| e-texts navigator |
| Wylie |
32b1 དུས་གསུམ་མཉམ་པར་དམིགས་པ་ཡིས། །སྒྲུབ་པོ་དེ་ལ་འགའ་ཞིག་གིས། །གླགས་སྐབས་རྙེད་པར་མི་འགྱུར་རོ། །རི་མོ་མཁན་གསོ་སྦྱོང་ལ་གནས་པས་བཅོམ་ལྡན་འདས་ཀྱི་གཟུགས་བརྙན་འདྲིར་གཞུག་པར་བྱ་སྟེ། གསེར་ལྟར་སེར་བ། ཆོས་སྟོན་པར
32b2 མཛད་བཞིན་པའོ། །གཡས་སུ་འཕགས་པ་སྤྱན་རས་གཟིགས་དབང་ཕྱུག་རལ་པའི་ཅོད་པན་འཆང་བ་སྔོ་བསངས་ལུས་མཆོད་ཕྱིར་ཐོགས་ཀྱིས་བརྒྱན་པ་ཕྱག་ན་པདྨ་བསྣམས་པའོ། །ཕྱག་ན་རྡོ་རྗེ་ཟར་མའི་མེ་ཏོག་དང་མཚུངས་པ་ཕྱག་ན་རྡོ་རྗེ་བསྣམས་པ་ཀུན་ནས་འོད་འཕྲོ་བ
32b3 འདྲིར་གཞུག་པར་བྱའོ། །ཕྱག་ན་རྡོ་རྗེའི་ཉེ་ལོགས་སུ་རྒྱལ་པོ་ཆེན་པོ་བཞི་མཚོན་ཆ་དང་བཅས་འདྲིར་གཞུག་པར་བྱའོ། །སྤྱན་རས་གཟིགས་དབང་ཕྱུག་གི་ཉེ་ལོགས་སུ་བཅོམ་ལྡན་འདས་མ་ཁྲོ་གཉེར་ཅན་མ་པྲི་ཡངྐུ་སྔོ་བསངས་འདྲིར་གཞུག་པར་བྱའོ། །འོག་ཏུ
32b4 སྒྲུབ་པ་པོ་ལག་ན་སྤོས་ཕོར་ཐོགས་པའོ། །དེ་ནས་སྒྲུབ་པ་པོས་རས་རིས་ཀྱི་སྤྱན་སྔར་སློང་མོ་ཟ་ཞིང་། གཙང་མའི་ཕྱོགས་སུ་འབུམ་ཕྲག་གསུམ་བཟླས་པར་བྱའོ། །དེ་ནས་རས་རིས་བླངས་ནས་རིའི་རྩེ་མོ་ལ་འཛེགས་ཏེ་ས་ནག་པོ་ལ་མ་ཧེ་བྱས་ལ་རས་རིས་ལ་མཆོད་པ་རྒྱ
32b5 ཆེན་པོ་དང་འབྱུང་པོ་ཐམས་ཅད་ལ་གཏོར་མ་བྱའོ། །དེ་ནས་སྒྲུབ་པ་པོས་བསྲུང་བ་བྱས་ཏེ་གོས་གཙང་མ་བགོས་ཏེ། ཀུ་ཤའི་ཁྲེས་ལ་ཉེ་བར་འདུག་པ་སྙིང་པོ་མཉམ་པར་འགྲོ་མ་བཟླས་པར་བྱའོ། །ཇི་སྲིད་མ་ཧེའི་རྭ་གཡས་པ་ལ་འོད་ཟེར་འཕྲོ་བ་དེ་སྲིད་དུ་བཟླས་པར་བྱའོ། །
32b6 དེ་ནས་ཡིད་ཀྱིས་མཆོད་ཡོན་དབུལ་ལོ། །དེ་ནས་མ་ཧེ་ལ་ཞོན་ཏེ་ཞོན་པ་ཙམ་གྱིས་རིག་པ་འཛིན་པ་བཅུ་བདུན་གྱིས་ཡོངས་སུ་བསྐོར་བའི་ལྷའི་ལུས་སུ་འགྱུར་རོ། །དཔག་ཚད་སྟོང་ཕྲག་དྲུག་ཅུར་འཕུར་བར་འགྱུར་རོ། །ལྷ་མ་ཡིན་གྱི་བུ་མོ་རྣམས་ཀྱང་དབང་དུ་འདུ་བར
32b7 འགྱུར་རོ། །ལོ་སྟོང་ཕྲག་ལྔ་བརྒྱར་འཚོ་བར་འགྱུར་རོ། །ལུས་སྦྱང་བ་བྱས་ནས་རས་རིས་ལ་མཆོད་པ་རྒྱ་ཆེན་པོ་དང་། རྣམ་པ་སྣ་ཚོགས་པའི་གཏོར་མ་བྱ་སྟེ་དེ་ནས་སྒྲུབ་པ་པོས་ཀུ་ཤ་ལས་བྱུང་བའི་ཞགས་པ་བྱས་ནས་ལག་པ་གཡས་པས་མནན་ཏེ་ཇི་སྲིད་འབར་བར་གྱུར
iiif viewer powered by OpenSeadragon
