| e-texts navigator |
| Wylie |
32a1 ལ་འབུམ་ཕྲག་ཉི་ཤུ་བཟླས་པ་དབུལ་བར་བྱའོ། །བཟླས་པ་ཡོངས་སུ་རྫོགས་པ་ན་གུ་གུལ་དང་། ཀུན་ཛི་ཀའི་སྦྱིན་སྲེག་བརྒྱད་བརྒྱ་བཅོམ་ལྡན་འདས་མས་བྱའོ། །དེ་ནས་ལས་ཟད་པར་འགྱུར་རོ། །དེ་ནས་རྒྱལ་པོ་ཆེན་པོ་བཞིས་ལོག་འདྲེན་ལ
32a2 ལྟ་བཞིན་འདི་སྐད་སྨྲས་སོ། །ཀྱེ་ལོག་པར་འདྲེན་པ་ཁྱོད་མཉན་པར་གྱིས་ཤིག་།གང་རིག་པའི་རྒྱལ་མོ་འདི་འཆང་བར་བྱེད་པའི་རིག་པ་འཛིན་པ་དེ་ལ་ཁྱེད་ཅག་རྣམས་ཀྱིས་ཉེ་བར་འགྲོ་བར་མི་བྱའོ། །ལོག་འདྲེན་གྱིས་འདི་སྐད་ཅེས་སྨྲས་སོ། །རིག་པ་འཛིན་པ
32a3 གང་སླར་ཡང་ཆོ་ག་ལས་འདས་ནས་མངོན་པའི་ང་རྒྱལ་གྱིས་སྒྲུབ་པར་མི་འགྱུར་བའི་རིག་པ་འཛིན་པ་དེ་ལ་བགེགས་ཀྱི་དོན་དུ་ཉེ་བར་འགྲོ་བར་བྱ་སྟེ། ལོ་བརྒྱར་བསགས་པ་འདིའི་བསོད་ནམས་ཀྱང་རྣམ་པར་གཞོམ་པར་བགྱིའོ། །ལྷའི་རྒྱལ་པོས་སྨྲས་པ། ཀྱེ་ཀྱེ་གདུག
32a4 པའི་ལོག་འདྲེན་ཁྱེད་ཅག་རྣམ་པར་གཞོམ་པའི་དོན་དུ་སྨན་འདི་རྣམས་བཤད་པར་བྱའོ། །ཟླ་བཅས་ལྟོ་བ་བྱམས་པ་དང་། །སྟག་འཇོམས་པ་དང་ལག་བཞིར་བཅས། །ཕག་གི་རྣ་བ་གླང་པོ་འབོད། །སྤྱོད་རལ་རུ་རྟ་གུར་གུམ་ཉིད། །ལྕགས་ཀྱི་ཕྱེ་མ་དང་བཅས
32a5 པ། །གླང་པོ་ཆེ་ཡི་གཅིན་གྱིས་བཏབ། །བཏགས་ནས་ཇི་ལྟར་འདོད་པ་བཞིན། །མཁས་པས་རིལ་བུར་བྱ་བའོ། །མེ་ཏོག་སྒྲོན་མ་གཏོར་མ་དྲི། །བཤང་བ་གཅི་བར་བོང་བ་ཡིས། །ཁྲུས་བྱ་མལ་སྟན་གོས་བཅིང་བྱས། །དྲི་དང་མེ་ཏོག་སོགས་ཐམས་ཅད། །
32a6 རབ་སྦྱར་བྱའོ་རྣམ་གཞན་དུ། །ལོག་འདྲེན་གླགས་ནི་ཚོལ་བར་འགྱུར། །གསུངས་པའི་དེ་མ་ཐག་ཏུ་ཡང་། །ལོག་འདྲེན་ཐམས་ཅད་རྣམ་འཁྲུགས་པར། །གྱུར་པའི་ཡིད་ཀྱིས་ཕན་ཚུན་དུ། །ལྟ་ངན་ཕྱོགས་བཞིན་འབྲོས་པར་བྱེད། །སླར་ཡང་བགེགས་བྱེད
32a7 མི་འགྱུར་རོ། །གང་དུ་སྨན་མཆོག་འདི་གནས་པ། །དེར་ནི་ཉེ་བར་འགྲོ་མི་འགྱུར། །དཔག་ཚད་བརྒྱ་ཡི་ནང་དུ་ཡང་། །འདི་ལ་བགེགས་ནི་བྱེད་མི་འགྱུར། །འདི་ཡི་རྟོག་པ་ཐམས་ཅད་ཀྱི། །དངོས་གྲུབ་འབྱུང་བར་འགྱུར་བ་ཡིན། །རིག་པ་འཛིན་པ་གང་ཞིག་སླར། །
iiif viewer powered by OpenSeadragon
