| e-texts navigator |
| Wylie |
34a1 ཅད་ཀྱང་དཔག་ཚད་སྟོང་དུ་འབྲོས་པར་བྱེད་དོ། །དྲི་མནམས་པས་ལོ་སྟོང་ཕྲག་བརྒྱད་ཅུར་འཚོ་བར་བྱེད་དོ། །གང་གི་ཚེ་འཆི་བ་དེའི་ཚེ་བདེ་བ་ཅན་གྱི་འཇིག་རྟེན་གྱི་ཁམས་སུ་སྐྱེ་བར་འགྱུར་རོ། །སྔོན་སྤྱད་པ་བྱས་ནས་དེ་ནས་རིག་པ་འཛིན་པས་དུར
34a2 ཁྲོད་དུ་སོང་ནས་བ་བྱུང་གིས་བ་ལང་གི་པགས་པའི་ཚད་ཙམ་དུས་གཞི་བྱུག་པར་བྱས་ནས་དྲི་དང་མེ་ཏོག་ལ་སོགས་པ་རྣམས་ཀྱིས་མཆོད་པ་བྱས་ཏེ། གཏོར་མ་རྒྱ་ཆེན་པོ་བྱའོ། །གཞན་པའི་ནག་པོའི་ཚེས་བརྒྱད་པ་ལ་དུར་ཁྲོད་དུ་སོང་ནས་བ་ལང་གི་པགས་པའི་ཚད་ཙམ་གྱིས་གཞི
34a3 ཉེ་བར་བྱུགས་ཏེ། མཆོད་པ་རྒྱ་ཆེན་པོ་བྱས་ནས་སྒྲུབ་པ་པོས་རིག་པ་སྟོང་ཕྲག་བརྒྱད་བཟླས་པ་བྱས་ན་འགྲུབ་པར་འགྱུར་རོ། །ཁར་བཅུག་ན་མི་སྣང་བར་འགྱུར་རོ། །ལོ་སྟོང་ཕྲག་ལྔར་འཚོ་བར་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ནམ་མཁའ་ལྡིང་གིས་བཤད་པའི
34a4 ལེའུ་དགུ་པའོ། ། །།དེ་ནས་མ་མོའི་ཚོགས་རྣམས་ཐམས་ཅད་དང་། གནོད་སྦྱིན་དང་། སྲིན་པོ་དང་། དང་། ཤ་ཟ་དང་། གྲུལ་བུམ་དང་། སྲུལ་པོ་དང་། ལུས་སྲུལ་པོ་རྣམས་སྟན་ལས་ལངས་ནས་འཕགས་པ་སྤྱན་རས་གཟིགས་དབང་ཕྱུག་གང
34a5 ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བྱང་ཆུབ་སེམས་དཔའི་ཞབས་གཉིས་ལ་མགོ་བོས་ཕྱག་འཚལ་ནས་རིག་པའི་ཆོ་ག་སྨྲས་སོ། །ཚེས་གྲངས་མེད་ཅིང་རྒྱུ་སྐར་མེད་པས་སྨྱུང་བར་གནས་པ་མེད་པར་བྱ་སྟེ། རིག་པ་གང་ཁོ་ན་ཚང་མའོ། །དུར་ཁྲོད་དུ་དབང་ཕྱུག་ཆེན
34a6 པོའི་གཡས་ཀྱི་ལུས་ལ་རིག་པ་བརྒྱད་བརྒྱར་བཟླས་ཏེ་ཁར་བཅུག་ན་མི་སྣང་བར་འགྱུར་རོ། །སའི་ཆ་དྲུག་འཕྲོག་པར་འགྱུར་རོ། །འོད་མ་ལྷགས་པ་བླངས་ནས་ལྕགས་གསུམ་གྱིས་དེ་ལ་དཀྲི་བར་བྱའོ། །དེ་ནས་གཙང་མས་གོས་གཙང་མ་བགོས་ཏེ། དུར་ཁྲོད་དུ་སོང་ནས་དྲི་དང་།
34a7 མེ་ཏོག་དང་། བདུག་པ་ལ་སོགས་པས་མཆོད་པ་དང་། འབྱུང་པོ་ཐམས་ཅད་པའི་གཏོར་མ་ཡང་བྱས་ནས། དེ་ནས་སྒྲུབ་པ་པོས་ཐོད་པ་ལག་པ་གཡོན་པས་བླངས་ཏེ་ལག་པ་གཡས་པས་མནན་ནས་ཇི་སྲིད་ཅ་ཅོའི་སྒྲ་སྒྲོགས་པ་དེ་སྲིད་དུ་རིག་པ་བཟླས་པར་བྱའོ། །རིག་པ་དྲན
iiif viewer powered by OpenSeadragon
