| e-texts navigator |
| Wylie |
35b1 འདམ་དུ་སྩལ་ཏེ། མ་དང་། སྲིང་མོ་དང་། ཆུང་མར་འགྱུར་བའོ། །མ་ནི་བུའི་བྱ་བ་ཐམས་ཅད་བྱེད་དོ། །སྲིང་མོ་ནི་ཉི་མ་རེ་རེ་ལ་དོང་ཙེ་རེ་སྟེར་བར་བྱེད་དོ། །ཆུང་མ་ནི་དེ་དང་ལྷན་ཅིག་རྩེ་བར་བྱེད་དེ། ལོ་ལྔ་བརྒྱར་འཚོ་བར་འགྱུར་རོ། །གང་གི་ཚེ་རིག་པ་འཛིན་པ་ཉམས་པ
35b2 དེའི་ཚེ་འདི་བྱའོ། །མཚན་མོ་གཙང་མས་གོས་གཙང་མ་བགོས་ཏེ། བསྲུང་བ་བྱས་པས་སངས་རྒྱས་བཅོམ་ལྡན་འདས་དང་། འཕགས་པ་སྤྱན་རས་གཟིགས་དབང་ཕྱུག་དང་། ཕྱག་ན་རྡོ་རྗེ་དང་། བཅོམ་ལྡན་འདས་མ་ལ་མཆོད་པ་བྱས་ནས་ཤར་དུ་ཕྱོགས་པས་རིག་པའི
35b3 ལྷ་ཐམས་ཅད་ལ་བདུག་སྤོས་ཕུལ་ནས་རིག་པ་འཛིན་པས་དུག་ལ་ཁྲག་གིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །ཀུ་ཤ་བཏིང་བ་ལ་ཉལ་ལོ། །གལ་ཏེ་གཞོན་ནུ་མདུང་ཐུང་ཐོགས་པ་མཐོང་ན་དེའི་ཚེ་དྲི་ཟས་རྫས་ཉམས་པར་བྱས་པའོ། །གང་གི་ཚེ་བྲམ་ཟེ་མཐོང
35b4 ན། དེའི་ཚེ་ལྷ་རྣམས་ཀྱིས་ཉམས་པར་བྱས་པར་འགྱུར་རོ། །གང་གི་ཚེ་རྡོ་རྗེ་སྡེ་མཐོང་ན་དེའི་ཚེ་རྡོ་རྗེའི་རིགས་ཀྱིས་རྫས་ཉམས་པར་བྱས་པར་འགྱུར་རོ། །གང་གི་ཚེ་དགའ་བ་མཐོང་ན་དེའི་ཚེ་ནམ་མཁའ་ལྡིང་གིས་ཉམས་པར་བྱས་པའོ། །གང་གི་ཚེ་ལྷ་མིན
35b5 རྣམས་ཀྱིས་ཉམས་པར་བྱས་པ་དེའི་ཚེ་རྒྱུ་མི་མཐོང་ངོ་། །གང་གི་ཚེ་ཀླུ་རྣམས་ཀྱིས་ཉམས་པར་བྱས་པ་དེའི་ཚེ་སྤོས་ཀྱི་གླང་པོའི་རྒྱལ་པོ་མཐོང་ངོ་། །གང་གི་ཚེ་ཕ་རྣམས་ཀྱིས་ཉམས་པར་བྱས་པ་དེའི་ཚེ་མཐོང་ངོ་། །གང་གི་ཚེ་མི་གཙང་བས་ཉམས་པར་བྱས་པ
35b6 དེའི་ཚེ་གླང་པོའི་པགས་པ་གྱོན་པའི་དབང་ཕྱུག་ཆེན་པོ་མཐོང་ངོ་། །གང་གི་ཚེ་གནོད་སྦྱིན་རྣམས་ཀྱིས་ཉམས་པར་བྱས་པ་དེའི་ཚེ་ནོར་བུ་བཟང་པོ་མཐོང་ངོ་། །གང་གི་ཚེ་ཤ་ཟ་རྣམས་ཀྱིས་ཉམས་པར་བྱས་པ་དེའི་ཚེ་སྐྱེས་བུ་གཅེར་བུ་མཐོང་ངོ་། །གང་གི་ཚེ་འབྱུང་པོ
35b7 རྣམས་ཀྱིས་ཉམས་པར་བྱས་པ་དེའི་ཚེ་སྤྲིན་མཐོང་ངོ་། །རྒའི་ཡམ་ཤིང་གིས་མེ་སྦར་ནས་མར་དང་སྦྲང་རྩིས་བཏགས་པའི་སྦྱིན་སྲེག་སྟོང་ཕྲག་བརྒྱད་བྱའོ། །སྦྱིན་སྲེག་ཡོངས་སུ་རྫོགས་པ་ན་རྫས་ལག་ཏུ་ཕྱིན་པར་འགྱུར་རོ། །དྲི་ཟ་རྣམས་ཀྱི་སྦྱིན་སྲེག་ནི
iiif viewer powered by OpenSeadragon
