| e-texts navigator |
| Wylie |
28a1 པར་བྱའོ། །སླར་ཡང་སྒྲུབ་པ་པོས་འཆད་བཞིན་པས་བཅོམ་ལྡན་འདས་མ་ལན་བདུན་བཟླས་པར་བྱའོ། །དེ་ནས་ཀུན་ནས་འོད་ཟེར་འབྱུང་སྟེ་རིག་པ་དྲན་པས་གཟུང་བར་བྱའོ། །བཟུང་བ་ཙམ་གྱིས་སྐྲ་ལི་ཞིང་འཁྱིལ་བ། ལོ་བརྒྱད་གཉིས་ལོན་པའི
28a2 རྣམ་པ་འདོད་པའི་གཟུགས་ཅན་ཉི་མ་འཆར་ཀའི་འོད་རིག་པ་འཛིན་པ་སྟོང་ཕྲག་གིས་ཡོངས་སུ་བསྐོར་བ། སྐད་ཅིག་ཐང་ཅིག་ཡུད་ཙམ་ལ་ཚངས་པའི་འཇིག་རྟེན་དུ་འགྲོ་ཞིང་ཚངས་པར་ཡང་འགྱུར་རོ། །གང་གི་ཚེ་འཆི་བ་དེའི་ཚེ་དྲི་མ་མེད་པའི་འཇིག་རྟེན་དུ་སྐྱེ་བར་འགྱུར་རོ། །
28a3 དེ་ནས་ལྷ་མ་ཡིན་གྱི་བུ་མོ་ལ་ལོངས་སྤྱོད་པར་འདོད་ན་སློང་མོ་བཟའ་ཞིང་། རིའི་རྩེ་མོར་རིག་པ་སྙིང་པོ་མཉམ་པར་འགྲོ་མ་འབུམ་ཕྲག་ལྔ་བཟླས་པར་བྱའོ། །དེ་ནས་རི་མོ་མཁན་གསོ་སྦྱོང་ལ་གནས་པས་བཅོམ་ལྡན་འདས་ཀྱི་གཟུགས་བརྙན་ཆོས་འཆད་བཞིན་པ་འདྲིར
28a4 གཞུག་པར་བྱའོ། །དེའི་སྤྱན་སྔར་ཡིད་ཀྱིས་སྔགས་ཐམས་ཅད་སྟེན་པར་བྱེད་ན། ལྷ་མ་ཡིན་གྱི་རྫས་རྣམས་དབང་དུ་འགྱུར་རོ། །བཅོམ་ལྡན་འདས་མ་རིག་པའི་རྒྱལ་མོ་ཆེན་མོ་ཚངས་པས་གསུངས་པ་ལེའུ་ལྔ་པའོ།། །།དེ་ནས་གླང་པོའི་རྒྱལ་པོ
28a5 ཕུར་བུ་གསུམ་པས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གང་ན་བ་དེར་ཉེ་བར་ལྷགས་སོ། །ཉེ་བར་ལྷགས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བསྐོར་བ་བྱས་ནས་ཞབས་གཉིས་ལ་མགོ་བོས་ཕྱག་བྱས་ནས་བྱང་ཆུབ
28a6 སེམས་དཔའ་ཆེན་པོ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་རིག་པའི་རྒྱལ་པོ་འདིའི་ཆོ་ག་བཤད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་གླང་པོའི་རྒྱལ་པོ་ཕུར་བུ་གསུམ་པ་ལ་འདི་སྐད
28a7 ཅེས་སྨྲས་སོ། །གླང་པོའི་རྒྱལ་པོ་གང་ཁྱེད་སེམས་ཅན་གྱི་དོན་དུ་ཆོ་ག་འཆད་པ་ལེགས་སོ་ལེགས་སོ། །དེས་ན་གང་ཁྱོད་སྨྲོས་ཤིག་།གླང་པོའི་རྒྱལ་པོ་ཕུར་བུ་གསུམ་པས་སྨྲས་པ། ཚེས་གྲངས་མེད་ཅིང་རྒྱུ་སྐར་མེད། སྨྱུང་བར་གནས་པ་མེད་པར་བསྒྲུབ་པར་བྱ
iiif viewer powered by OpenSeadragon
