| e-texts navigator |
| Wylie |
31b1 རིག་པ་འཛིན་པ་ཐམས་ཅད་ཀྱང་ཀུན་ཏུ་དབང་བར་འགྱུར་རོ། །གང་གི་ཚེ་འདི་འཕོ་བའི་དུས་ལ་བབ་པ་དེའི་ཚེ་བཅོམ་ལྡན་འདས་མ་ཡང་དག་པར་བྱོན་ནས་སྐུལ་བར་བྱེད་དོ། །བུ་རིན་པོ་ཆེའི་མཐུ་དེ་རྣམས་ཟད་ནས་སླར་ཡང་བསྒྲུབ་པར་བྱའོ་ཞེས་བརྗོད་ནས་མི་སྣང་བར་འགྱུར་རོ། །ཕྱིས
31b2 རིག་པའི་རྒྱལ་མོ་འདི་དྲན་པར་འགྱུར་རོ། །ངན་འགྲོ་ལོག་པར་ལྟུང་བ་རྣམས་སུ་འགྲོ་བ་དང་སྐྱེ་བར་མི་འགྱུར་རོ། །ཐམས་ཅད་ཀྱི་ཚེ་ཡང་འདི་སངས་རྒྱས་རྗེས་སུ་དྲན་པ་སྦྱིན་པར་འགྱུར་རོ། །དབང་ལྡན་གྱིས་རབ་ཏུ་བཤད་པའི་བཅོམ་ལྡན་འདས་མ་རིག་པའི་རྒྱལ
31b3 མོའི་ལེའུ་རྫོགས་སོ། ། །།འཇིག་རྟེན་སྐྱོང་བ་བཞིས་བཅོམ་ལྡན་འདས་མའི་ཆོ་ག་གསུངས་སོ། །རིག་པའི་རྒྱལ་མོ་འདི་དྲན་པ་ཙམ་གྱིས་བགེགས་ཐམས་ཅད་རེངས་པར་འགྱུར་རོ། །འཇིག་རྟེན་གྱི་ཁམས་འདི་ན་མར་མི་ཤེས་པ་དང་། ཕར
31b4 མི་ཤེས་པ་ཡང་ཡོད་དེ། ཆོས་དང་མི་ལྡན་པ། སྡིག་པའི་སེམས། ཤེས་རབ་ཆུང་བ། སྲོག་ཆགས་གསོད་པ། དྲག་པོ་ཁ་དོག་ངན་པ། སྟོབས་ཆུང་བ། ཀྱོག་པོ། སྒུར་པོ། རྗེ་ངར་སྦོམ་པ། གཞན་ཡང་བྱ་རོག་གི་རྗེ་ངར་འདྲ་བ། བོང་ཐུང་དང་། དང་། རྔ
31b5 མོ་དང་། གཡག་ནག་པོ་ལྟ་བུ། སྐྲ་སེར་སྐྱ། སེན་མོ་ངན་པ་དང་། བྱ་རོག་གི་སྐད་དང་། དེ་བཞིན་དུ་གཞན་ཡང་བུམ་ལྟོ་ཅན་དང་། དྲི་མ་ཅན་དང་། གང་ཡང་གཞན་ནད་ཀྱིས་གཟིར་བ་རྣམས་ཏེ། འདི་རྣམས་ཀྱིས་ཇི་སྐད་བཤད་པའི་རིག་པ་མི་འགྲུབ་བོ།། །།བདག་ཅག་གི
31b6 བདེན་པའི་ཚིག་གིས་ཇི་ལྟར་སྔར་གྱི་ལས་ཟད་པར་བྱས་ནས་དེ་ནས་རིག་པ་བསྒྲུབ་པར་བྱའོ། །རྒན་པོའམ། ཞར་བའམ། ལོང་བའམ། རྒུར་པོའམ། ཀྱོག་པོའམ། དེ་ལྟ་བུ་རྣམས་ཀྱིས་སོ། །སླར་ཡང་ཙནྡན་དཀར་པོ་ལ་བྱས་པའི་བཅོམ་ལྡན་འདས་མ་བདེ་བར
31b7 གཤེགས་པའི་ཁྲུ་གང་གི་ཚད་དུ་བྱེད་དུ་གཞུག་སྟེ། རི་མོ་མཁན་གསོ་སྦྱོང་ལ་གནས་པས་མ་འདྲེས་པའི་ཚོན་གྱིས་འདྲིར་གཞུག་པར་བྱའོ། །དེ་ནས་དེས་རྒྱ་མཚོའི་འགྲམ་དུ་བཞུགས་སུ་གསོལ་ནས་དུས་གསུམ་དུ་ཁྲུས་བྱ་ཞིང་སློང་མོ་ཟ་ཞིང་། གུ་གུལ་གྱི་བདུག་པ་བསྲེགས
iiif viewer powered by OpenSeadragon
