| e-texts navigator |
| Wylie |
33b1 མས་གོས་གཙང་མ་བགོས་ཏེ་དུས་གསུམ་དུ་ཁྲུས་བྱས་ནས་གོས་ལན་གསུམ་དུ་བརྗེ་ཞིང་། འོ་མ་དང་ནས་ཟན་ཟ་བས་འབུམ་ཕྲག་བཅུར་བཟླས་པ་བྱ་སྟེ་ལུས་སྦྱོང་བར་འགྱུར་རོ། །དེ་ནས་སྒྲུབ་པ་པོས་རྒྱུ་སྐར་རྒྱལ་ལ་ས་སེར་པོ་དང་། བའི་གཅིན་དང་། ལྗང་ཁུས་ནམ
33b2 མཁའ་ལྡིང་འདྲིར་གཞུག་པ་སྟེ། འདིའི་མགྲིན་པ་ལ་པདྨའི་ཕྲེང་བ་སྦྱིན་པར་བྱའོ། །དེ་ལ་སྒྲུབ་པ་པོས་རིན་པོ་ཆེ་གསུམ་གྱིས་མཆོད་པ་བྱས་ནས་དེ་ནས་སྒྲུབ་པ་པོས་བ་ལས་བྱུང་བས་དཀྱིལ་འཁོར་ཉེ་བར་བྱུགས་ཏེ། སྒོ་བཞི་རྣམས་སུ་བུམ་པ་གང་བ་བཞི་གཞག་པར་བྱའོ། །
33b3 བུམ་པ་གང་བ་བཞི་པོ་རྣམས་ལ་ཀླུའི་རྒྱལ་པོ་བཞི་འདྲིར་གཞུག་པར་བྱའོ། །དེ་ནས་རྒྱུད་མཚུངས་པའི་བའི་མར་སར་བླངས་ནས་ཟངས་ཀྱི་སྣོད་དུ་བཞག་སྟེ། ལག་པ་གཡས་པས་མནན་ནས་ཇི་སྲིད་དུ་དུ་བ་འཐུལ་བ་དང་། འབར་བར་བྱེད་པ་དེ་སྲིད་དུ་རིག་པ་བཟླས
33b4 པར་བྱའོ། །དུ་བ་འཐུལ་བ་ན་འཐུངས་བས་མི་སྣང་བར་འགྱུར་རོ། །ལོ་སྟོང་ཕྲག་བཅུ་བཞིར་འཚོ་བར་འགྱུར་རོ། །དཔག་ཚད་སྟོང་དུ་འགྲོའོ། །འབར་ན་ལྷའི་ལུས་དང་ཡིད་དུ་འགྱུར་རོ། །ཐམས་ཅད་དབུགས་འབྱིན་པར་བྱེད་དོ། །རིག་པ་འཛིན་པ་བཅུས
33b5 ཡོངས་སུ་བསྐོར་རོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །རྒྱ་མཚོར་འགྲོ་བའི་ཆུ་ཀླུང་དུ་སོང་ནས་སློང་མོ་ཟ་ཞིང་། ཀླུ་ཤིང་གི་མེ་ཏོག་ལ་ཞོ་དང་སྦྲང་རྩི་དང་མར་གྱིས་བཏགས་པའི་སྦྱིན་སྲེག་འབུམ་བྱས་ན་ཀླུ་རྣམས་ལང་ངོ་། །དེ་ནས་སྒྲུབ་པ་པོས
33b6 འཇིགས་པ་མེད་པས་དབུས་སུ་མེ་ཏོག་གིས་བརྒྱན་པའི་བུམ་པ་གཞག་པར་བྱ། དེའི་སྟེང་དུ་འཁོར་ལོ་གཞག་པར་བྱ། དེ་ནས་སྒྲུབ་པ་པོས་བསྲུང་བ་བྱས་ཏེ་ཀླུའི་སྟན་ལ་ཉེ་བར་འདུག་པས་ཇི་སྲིད་ནམ་མཁའ་ལྡིང་ལས་འོད་ཟེར་འཕྲོ་བ་དེ་སྲིད་དུ་རིག་པ་བཟླས་པར་བྱའོ། །སྒྲུབ
33b7 པ་པོ་ལ་བསྐོར་བ་བྱས་ནས་དེ་ཉིད་ཀྱི་སྤྱི་བོར་ནུབ་པར་འགྱུར་རོ། །རིག་པ་བཟླས་པས་བླང་བར་བྱའོ། །དེ་ལ་ཞོན་པས་རིག་པ་འཛིན་པ་སྟོང་ཕྲག་དྲུག་ཅུ་ཉེ་བར་འགྲོ་སྟེ། ཡིད་ཀྱིས་རླུང་ལྟར་འགྲོའོ། །ཉི་མ་འཆར་ཀའི་འོད་དང་མཚུངས་པ་ཀླུའི་རིག་པ་འཛིན་པ་ཐམས
iiif viewer powered by OpenSeadragon
