| e-texts navigator |
| Wylie |
29b1 རས་རིས་ཀྱི་སྤྱན་སྔར་རིག་པ་བཟླས་པར་བྱའོ། །དེ་ནས་མགོ་བོ་ལྔའི་ཐོད་པ་བླངས་ཏེ་གསུམ་གྱིས་སྒྱེད་པུ་གསུམ་བྱས་ཏེ་ཐོད་པ་གཅིག་ཞག་གིས་བཀང་ནས། །དེ་ནས་རིག་པ་འཛིན་པས་འབྱུང་པོ་ཐམས་ཅད་པའི་གཏོར་མ་བྱ། ཐོད་པ་ལྔ་པ་ལ་ཉེ་བར་འདུག་ནས་ཡུངས་ཀར་རེ་རེ
29b2 ལ་ལན་བདུན་བདུན་མངོན་པར་བསྔགས་པ་བྱས་ནས་སྦྱིན་སྲེག་བརྒྱད་བརྒྱ་བྱའོ། །སྦྱིན་སྲེག་དེ་རྫོགས་པ་ན་ལྦུ་བ་འབྱུང་སྟེ་ལག་པ་གཡས་པས་མནན་ནས་བརྒྱད་བརྒྱ་བཟླས་པར་བྱའོ། །དེ་ནས་ངུ་བའི་སྒྲ་ཐོས་ཏེ་འཇིགས་པར་མི་བྱའོ། །དེ་ནས་རིག་པ་འཛིན་པས
29b3 ཐབས་སུ་ཡུངས་ཀར་དཀར་པོ་ལ་ལན་བདུན་བསྔགས་པས་གཞུ་བར་བྱ་སྟེ་སྐྱེས་བུར་འགྱུར་རོ། །རིག་པ་དྲན་པས་སྟོད་ཅིག་སྟོད་ཅིག་ཅེས་བརྗོད་པར་བྱའོ། །སྭ་ཏི་ཀ་རུ་འགྱུར་རོ། །དེ་ནས་རིག་པ་འཛིན་པས་ལྡོང་རོས་ལ་ལན་བདུན་བསྔགས་པས་དེ་ལ་ཐིག་ལེ་བྱས
29b4 པས་གླང་པོའི་དབང་པོར་འགྱུར་རོ། །དེ་ལ་ཞོན་ཏེ་ཞོན་པ་ཙམ་ལ་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ་ཅན། དཀར་ཞིང་དང་བའི་ལུས་གླང་པོ་ཆེ་ལ་ཞོན་པ་ལོ་སྟོང་ཕྲག་བརྒྱད་དུ་འཚོ་བར་འགྱུར་ཏེ། དཔག་ཚད་སྟོང་ཕྲག་བརྒྱད་དུ་འཕུར་བར
29b5 འགྱུར་རོ། །གང་གི་ཚེ་འཆི་བ་དེའི་ཚེ་དགའ་ལྡན་ལྷའི་གནས་སུ་སྐྱེ་བར་འགྱུར་རོ། །ཚེས་གྲངས་མེད་ཅིང་རྒྱུ་སྐར་མེད། སྨྱུང་བར་གནས་པ་མེད་དེ་བསྒྲུབ་པར་བྱའོ། །སྐྱེས་བུ་ཤི་བའི་རོ་བླངས་ཏེ་ཆུ་ཀླུང་གི་འགྲམ་དུ་དྲིའི་ཆུས་ཁྲུས་བྱས་ནས་རྣམ་པ་སྣ་ཚོགས་པའི
29b6 གོས་གསར་པ་དང་། རྒྱན་གྱིས་བརྒྱན་པར་བྱས་ནས་མགོ་བོ་ཤར་དུ་གཞག་པར་བྱའོ། །སྒྲུབ་པ་པོས་གྲོགས་བཟང་པོ་བསྲུང་བ་བྱས་ལ་ཀུ་ཤའི་ཁྲེས་ལ་ཉེ་བར་འདུག་སྟེ་ཡུངས་ཀར་དཀར་པོ་ལ་ལན་བདུན་མངོན་པར་བསྔགས་ནས་ཁར་གཞུག་པར་བྱ་ཞིང་རིག་པ་བཟླས་སོ། །
29b7 ཇི་སྲིད་དུ་མི་རོའི་ཁ་གདངས་པར་འགྱུར་རོ། །དེ་ནས་སྒྲུབ་པ་པོ་འཇིགས་པ་མེད་པར་གྱུར་པས་རྐང་པ་གཡོན་པས་བྲང་ཁར་མནན་ནས་སྒྲ་དྲག་པོ་འབྱུང་བར་མི་བྱེད་པ་དེ་སྲིད་དུ་རིག་པ་བཟླས་པར་བྱའོ། །ཇི་སྲིད་དུ་དུ་བ་འཐུལ་བར་བྱེད་དེ། འཇིགས་པ་མེད་པས་དཔྲལ
iiif viewer powered by OpenSeadragon
