| e-texts navigator |
| Wylie |
28b1 སྟེ། བུད་མེད་ཀྱི་རོ་བླངས་ནས་དུར་ཁྲོད་དུ་བ་ལང་གི་པགས་པ་ཙམ་གྱི་ཐང་ལ་ཉེ་བར་བྱུག་པ་བྱས་ནས་ཤར་དུ་མགོ་བོ་བཞག་ནས་དྲི་དང་མེ་ཏོག་ལ་སོགས་པ་རྣམས་ཀྱི་མཆོད་པས་མཆོད་དེ། དེའི་བྷ་གར་མིག་སྨན་བཅུག་ནས་ཇི་སྲིད་དུ་འགྲོ་བར་གྱུར་པ་དེ་སྲིད་དུ་བཟླས་པར་བྱའོ། །
28b2 དེས་རྒྱལ་བའི་སྤྱན་དང་མཚུངས་པར་འགྱུར་ཏེ་ལོ་སྟོང་ཕྲག་བཞིར་འཚོ་བར་འགྱུར་རོ། །ནག་པོའི་བཅུ་བཞི་ལ་སྐྱེས་བུ་ཤི་བ་དེའི་ཡན་ལག་ལས་སྐྱེས་པ་བླངས་ནས་སྐམ་པོར་བྱས་ཏེ་བསྐ་བས་བཀྲུ་བར་བྱའོ། །དྲི་དང་མེ་ཏོག་ལ་སོགས་པ་རྣམས་ཀྱིས་མངོན་པར་མཆོད
28b3 ནས། ཕྱི་མའི་ནག་པའི་བཅུ་བཞི་ལ་དབང་ཕྱུག་ཆེན་པོའི་གནས་སུ་སོང་ནས། འབྱུང་པོ་ཐམས་ཅད་པའི་གཏོར་མ་བྱས་ཏེ་དབང་ཕྱུག་ཆེན་པོ་གཡས་ཀྱི་ལུས་ལ་བཞག་ནས་ཁམ་ཕོར་ཁ་སྦྱར་དུ་གནས་པའི་དེའི་ཡན་ལག་ལས་སྐྱེས་པ་བྱས་ནས་རིག་པ་སྟོང་ཕྲག་བརྒྱད
28b4 བཟླས་པར་བྱའོ། །དེ་ནས་དངོས་གྲུབ་ཀྱི་མཚན་མ་ཁམ་ཕོར་ཁ་སྦྱར་གཡོ་བར་བྱེད་དེ། རིག་པ་དྲན་པས་བླང་བར་བྱའོ། །བླངས་པ་ཙམ་ལ་མི་སྣང་བར་འགྱུར་རོ། །དཔག་ཚད་སྟོང་དུ་འགྲོའོ། །ལོ་སྟོང་ཕྲག་ལྔར་འཚོ་བར་བྱེད་དེ། ནག་པོའི་བརྒྱད་པའམ།
28b5 ནག་པོའི་བཅུ་བཞི་པ་ལ་དུར་ཁྲོད་དུ་སོང་ནས་མ་སྐྱེས་པར་ཤི་བའི་བྱིས་པའི་དབང་པོ་ལྔ་བླངས་ནས་རིལ་བུར་བྱས་ཏེ་ལྕགས་གསུམ་གྱིས་ཡོངས་སུ་དཀྲིས་ནས་དེ་ནས་དཀྱིལ་འཁོར་ཉེ་བར་བྱུགས་ཏེ་ཐོད་པའི་ནང་དུ་བཞག་ནས་རིག་པ་སྙིང་པོ་མཉམ་པར་འགྲོ་མ་སྟོང་ཕྲག་བརྒྱད
28b6 བཟླས་པར་བྱའོ། །རིལ་བུ་ཁར་བཅུག་པས་མི་སྣང་བར་འགྱུར་རོ། །ལོ་སྟོང་ཕྲག་དྲུག་འཚོ་བར་འགྱུར་རོ། །དཔག་ཚད་བརྒྱར་འགྲོ་བར་འགྱུར་རོ། །མཉམས་པའི་རས་ལ་རི་མོ་མཁན་གསོ་སྦྱོང་ལ་གནས་པས་བཅོམ་ལྡན་འདས་མ་སྙིང་པོ་མཉམ་པར་འགྲོ་མ་འདྲིར
28b7 གཞུག་པར་བྱའོ། །གླང་པོའི་རྒྱལ་པོ་ཕུར་བུ་གསུམ་པ་འདྲིར་གཞུག་པར་བྱའོ། །བགེགས་ཀྱི་གཟུགས་ཁ་འོག་ཏུ་བལྟས་པ་རྣམ་པར་འགྱུར་བའི་རྣམ་པ་འདྲིར་གཞུག་པར་བྱའོ། །འོག་ན་སྒྲུབ་པ་པོ་ལག་ན་སྤོས་ཕོར་ཐོགས་པའོ། །དེ་ནས་རས་རིས་ཀྱི་སྤྱན་སྔར
iiif viewer powered by OpenSeadragon
