| e-texts navigator |
| Wylie |
29a1 འབུམ་ཕྲག་གསུམ་བཟླས་པར་བྱའོ། །དེ་ནས་རིག་པ་འཛིན་པས་ལེགས་པར་ངེས་པ་སྐྱེས་པའི་རོ་བླངས་ནས་དུར་ཁྲོད་དུ་དྲི་དང་མེ་ཏོག་ལ་སོགས་པས་བཅོམ་ལྡན་འདས་མ་མཆོད་ནས་འབྱུང་པོ་ཐམས་ཅད་པའི་གཏོར་མ་བྱས་ཏེ་གྲོགས་བཟང་པོས་བསྲུང་བ
29a2 བྱས་པ། གཙང་མས་གོས་གཙང་མ་བགོས་ཏེ་རོའི་དཔྲལ་བར་རྐང་པ་བྱིན་ནས་གནས་པས་རིག་པ་བཟླས་པར་བྱའོ། །ཇི་སྲིད་ན་ལྡང་བར་བྱེད་དེ། འཇིགས་པར་མི་བྱའོ། །དེ་ནས་རིག་པ་འཛིན་པས་ཡུངས་ཀར་ལ་ལན་བདུན་བཟླས་ནས་བརྡེག་པར་བྱ་སྟེ་གནོན་པར་འགྱུར
29a3 རོ། །དེ་ནས་རིག་པ་འཛིན་པས་རིག་པ་བཟླས་ཏེ་ལག་པ་གཡས་པས་རེག་པར་བྱའོ། །རེག་པ་ཙམ་གྱིས་ཁ་རུ་སྟ་མཐོང་བར་འགྱུར་རོ། །རིག་པ་བཟླས་ལ་བླང་བར་བྱའོ། །བླངས་པ་ཙམ་གྱིས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི་རྣམ་པ། ལག
29a4 པ་བཞི་པ། གླང་པོའི་རིག་པ་འཛིན་པ། རིག་པ་འཛིན་པ་དྲུག་གིས་བསྐོར་བ། རླུང་ལྟར་འགྲོ་བ། བསྐལ་པར་གནས་པར་འགྱུར་རོ། །གང་གི་ཚེ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ཕུར་བུ་གསུམ་པས་བཤད
29a5 པ་ལེའུ་དྲུག་པའོ། ། །།དེ་ནས་དབང་ལྡན་འབྱུང་པོའི་བདག་པོ་ནི་དེའི་རིག་པས་དགའ་ནས་ཆོ་ག་གསུངས་པ། རི་མོ་མཁན་གསོ་སྦྱོང་ལ་གནས་པས་སངས་རྒྱས་བཅོམ་ལྡན་འདས་ཀྱི་གཟུགས་བརྙན་འདྲིར་གཞུག་པར་བྱའོ། །འཕགས་པ་སྤྱན་རས་གཟིགས
29a6 དབང་ཕྱུག་ཕྱག་ན་པདྨ་བསྣམས་པ་འདྲིར་གཞུག་པར་བྱའོ། །གཡོན་དུ་འཕགས་པ་ཕྱག་ན་རྡོ་རྗེ་ཟར་མའི་མེ་ཏོག་དང་འདྲ་བ་འདྲིར་གཞུག་པར་བྱའོ། །འཕགས་པ་སྤྱན་རས་གཟིགས་ཀྱི་ཉེ་ལོགས་སུ་བཅོམ་ལྡན་འདས་མ་པྲི་ཡངྐུ་ལྟར་སྔོ་བསངས་རྒྱན་ཐམས་ཅད
29a7 ཀྱིས་རྣམ་པར་བརྒྱན་པ་འདྲིར་གཞུག་པར་བྱའོ། །ལྷའི་བུ་རྣམས་ཀྱང་མེ་ཏོག་རབ་ཏུ་འཐོར་བཞིན་པ་འདྲིར་གཞུག་པར་བྱའོ། །འོག་ཏུ་སྒྲུབ་པ་པོ་ལག་ན་སྤོས་པོར་ཐོགས་པ་འདྲིར་གཞུག་པར་བྱ། དེ་ནས་རིག་པ་འཛིན་པ་ཟླ་བ་གཅིག་ཏུ་འོ་མ་དང་ནས་ཟན་བཟའ་ཞིང
iiif viewer powered by OpenSeadragon
