| e-texts navigator |
| Wylie |
30a1 བར་ལན་བདུན་བཟླས་པའི་ཡུངས་ཀར་གྱིས་བཞུ་བར་བྱའོ། །ཁ་ནས་སྦྲུལ་མཐོང་བར་འགྱུར་ཏེ་འཇིགས་པར་མི་བྱ་བར་རིག་པ་དྲན་པས་རེག་པར་བྱའོ། །རེག་པ་ཙམ་གྱིས་རལ་གྲིར་འགྱུར་རོ། །སྙིང་པོ་དྲན་པས་གཟུང་བར་བྱའོ། །བཟུང་བ་ཙམ་གྱིས་སྐྲ
30a2 ལི་ཞིང་ལོ་བརྒྱད་གཉིས་ལོན་པའི་རྣམ་པ་གླང་པོའི་རིག་པ་འཛིན་པ་ཐམས་ཅད་ཀྱི་བདག་པོར་ཐོགས་པ་མེད་པར་འགྱུར་ཏེ་ལོ་སྟོང་དྲུག་ཅུར་འཚོ་བར་འགྱུར་རོ། །མདུང་ཐུང་གི་སྒྲུབ་པར་འགྱུར་ཏེ་སྔར་བཞིན་དུ་འོ་མ་དང་། ནས་ཟན་བཟའ་ཞིང་རི་བོའི་རྩེ་མོར་འཛེགས་ཏེ་འབུམ
30a3 ཕྲག་གསུམ་བཟླས་པར་བྱའོ། །དེ་ནས་རིག་པ་འཛིན་པས་དུར་ཁྲོད་ཀྱི་ཐལ་བ་དང་། གྲོག་མཁར་གྱིས་ལ་འོ་མས་སྦྲུས་ཏེ་སྔར་བཞིན་དུ་འོ་མ་དང་ནས་ཟན་བཟའ་ཞིང་། རིའི་རྩེ་མོར་འཛེགས་ཏེ་འབུམ་ཕྲག་གསུམ་བཟླས་པར་བྱའོ། །དེ་ནས་རིག་པ་འཛིན་པས
30a4 དུར་ཁྲོད་ཀྱི་ཐལ་བ་དང་གྲོག་མཁར་གྱིས་ལ་འོ་མས་སྦྲུས་ཏེ་རྨ་བྱའི་གཟུགས་བྱ། བདེ་བར་གཤེགས་པའི་མཐོ་གང་གི་ཚད་ཀྱིས་མ་འདྲེས་པའི་ཚོན་གྱིས་འདྲིར་གཞུག་པར་བྱའོ། །དེ་ནས་དུར་ཁྲོད་དུ་སོང་ནས་བ་བྱུང་གིས་དཀྱིལ་འཁོར་ཉེ་བར་བྱུགས་ཏེ། དྲི་དང་།
30a5 མེ་ཏོག་དང་བདུག་པ་ལ་སོགས་པས་མངོན་པར་མཆོད་ནས་འབྱུང་པོའི་གཏོར་མ་བྱས་ནས། དེ་ནས་གཙང་མས་གོས་གཙང་མ་བགོས་ཏེ་ཐོད་པ་ལ་ཉེ་བར་འདུག་སྟེ། ཐོད་པ་གཉིས་པར་རྨ་བྱ་བཞག་ནས་ཇི་སྲིད་རྨ་བྱ་གཡོ་བར་བྱེད་པ་དེ་སྲིད་དུ་བཟླས་པར་བྱའོ། །དེ་ནས
30a6 རིག་པ་འཛིན་པས་ས་ལ་མ་ལྷུང་བའི་མེ་ཏོག་ལ་ལན་བདུན་མངོན་པར་བསྔགས་པ་རྣམས་ཀྱིས་མཆོད་ཡོན་དབུལ་ལོ། །སླར་ཡང་རིག་པ་བཟླས་པར་བྱའོ། །ཕྱོགས་ནས་ལྷན་ཅིག་འོང་བར་བྱེད་དེ། འཇིགས་པར་མི་བྱ་བར་སྙིང་པོ་དྲན་པས་རྨ་བྱ་ལ་རེག་པར་བྱ་སྟེ།
30a7 བུད་མེད་དུ་འགྱུར་རོ། །དེས་བུ་ཅི་བགྱི་ཞེས་སྨྲ་བར་འགྱུར་རོ། །དེ་ལ་བདག་གི་ལུས་སུ་གནས་པར་མཛོད་ཅིག་ཅེས་བརྗོད་པར་བྱའོ། །དེ་ནས་དེ་རིག་པ་འཛིན་པའི་ལག་མཐིལ་དུ་མི་སྣང་བར་འགྱུར་རོ། །སྐད་ཅིག་དེ་ཉིད་ལ་སྐྲ་ལི་ཞིང་འཁྱིལ་པ་ལོ་བརྒྱད་གཉིས
iiif viewer powered by OpenSeadragon
