང་གི་ཤའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །རྣམས་ལ་ནཱི་མ་ལའི་སྦྱིན་སྲེག་སྟོང་ཕྲག་བརྒྱད་བྱས་ན་རྫས་ལག་ཏུ་ཕྱིན་པར་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་མ་མོ་དང་། གནོད་སྦྱིན་དང་།
36b2 སྲིན་པོ་དང་། འབྱུང་པོ་དང་། ཤ་ཟ་ཐམས་ཅད་ཀྱིས་གསུངས་པའི་མཚན་ཉིད་ཀྱི་ལེའུ་བཅུ་པ་རྫོགས་སོ།། །།མ་བསྒྲུབས་པར་ཡང་ལས་སུ་འགྱུར་ཏེ། ཆར་མ་བབས་པ་ལ་ཆུར་ཞུགས་ཏེ་རིག་པ་བཟླས་ན་ཉི་མ་བདུན་གྱིས་ཆར་འབབ་བོ། །
36b3 ཁུ་བ་འཆིང་བ་ལ་སྲད་བུས་སོ། །མྱོས་པ་རྣམ་པར་འཇོམས་པ་རྣམས་ལ་དུར་ཁྲོད་ཀྱི་ཐལ་བས་སོ། །བསུད་པ་ལ་ནི་རྒྱ་སྐྱེགས་ཀྱིས་སོ། །གཟེར་གྱིས་ཉམ་ཐག་པ་ལ་ཨརྫ་ནས་ཟུག་རྔུ་དང་བྲལ་བར་བྱེད་དོ། །ཏིལ་གྱི་ཏིལ་མར་གྱིས་བྱ་རྒོད་དང་གཅོད་པར་བྱེད་ཆུ་གྲི
36b4 དང་གསུམ་གྱིས་མཆེ་བ་འཇུག་པར་བྱེད་དོ། །གུ་གུལ་གྱི་བདུག་པས་གནས་ནས་སྐྲོད་པར་བྱེད་དོ། །འདི་རྣམས་མ་སྒྲུབ་པར་ཡང་བྱེད་དོ། །བཅོམ་ལྡན་འདས་མ་འདི་ཉིད་ཀྱིས་ཐམས་ཅད་བསྒྲུབ་པར་བྱའོ། །དཔེར་ན་འདི་བདག་དཔེའི་དོན་དུ་འཆང་བར་བྱེད། ཀློག
36b5 པར་བྱེད་པ་དེ་བཞིན་དུ་འདི་ཡང་གཙང་མ་བགོས་པས་ཀུ་ཤའི་ཁྲེས་ལ་ཉེ་བར་འདུག་སྟེ་བཀླག་པར་བྱ་སྟེ། ཆོ་ག་འདི་ཉི་མ་བདུན་དུ་བཀླག་པར་བྱས་ན་ཞི་བར་འགྱུར་རོ། །ཆར་ཆེས་ན་གྲོག་མཁར་ལ་འཛེགས་ཏེ་བཅོམ་ལྡན་འདས་མ་སྟོང་ཕྲག་བརྒྱད་ཉེ་བར་བཟླས་ན་དེ་ནས་ཉེ
36b6 བར་ཞི་བར་འགྱུར་རོ། །དྲི་དང་། མེ་ཏོག་དང་། བདུག་པ་གང་ལ་སྦྱིན་པར་བྱ་སྟེ་རིག་པ་ཐམས་ཅད་འགུགས་པ་དང་། འཆིང་བ་དང་། རེངས་པ་དང་། གཅོད་པ་དང་། རིག་པ་ཐམས་ཅད་གསོད་པ་དང་། གདུག་པའི་ཡིད་སྐྲག་པ་དང་། ཁ་འཆིང་བར་བྱེད་དོ། །དེས་འདིའི
36b7 ལས་བྱ་སྟེ་གུར་གུམ་གྱི་ཆུས་རྨོངས་པར་བྱེད་དོ། །སེར་མོས་སྦྲུལ་འགུགས་པར་བྱེད་དོ། །ཡུངས་ཀར་དང་། པདྨའི་རྩ་བ་ལས་སྐྱེས་པ་དང་། མེ་ཏོག་བཟང་པོ་རྣམས་ཀྱིས་འབྱིན་པར་བྱེད་དོ། །བདུག་སྤོས་ཀྱིས་སྨྲ་བར་བྱེད་དོ། །ཀར་བཱི་རའི་མེ་ཏོག་གིས་དཀྱིལ་འཁོར
iiif viewer powered by OpenSeadragon
