| e-texts navigator |
| Wylie |
2b1 པ་འདྲིར་གཞུག་པར་བྱའོ། །གཡས་ཀྱི་གཞོགས་སུ་གནོད་སྦྱིན་གྱི་སྡེ་དཔོན་ཆེན་པོ་དག་བྲི་བར་བྱ་བ་ལ་འདི་ལྟ་སྟེ། རྒྱལ་བ་དང་། རྣམ་པར་རྒྱལ་བ་དང་། རྟག་ཏུ་རི་བོ་དང་། གསང་ལྡན་གྱི་བུ་དང་། ནོར་བུ་བཟང་པོ་དང་། བཟང་འགྲོའི་བུ་དང་།
2b2 བྱམས་པའི་བུ་དང་། དཔའ་བོ་བཟང་པོའི་བུ་དང་། ཚངས་པ་དང་། ཆུ་ལ་སེམས་ཏེ་དེ་ལྟ་བུ་ལ་སོགས་པ་གནོད་སྦྱིན་གྱི་རྒྱལ་པོ་མང་པོ་འདྲིར་གཞུག་པར་བྱ་སྟེ། ཁུག་མ་དང་ས་བོན་གྱིས་གང་བ་ཕྱག་ན་བསྣམས་པའི་གནོད་སྦྱིན་གྱི་སྡེ་དཔོན་རྣམས་ཉེ་བར་འདུག
2b3 པར་བྱའོ། །གཡོན་གྱི་གཞོགས་སུ་རྣམ་པར་རྒྱལ་བའི་མཐའ་དང་། སྡོང་པོ་དང་། རྣམ་རྒྱལ་ཐོབ་པ་དང་། མ་འགགས་པ་དང་། མཁའ་ལྡིང་རྒྱལ་པོ་ཞེས་པ་གནོད་སྦྱིན་གྱི་སྡེ་དཔོན་འདི་རྣམས་ཐམས་ཅད་སྔར་བཞིན་ཁ་དོག་ལྗང་གུའོ། །བཅོམ
2b4 ལྡན་འདས་ཀྱི་གཡས་སུ་རིག་པ་འཛིན་པ་ཡང་ལག་ན་སྤོས་ཕོར་ཐོགས་པ་སྔར་བཞིན་ནོ། །རྒྱུ་སྐར་སྐག་ལ་འདྲིར་གཞུག་པར་བྱའོ། །དེ་ནས་རས་རིས་རིང་བསྲེལ་དང་བཅས་པའི་མཆོད་རྟེན་ནམ། ཕྱོགས་གཙང་མ་གཞན་དུ་བཞུགས་སུ་གསོལ་ནས།
2b5 སྔགས་འདིས་སྤྱན་དྲང་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ། ན་མཿཡཀྵ་སེ་ནཱ་པ་ཏ་ཡེ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། ཏདྱ་ཐཱ། ཛ་ཡེ་བི་ཛ་ཡེ་ཨ་གུ་རུ་ཨེ་ཧི་ཨེ་ཧི་སྠཱ་ནཱཾ། ཨཱ་ཀྲ་མ། བི་ཛ་ཡེ།
2b6 བ་ཧ་ཤཱནྟི་ཀ་ར་སྭཱ་ཧཱ། སྔགས་འདིས་བཅོམ་ལྡན་འདས་དང་གནོད་སྦྱིན་ཐམས་ཅད་སྤྱན་དྲང་བར་བྱའོ། །ན་མོ་རཏྣ་ཏྲ་ཡཱ་ཡ། ན་མོ་ཨ་མི་ཏཱ་བྷཱ་ཡ་ན་མཿསརྦ་ཡཀྵ་སེ་ན་པ་ཏ་ཡེ་ན་མོ་ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ
2b7 རུ་ཎི་ཀཱ་ཡ། ར་ར་ར་ར་ཤཱནྟི་བི་ཛ་ཡེ་སྭཱ་ཧཱ། འདིས་དྲི་དང་བདུག་པ་ལ་སོགས་པ་ཐམས་ཅད་དབུལ་བར་བྱའོ། །དེ་བཞིན་དུ་རས་རིས་ཀྱི་སྤྱན་སྔར་འབུམ་ཕྲག་གསུམ་བཟླས་པ་བྱའོ། །ཟླ་བ་ཉ་ལ་ཉིན་མཚན་དུ་སྨྱུང་བར་གནས་པས། བཅོམ་ལྡན་འདས་ལ
iiif viewer powered by OpenSeadragon
