| e-texts navigator |
| Wylie |
2a1 ཧྲྀ་ད་ཡ། མ་ནུ་སྨ་ར། སཏྱ་མ་ནུ་སཱ་ལ། ཏདྱ་ཐཱ་ཤཱི་ལེ་ཤཱི་ལ་བ་ཏི་དཱ་ནི་པྲ་ཡེ་ཤནྟེ་སཏྭཱ་དརྵ་ནན་ཏ་ཐཱ་ག་ཏ་སརྦ་ཛྙཱ་ཛྙཱ་ན་དརྵ་ན་མ་མ་ས་རཾ་པྲ་ཡཙྪེ་སརྦ་སཏྭཱ་ཧི་ཏཱརྠཱ་ཡ་སྭཱ་ཧཱ། སྟོབས་ཆེན་པོས་ཕ་རོལ་གནོན་པའི་གསང་སྔགས་འདི
2a2 ག་སུངས་པ་དང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གང་དུ་གནས་པ་བཀུག་ནས་གནོད་སྦྱིན་ཐམས་ཅད་ཀྱི་དབང་པོ་བྱང་ཆུབ་སེམས་དཔའི་མཐུ་ལས་ཕྱག་ན་རྡོ་རྗེས་གསང་བའི་དབང་པོ་ཕྲན་ཚེགས་མ་ཡིན་པ་ཉིད་ཀྱིས་རྫུ་འཕྲུལ་ཆེན་པོ
2a3 དང་ལྡན་པས་ཚིག་འདི་སྨྲས་སོ། །སེམས་ཅན་གྱི་དོན་ལ་བརྩོན་པར་སེམས་པས་གང་ལ་ལ་སྒྲོལ་མ་སྒྲུབ་པ་དེའི་དངོས་གྲུབ་ངེས་པར་བྱིན་ཅིག་ཕྱེད་ཕྱེད་རྟག་ཏུ་ཕན་པས་བྱའོ། །སེམས་ཅན་ཐམས་ཅད་ཀྱིས་དེ་དྲན་པར་བྱས་ནས་ལྷ་མོ་སྒྲོལ་མ་འདི
2a4 ལུས་ཅན་རྣམས་བསྲུང་བ་དང་། བསྐྱབ་པ་དང་། སྦ་བར་བྱའོ། །གང་བདག་གི་བཀའ་མི་བྱེད་ན་ཕྱག་ན་རྡོ་རྗེ་གསང་བའི་བདག་པོ་དང་། རྡོ་རྗེ་འཆང་བ་སྟོབས་ཆེན་པོས་མགོ་ཚལ་པ་བདུན་དུ་འགས་པར་འགྱུར་རོ། །ཐམས་ཅད་མཁྱེན་པའི་ཡེ་ཤེས་སྔོན
2a5 མ་ཅན་འདི་ནི་མཐུ་ཆེན་པོ་ཐོབ་པ་གནོད་སྦྱིན་ཐམས་ཅད་འགུགས་པར་བྱེད་པ་ཞེས་བྱ་བའི་རིག་པའི་རྒྱལ་པོ་བཀླགས་པ་ཙམ་གྱིས་གདུག་པ་དང་འཇིགས་པ་ཐམས་ཅད་ལས་སྲུང་བའོ། །དེ་ནས་འདི་སྒྲུབ་པའི་ཐབས་བརྗོད་པར་བྱ་སྟེ། སྔར་གསུངས
2a6 པའི་རས་རིས་ཀྱི་ཆོ་ག་འཕགས་པ་སྤྱན་རས་གཟིགས་དབང་ཕྱུག་འདྲིར་གཞུག་པར་བྱ་སྟེ། རལ་པ་གྱེན་དུ་བརྫེས་པ། པདྨའི་སྡོང་བུ་ཕྱག་ན་བསྣམས་པ། ཕྱག་ན་པདྨ་གཡང་གཞི་ནག་པོ་འཕྱང་བ། གོས་དཀར་པོ་ཅན་སྐྱིལ་ཀྲུང་གིས་བཞུགས
iiif viewer powered by OpenSeadragon
