| e-texts navigator |
| Wylie |
33a1 པ་དེ་སྲིད་དུ་བཟླས་པར་བྱའོ། །རིག་པ་དྲན་པས་རེག་སྟེ། བླངས་པ་དེ་སྐྲ་ལི་ཞིང་འཁྱིལ་པ་ལོ་བརྒྱད་གཉིས་ལོན་པའི་རྣམ་པ་ལག་ན་ཞགས་པ་ཐོགས་པ་རིག་པ་འཛིན་པ་བཅུ་དྲུག་གིས་ཡོངས་སུ་བསྐོར་བ། དཔག་ཚད་སྟོང་ཕྲག་ལྔར་འཕུར
33a2 བར་འགྱུར་རོ། །ལོ་སྟོང་ཕྲག་བཅུ་བཞིར་འཚོ་བར་འགྱུར་རོ། །གང་གི་ཚེ་འཆི་བ་དེའི་ཚེ་རྒྱལ་ཆེན་བཞིའི་རིས་ཀྱི་ལྷ་རྣམས་སུ་སྐྱེ་བར་འགྱུར་རོ། །རིའི་རྩེ་མོར་འཛེགས་ཏེ་སློང་མོ་ཟ་ཞིང་། སྙིང་པོ་མཉམ་པར་འགྲོ་མ་བྱེ་བ་བཟླས་ན་རིག་པ་འཛིན་པར་འགྱུར་རོ། །
33a3 རིག་པ་འཛིན་པ་ལྔས་ཡོངས་སུ་བསྐོར་བ་ཐོགས་པ་མེད་པར་འགྲོ་སྟེ། སྐད་ཅིག་ཐང་ཅིག་ཡུད་ཙམ་གྱིས་མི་མཇེད་འཇིག་རྟེན་གྱི་ཁམས་སུ་འགྲོ་བར་བྱེད་ཅིང་སོང་ནས་བསྐལ་པར་གནས་པར་འགྱུར་རོ། །གང་གི་ཚེ་འཆི་བ་དེའི་ཚེ་སངས་རྒྱས་ཀྱི་ཞིང་དུ་སྐྱེ་བར་འགྱུར་རོ། །
33a4 བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་རྒྱལ་ཆེན་བཞིས་གསུངས་པའི་ལེའུ་བརྒྱད་པའོ།། །།དེ་ནས་ཡང་ནམ་མཁའ་ལྡིང་གི་རྒྱལ་པོ་ཐམས་ཅད་ཀྱིས་བཅོམ་ལྡན་འདས་མའི་ཆོ་ག་གསུངས་སོ། །དུག་གསོ་བ་ནི་ཡལ་འདབ་ལས་བབ་པའི
33a5 ཆུས་ཚོན་བྱ་ཞིང་སེ་གོལ་དང་། གར་བྱེད་བཞིན་པས་ཡིད་ཀྱིས་བཟླས་པ་བྱས་པའི་མེ་ཏོག་དཀར་པོ་ལ་ལན་བདུན་བཟླས་པས་གདུང་བ་གསོ་བར་བྱེད་དོ། །སྲད་བུས་གདོན་སྐྲག་པར་བྱེད་དོ། །གུ་གུལ་གྱི་བདུག་པས་མཆེ་བ་འབེས་པར་བྱེད་དོ། །སྣ་མའི་མེ་ཏོག་གིས
33a6 སྐྲོད་པར་བྱེད་དོ། །ཡུངས་ཀར་ཁྲག་དང་བཅས་པ་ལ་བཟླས་པས་སྡང་བ་རྣམས་ཕྱིར་ཟློག་པར་བྱེད་དོ། །བ་ལང་གི་ཤས་སྐེམས་པར་བྱེད་དོ། ། རིཥྚའི་འདབ་མ་དང་། ཁྲག་འཛག་པ་དང་། སྐྱེ་ཚེ་རྣམས་ཀྱིས་དབང་དུ་བྱེད་དོ། །རྒའི་མེ་ཏོག་གིས་ནོར་སྦྱིན་ནོ། །
33a7 མེ་ཏོག་བརྒྱ་པས་ཤ་ཟ་རྣམས་སྐྲག་པའི་ཡིད་ཀྱིས་འབྲོས་པར་བྱེད་དོ། །འཁྲིལ་ཤིང་གིས་རིགས་སམ་ཁྱིམ་སྐྲོད་པར་བྱེད་དོ། །ཀླུ་རྣམས་ནི་ཀླུ་ཤིང་གི་མེ་ཏོག་གིས་སོ། །ཕུབ་མས་རིག་པ་གཅོད་པར་བྱེད་དོ། །འདིས་ཕ་རོལ་གྱི་རིག་པ་སྒྲུབ་པར་འགྱུར་རོ། །གཙང
iiif viewer powered by OpenSeadragon
